Rauðnefja rótarinn og lærisveinar hans

dröttuðust áfram í bikarkeppninni í dag. Nú get ég afskaplega lítið sagt um þennan leik enda sá ég hann ekki, ég varði tímanum í skemmtilega hluti í dag...

Dagurinn byrjaði ókristilega snemma eins og allir aðrir dagar vikunnar, sem sagt vinna. Eftir hádegi var skoppað í kaffi og spjall til stórsnillingsins, það er þessi hér.

Síðan var stormað á móti mótmælagöngunni (það gera það ekki allir, ég gerði það)  og stefnan sett á KEA Hótel án frávika. Þar var setið eins og þægur sunnudagaskóladrengur á kynningu til kl.17 Það er hreint ekkert auðvelt að sitja kyrr svona lengi en það hafðist, út af þessari kynningu kom ég útlýtandi eins og ég hefði hrapað óheppilega í gegnum pökkunarlínu í plástursverksmiðju...  með öðrum orðum plástraður frá skósólum og uppúr...

Ekki veit ég nákvæmlega hvað var í þessum plástrum en strákurinn er eins og nýsleginn túkall verkjalaus og stútfullur af orku,  sumum fannst reyndar alveg nóg um orkuna áður en ég var plástraður en það er svo annað mál...

Til hamingju United aðdáendur.

Góðar stundir.

Man. Utd áfram eftir sigur á Tottenham

Athugasemdir

[Sverrir Einarsson, 25.1.2009 kl. 01:27]

Þessi síða er að breytast í einhverja utd fan síðu, þú farinn í hundana og plástrana (eru þetta svona sjóveikisplástrar).

Ekkert um bíla á Agureyris lengur allir komnir á einhverja framsóknargræna traktora.

[Víðir Benediktsson, 25.1.2009 kl. 03:57]

Þakka haminguóskir. Treysti mér ekki til mótmæla vegna kvefpestar en mæti tvíelfdur næst.