Það er illa fyrir okkur komið

og hugmyndageld ríkisstjórn situr sem fastast í alvarlegri sjálfsblekkingu og algerri afneitun. Hver hefði geta ímyndað sér fyrirfram að fólkið í landinu teljist hreint ekki sem almenningur landsins? Hroki og fyrirlitning er versti óvinur hvers manns, það er nákvæmlega það sem stjórnvöld sína þegnum sínum.

Virkt lýðræði hefur ekki verið til staðar í áraraðir á Íslandi og stjórnvöld hafa kappkostað við að brjóta á þegnum sínum í áratugi og þykir það bara hið eðlilegasta mál. Já illa er fyrir okkur komið, örfáir fjárglæframenn hafa komið landinu á hausinn og nánast öllum þegnum þess með og stjórnvöld mærðu brjálæðið fram á síðasta dag.

Nú er það eina sem maður getur vonað og það er að hér brjótist ekki út blóðug átök með tilheyrandi hörmungum, allar forsendur eru að skapast fyrir gríðarlegum átökum og jafnvel uppreisn af svipuðum toga og við höfum séð í fréttum erlendis frá.

Þegar fólk sér í alvörunni að það á ekki fyrir nauðþurftum og hefur misst allt sitt, sem sagt borið sársvangt og stórskuldugt út á götu skulum við ekki gleyma af hverjum við erum komin. Íslendingasögurnar eru ekki bara skáldsögur og reyfarakennd fortíð, þetta er eðlið sem í okkur blundar og guð hjálpi okkur ef það verður vakið upp.

Að gefnu tilefni vil ég vekja eftirtekt á þessu og svo þessu hér.

Góðar stundir.

Allt á suðupunkti við Alþingi

Athugasemdir

[Ásdís Sigurðardóttir, 20.1.2009 kl. 17:44]

Takk fyrir   kær kveðja á Hullu þína

[Sverrir Einarsson, 20.1.2009 kl. 18:28]

Enn setja unglingar allt á suðu við Alþingishúsið hehe áttu annann betri?

En greinin er góð, svo var ég aðeins að googla hér og  þetta er góð aðferð við að AF framsókna fólk endanlega held ég + það að ég hennti inn smá bloggi í tilefni dagsins.

Góðar stundir fram að næsta Liverpool sigurleik.

[Víðir Benediktsson, 20.1.2009 kl. 21:35]

Íslendingasögur eru upplognar allar með tölu nema þar sem fólk var brennt inni og drekkt í poka. Flest mannvíg fóru þannig fram að fólk var stungið í bakið og þá yfirleitt vopnlaust fólk. Sé að Sverrir óskar þér góðra stunda lengi lengi.