Skuggalegir tímar framundan

Það er mjög líklegt að skuggalegir tímar séu framundan og fátt sem bendir til að úr rætist. Krafan um hátt verð skýrist að stórum hluta af óraunverulega háu verði aflaheimilda og fáránlega háu verði á leigumarkaði aflaheimilda.

Yfirskuldsettur sjávarútvegur hefur akkúrat ekkert svigrúm til að lækka verð sjávarafurða og fólk hefur ekki fjármagn til að kaupa á þessu verði. 

Svo virðist sem gróðabrask undanfarinna ára hafi snúist upp í andhverfu sína og hitti gerendurnar af fullum þunga með afleiðingum sem eru svo hrikalega að þær verða ekki setta á prent hér.

Við skulum gera okkur grein fyrir því í leiðinni að allur þessi óseldi fiskur hefur meira og minna verðið veðsettur í formi afurðarlána. Eitthvað segir mér að menn hafi lítið slegið af þegar söluverð afurðanna var fundið út svo lánin gætu orðið duglegri. Það sér það hvert barn hvað gerist þótt stíflan brysti og afurðirnar myndu seljast einn daginn á margfalt lægra verði en hugmyndfræðin gerði ráð fyrir. 

Menn geta séð það sjálfir hvernig staðan verður ef heimsmarkaðsverð sjávarafurða hrynur sem flest bendir til að gerist. Á samdráttartímum leitar fólk eftir ódýrum mat og samdrátturinn er rétt að byrja samber nýjustu spá um ESB svæðið, þetta á reyndar við um nánast alla heimsbyggðina.

Góðar stundir.

Frystigeymslur stútfullar

Athugasemdir

[Jahá, 20.1.2009 kl. 09:44]

Hittir naglann á höfuðið.
Þetta er orðið æ sýnilegra síðustu mánuði.  Fyrir ekki svo löngu síðan var einmitt frétt um að öll svínakjötsframleiðsla í Bretlandi væri í hættu.  Innflutt svínakjöt er ódýrara og almenningur horfir auðvitað í budduna.  Man ekki betur en sá sem barðist fyrir hollum mat í öllum skólum Bretlands, Jamie Oliver, hafi sett á laggirnar þáttaröð sem á sérstaklega að fjalla um breska beikonið.
Hvort hann hafi hag breskra svínabænda fyrir brjósti skal ósagt.