Svona sé ég hlutina

sun. 18.1.2009

Brunabjöllurnar hafa glumið lengi á Framsókn

Framsóknarflokkurinn sat í þeirri ríkisstjórn sem til dæmis gaf bankana vildarvinum sínum. Það var gert í skjóli framsóknar og gerandinn heitir Valgerður Sverrisdóttir, stundum kölluð Lómatjarnar drottningin (tröllið)

Í skjóli framsóknar spratt fram á sjónarsviðið preláti og söðlaði undir sig það sem hugur hans girntist, maðurinn heitir Finnur Ingólfsson. Flest ef ekki allt tekið úr sameiginlegum sjóðum annarra. Í þessu skjali má svo sjá part af verkum hans og hverjir standa honum næst.

Í skjóli framsóknar vélaði annar preláti undir sig og aðra honum tengdum ótrúleg auðæfi, það var tekið úr sameiginlegum sjóði þjóðarinnar, maðurinn heitir Halldór Ásgrímsson.

Í skjóli framsóknar var lífsviðurværi flestra sjávarþorpa landsins tekin og færð vildarvinum á silfurfati.

Brunabjöllurnar hafa hringt nánast stanslaust á framsókn síðan Halldór Ásgrímsson fór að láta að sér kveða í flokknum. Í kringum hann myndaðist svo ótrúlega ósvífin náhjörð sem hafði bara eitt á stefnuskrá, söðla undir sig og sína eins mikið af auðlindum landsins sem mögulegt og ómögulegt væri að komast yfir.

Verðmiðinn var alltaf aukaatriði enda hefur náhjörðin aldrei þurft að borga neitt úr eigin vasa, þessu hefur verið rænt skipulega af þeim sem voru að nýta sér afnot af auðlindunum sér og sínu byggðarfélagi til framdráttar.

Ef ekki verður skipt algerlega um forustu í þessu ræningjabandalagi andskotans þá ætti einhver af þessari náhjörð að hafa vit á því að leggja þetta ræningjabandalag andskotans niður og hypja sig úr landi.

Við höfum akkúrat ekkert við svona skipulögð ræningjasamtök að gera, ofan í kaupið þá fá samtökin styrk frá okkur skattgreiðendum til að reka áfram stefnu sem flestir eru búnir að fá algerlega nóg af.

Góðar stundir.