Það verður að afskrifa skuldir sjávarútvegsins

að stórum hluta. Það er ætti öllum þokkalega vel hugsandi mönnum og konum að vera það löngu ljóst að skuldir sjávarútvegsins eru komnar langt út fyrir alla þjófabálka og ekkert nema afskriftir skulda í stórum stíl kemur til greina.

Hvernig bankarnir gengu fram og blekktu stálheiðarlega og blásaklausa útvegsmenn er fyrir neðan allar hellur, þeir beinlínis tróðu upp á þá lánum til hlutabréfa og kvótakaupa í stað þess að leyfa þeim þegar þeir komu á vordögum ár hvert til að borga af lánunum sínum að borga af þeim.

Já blásaklausir, grunlausir og hálfheiladofnir útvegsmenn létu sem sagt bankana þvinga sig út í braskið sem var þeim algjörlega framandi heimur og þekkingarleysið algert á töframætti steindauðs fjármagns sem lá í dvala engum til gagns.

Töframátturinn gekk svo langt að mönnum hreinlega datt það til hugar að verðleggja mætti eitt tonn af óveiddum þorski á sama prís og heilt einbýlishús í mörgum sjávarþorpum landsins. Blásaklausir létu útvegsmenn bankana veðsetja allt heila klabbið og höfðu ekki hugmynd um hvað var að gerast og hverjar afleiðingarnar gætu orðið.

Það kom að því að sökudólgarnir væru dregnir fram í dagsljósið og auðvitað kom þá á daginn að útvegsmennirnir eru blásaklausir og bera ekki nokkra ábyrgð á eigin skítverkum.

Það þurfti svo sem ekki að koma á óvart hver og í hvað flokki hann er, sá sem vann þessa að þessari rannsókn og fékk þessa dásamlegu niðurstöðu út úr öllu saman. Þú lesandi góður getur fræðst um það hér og mæli ég sérstaklega með þessari lesningu.

Góðar stundir.

 

Athugasemdir

[Víðir Benediktsson, 4.1.2009 kl. 12:45]

Þarna talar maður með reynslu. Hann veit manna best hvernig á að komast yfir hluti án þess að borga.

[Hallgrímur Guðmundsson, 4.1.2009 kl. 12:48]

Góður......

[Hörður Már Karlsson (IP-tala skráð) 4.1.2009 kl. 12:58]

  Já það er agalegt hvernig bankapakkið fór með aumingjans útgerðarmennina. Fengu ekki að borga af lánunum. HAHAHAHAHAHAHA

[Jóhann Elíasson, 4.1.2009 kl. 13:34]

Þvílíkt bull, sem kemur fram í þessari grein, greinin ætti að vera bönnuð fyrir ELDRI en fimm ára.  Það vita það allir, sem eru með örlítið meira en hálffimm að það verður að gera RÓTTÆKAR breytingar á "besta fiskveiðikerfi í heimi" ef sjávarútvegi hér á landi á að vera viðbjargandi.

[Hallgrímur Guðmundsson, 4.1.2009 kl. 13:44]

Margt misbrjálað og vitlaust hefur maður séð á prenti en ég held að þetta skjótist rakleiðis í toppsætið. Er við öðru að búast enda er þetta lið með hámark einn og hálfan...

[Þórarinn M Friðgeirsson, 4.1.2009 kl. 17:32]

Nú ertu Hallgrímur heldur betur í stuði, það mætti halda að sigur Liverpool í gær hafi opnað allar flóðgáttir hjá þér. Ég er sammála þér með að það þarf að fella niður einhverjar skuldir en það þarf þá bara að vera á línuna. En eigum við von á því leyfðu mér að hugsa:::::: Nei. Það á að fella niður Kvótakerfið og það strax ef einhvern tímann hefur verið lag til þess þá er það núna, bankarnir komnir í eigu ríkisins, skuldir kvótakónganna komnar þar með í eigu okkar og allur kvótinn botnveðsettur fyrir óðafylleríisskuldum misviturra kónga og því á að taka kvótann til baka, endurleigja hann út og nota það sem út úr því kemur til að borga fylleríið síðustu ár en hvaða vit hef ég svo sem á því aumur fasteignasali sem hefur ekki migið í saltan sjó síðan 1987 en maður spyr sig.... kv. Tótinn

[Hallgrímur Guðmundsson, 4.1.2009 kl. 18:04]

Þú er alveg með þetta á hreinu Tóti þó svo þú hafir ekki sleppt hlandi í sjó í nokkur ár og starfi sem fasteignasali. Gengi Liverpool hefur afskaplega lítil áhrif á daglega þankagang hjá mér. Ég hef undanfarið haldið mig á hliðarlínunni og fylgst með því hvað þessum stjörnublysum dettur til hugar að matreiða ofan í almenning.

Ég verð eiginlega að segja sem svo að dapurlega standa þeir sig og bæði vek og hugmyndir í samræmi við getu til vitrænna verka og lausna á gríðarlegri óðráðsíu undafarinna ára.

Það styttist óðum í óumflýjanlegt uppgjör og ansi er ég hræddur um að margir verða hissa þegar þetta poppar upp á borðið og fólk sér hvernig er raunverulega í pottinn búið.

Eitt dæmi um hvernig hlutirnir eru í rauninni. Á síðasta ári voru tekjur sjávarútvegsins um það bil 130 milljarðar, frábær upphæð hjá ekki stærri þjóð. En hin hliðin á glansinum er hrikaleg, til að búa til þessa 130 milljarða kostaði það rúmlega 300 milljarða. Það sér hver sem vil á annað borð sjá eitthvað hvernig málin eru, svo segja þessir spekingar að framtíðin sé bara björt.

Smávægileg vandamál í sirka tvö ár og þá gerist eitthvað svona Hókus Pókus og allt á blússandi siglingu í þvílíku góðæri og uppgangi samfélagsins, það vantar svolítið upp á að þetta passi saman í kollinum á mér.