Rekstrarfé deCode uppurið?

Á textavarpinu er þessi frétt og það er eins og þetta sé smáfrétt sem skiptir 

ekki nokkru máli. Hver skyldi ástæðan vera fyrir því? Er það ekki í tísku að 

tala um fyrirtæki þar sem eigendurnir eru stórvinir höfðingjans í Svörtuloftum

og fleiri stórlaxa í pólitíkinni. Svo virðist sem enn eitt gæluverkefni 

íhaldsins sé að líða undir lok og ef einhver man svo langt aftur þá hefur stór

hópur fólks tapað aleigunni á drulluplottinu sem var í kringum markaðssetningu

á þessu gæluverkefni. Það meira að segja stóð til að gefa deCode 20 milljarða

ríkisábyrgð sem að sjálfsögðu hefði lent á okkur að borga, hvað annað?

Hér fyrir neðan er svo fréttin eins og hún var birt á textavarpinu. 

 Rekstrarfé deCode var uppurið nú um    
 áramótin samkvæmt því sem Kári         
 Stefánsson, forstjóri, fyrirtækisins   
 sagði á hluthafafundi 7. nóvember. Kári
 sagðist þá vera að vinna að lausn og   
 ætlaði að kynna um hana tveimur vikum  
 síðar.                                 
                                        
 Gísli Árnason, upplýsingafulltrúi      
 fyrirtækisins, sagði að                
 samningaviðræður stæðu enn yfir og ekki
 stæði til að loka fyrirtækinu. Þá þætti
 honum ólíklegt að fyrirtækið flytti úr 
 landi. Kári Stefánsson gaf ekki kost á 
 viðtali. Frétt lýkur.

Góðar stundir. 

Dow Jones yfir 9 þúsund stig á ný

Athugasemdir

[Sigurður Þórðarson, 3.1.2009 kl. 13:34]

Þetta er nú ekkert vandamál ef skilanefnd bankaranna er jákvæð.

[Víðir Benediktsson, 3.1.2009 kl. 14:03]

Hva? Ertu með gamla Brother ritvél og tippex? deCode var einhver mesta svikamylla Íslandssögunnar. Menn lugu því í fólk að þeir væru með mesta tækifæri sögunnar í höndunum, seldu grimmt og stungu aurunum í vasann. Ef minnsti sannleikur hefði verið í því sem þeir sögðu hefðu þeir ekki tímt að selja. Það var algengt á þessum árum að ljúga upp verðmæti á fyirtækjum þó ekkert væri eins stórtækt og deCode.

[Hallgrímur Guðmundsson, 3.1.2009 kl. 14:40]

Góður Siggi.

Ég hef ekki glæru um af hverju þetta kom svona Víðir, Það var og er enn algengt að fegra verðmæti fyrirtækja en þetta er með því grófara sem gert hefur verið.

Einhvers staðar hefðu menn verið settir í steininn fyrir svik en hér, nei hér eru menn verðlaunaðir fyrir verkin og því stærri sem svikin eru því meir er mönnum hyglað.