Hárrétt, níðumst á gamla fólkinu

og látum Afa og Ömmu greiða okurleigu í ellinni. Hvað er eðlilegra en innheimta duglega af Afa og Ömmu þau er hvort sem er á leiðinni í gröfina fljótlega og þar með þagnar helvítis röflið í þeim um leið. Já gamla settið hefur ekkert með það að gera að taka með sér fúlgur fjár í gröfina, hvað þá heldur að skilja það eftir í reiðuleysi handa snarvitlausum erfingjum sem tóku ekki á nokkurn hátt þátt í því að skapa auðinn.

Best er að það sé rænt sparnaði sínum í okurleigu og tvær flugur steindrepnar í sama högginu, auka kista fyrir auðinn er óþörf og hatrammar deilur erfingjanna úr sögunni sem aftur leiðir til þess að í næsta jólaboði mæta allir kátir og glaðir og enginn að hugsa um arfinn sem ekki var til. 

Þegar ég las þessa frétt þá er ekki laust við að ég hafi skammast mín, en af hverju ætti ég að skammast mín? Ásgeir Ingvason framkvæmdastjóri hjá Naustavör ætti að skammast sín og hætta í þessu djobbi ef hann og þetta lið sem með honum vinnur getur ekki gert betur en þetta fyrir Afa og Ömmu á lokasprettinum.

Góðar stundir. 

Athugasemdir

[Högni Jóhann Sigurjónsson, 28.12.2008 kl. 14:34]

Ég tek undir þetta hjá þér Halli og stöndum okkur nú eins Menn við þetta, þau hafa það svo gott að það hefur ekki losnað íbúð þarna í ÞRJÚ ár, þetta náttlega gengur ekki.

Þau hafa ekkert við það að gera að vera með heila íbúð undir sig, lágmark 3 í hvert herbergi og áfram 180 þús. á mann, er það bara ekki of lítið þetta fólk getur ekki hafa eytt svo mikklu í úrvalsleysinu hér á árum áður, þau eiga nógann pening og eiga sum þeirra meira að segja bíl og það hefur sést til sumra eldri borgara sómasamlega klætt, þau eiga nógann pening.

Tökum svo á því öll sem eitt.

[Hallgrímur Guðmundsson, 28.12.2008 kl. 15:20]

Auðvitað Högni það gengur ekki upp að Afi og Amma eigi þokkalega larfa utan um sig ofan á allan annan lúxus sem þau synda í, bretta upp ermar og níðast betur á þeim áður en þeim verður skutlað undir sex fetin...

Þvílík helvítis frekja að ætlast til þess að eitthvað sérstakt tillit sé tekið til þeirra á lokasprettinum, þetta lið gerði ekkert sérstakt sem réttlætir það. Ósköp venjulegt framlag til samfélagsins svo sem koma okkur út úr torfkofunum með einstakri ósérhlífni og seiglu fyrir skítakaup réttlætir enga sérstaka meðhöndlun...

[Högni Jóhann Sigurjónsson, 28.12.2008 kl. 18:40]

Og ekki var það okkar að þau þræluðu sér út á vinnu, þau geta bara séð í dag hvernig VIÐ fórum að, bara dunda okkur við að greiða hvert annað og hverju öðru, það eru nefnilega við með allann sparnaðinn í ýmsu og á ýmsann hátt sem eigum að njóta.

Ætli sé ekki hægt að láta þau jarða hvert annað svo við þurfum ekki að vera að vesenast þetta með þau eftir að hafa látið þau algerlega í friði í nokkur ár, enda nóg útivera hjá okkur við golfið og veiðina.

Heyrðu Halli mér datt í hug mannlausu sjávarþorpin.............................