Önnur hringekja ekki ósvipuð FL ævintýrinu

Þeir slá ekkert af þessir gaurar, mikið eru Íslendinga lánsamir að eiga svona duglega stráka. Skyldu þessir bræður vinna til kl 10 á kvöldin eins og allir hinir útrásagaurarnir? Það var jú sögð á sínum tíma megin ástæðan fyrir frábærum árangri.

Já útlendingar er hauglatt drullupakk sem nennir ekki að mæta í vinnu fyrr en eftir hádegi og lufsast þar svo til hálf fimm. Íslensku útrásarvíkingarnir eru ekkert fyrir svoleiðis drulludútl, unnið skal frá 5 að morgni til 10 á kvöldin og heimurinn tekinn steinsofandi í bólinu.

Dugnaðurinn hefur gengið svo langt að vandséð er hvernig við komum til með að höndla árangurinn næstu áratugina.

Ég veit ekki af hverju en mér verður óneitanlega hugsað til FL ævintýrisins.

Eru ekki til lyf við þessu rugli?

Góðar stundir.

Bakkabræður taka yfir Exista

Athugasemdir

[Diesel, 8.12.2008 kl. 17:50]

Þetta gæti stafað af viðvarandi blýskorti í heila.

[Víðir Benediktsson, 8.12.2008 kl. 18:29]

Lyf? Það hlýtur að mega skoða það.

[Þórarinn M Friðgeirsson, 8.12.2008 kl. 18:30]

Ekki vantar dugnað í
bræðurna frá bakka.
þó ýmsum væri þökk að því 
þeir saman myndu pakka.

Maður spyr sig Tótinn

[Þórarinn M Friðgeirsson, 8.12.2008 kl. 18:33]

Gleymdi að klára þetta áðan Hallgrímur jú ég er þér hjartanlega sammála, þarna virðast matadorpeningar enn eina ferðina vera komnir í umferð og FL ævintýrið átti að vera víti til að varast og ætli þetta sé ekki grein af sama meiði. Maður spyr sig. Tótinn

[Hallgrímur Guðmundsson, 8.12.2008 kl. 22:36]

Diesel og Víðir, ég held að þið stingið upp á lyfjameðferð sem mörgum hefur dottið í hug en ekki þorað að segja.

Nú eru menn að vakna við vondan draum og reyna með öllum mætti að gera eitthvað sjá hér. Nema hér sé á ferðinni enn eitt sjónarspilið til að blekkja almenning.

Tóti maður er nánast orðlaus.