Það á að hætta þessu rugli

og setja á 300 þúsund tonna jafnstöðuafla í Þorskveiðum strax í þrjú ár. Að þremur árum liðnum má svo endurskoða árangurinn. Það hefur sýnt sig allt frá því að kvótakerfið var sett á þá hafa allar tilraunir við að byggja upp þorskstofninn með sífellt meiri friðun brugðist algjörlega.

Norðmenn og Rússar neituð algjörlega að skera niður veiðar í 110 þúsund tonn eins og Alþjóðahafrannsóknarráðið krafðist árið 2000 annars myndi stofninn hrynja. Í dag er veitt yfir 500 þúsund tonn í Barentshafi. Klikkið á myndina til hægri þá stækkar hún.

Hvað gerðu Norðmenn og Rússar til að ná þessum árangri sem gekk þvert á kenningu vísindamanna sem sjá ekkert annað en niðurskurð til að ná árangir? Þótt sumir vilja slá sér til riddara og flokka Rússa sem eintómar fyllibyttur og þriðja flokks fólk sem hefur ekki hugmynd um nokkurn skapaðan hlut nema í hvað átt er best að skrúfa tappann á Vodka flöskunni, þá eiga þeir í það minnsta það fram yfir vitringana á Hafró og steingelda ráðamenn þessa lands að neðansjávarbúskap kunna þeir margfalt betur.

Norðmenn fylgja að sjálfsögðu með því þeir átta sig á því að stofninn þarf að grisja og annað mjög mikilvægt atriði sem þessar tvær þjóðir eiga sameiginlegt, þeir einfaldlega vita að fiskurinn þarf eitthvað að éta og bönnuðu þess vegna allar loðnuveiðar í Barentshafi.

Ég held að menn mættu taka til í eigin hroka og viðurkenna vanmátt sinn og fylgja því eftir sem best hefur verið gert á þessu sviði. Eða eru menn enn á því að það sem fyrrverandi forstjóri Hafró Jakob Jakobsson sagði? "Við Nýfundnaland er stundu ábyrgasta fiskveiðistjórnun í öllu Norður- Atlandshafi og eftir því sem austar dregur versnar hún og verst er hún í Barentshafi sem mun leiða til algjörs hrun á þorskveiðum"

Dásamleg yfirlýsing sem eins og flestir vita hefur farið á allt annan veg, er enginn farinn að efast um hæfni þessara vísinda? Það má vel vera að sumt sé gott sem þetta vitringasamfélag gerir en guð forði okkur frá frekari spámennsku um hvernig best sé að byggja upp og fjölga þorskum við Ísland þegar menn átta sig alls ekki á því að kvikindin þurfa að borða eitthvað. Þegar menn sjá ekki einu sinni þennan mikilvæga þátt hvernig getur þá restin af spekinni gengið upp?

Hvað á lengi að þverskallast við í afneitun? Hvað er svona sárt við að viðurkenna það að kvótakerfið og aðferðarfræði Hafró hefur brotlent ekki ósvipað og hugmyndafræði útrásarvíkinganna brotlenti með hroðalegum afleiðingum? Menn væru meiri fyrir vikið og þá fyrst gæti hafist raunveruleg samvinna á milli sjómanna og vísindasamfélagsins.

Sjómenn eru ekki bara sjómenn eða algjör fífl sem blaðra ábyrgðarlaust um dulheima hafdjúpanna, við höfum yfir að ráða einstakri sérþekkingu á því hvernig þetta stórbrotna samfélag hafdjúpanna virkar. Þrátt fyrir okkar sérþekkingu þá er þetta einstaka samfélag stöðugt að koma á óvart með margbreytileika sínum og mætti segja að menn séu í stöðugu námi allt árið með frábærum árangi sem árangur veiðanna eru besti prófdómarinn um hvernig námið tókst.

Fólkið sem búið er að ræna viðurværi sínu í sjávarþorpum landsins hafa fengið að kenna duglega á þessari brotlendingu kvótakerfisins og aðferðarfræðinni sem galgoparnir á Hafró hafa viðhaft í náttúruverndarstefnu sinni. Landsbyggðin fékk þessa brotlendingu í hausinn löngu áður en einhverju stjörnuljósinu hugkvæmdist orðatiltækið KREPPA.

Góðar stundir.

Aukið verði við þorskkvótann og útsendingar útvarps verði ekki skertar

Athugasemdir

[Níels A. Ársælsson., 6.12.2008 kl. 13:45]

Flottur pistill Halli.

Sammála í einu og öllu.

Veistu ! Ég held að ráðamenn hljóti að vera geðveikir líkt og Nasiztarnir í þriðja ríkinu voru og stór partur af þýsku þjóðinni sem trúði þeim fram í rauðan dauðann.

Ég kann enga aðra skýringu á ástandinu.

[Víðir Benediktsson, 6.12.2008 kl. 14:01]

Halli minn. Ekki bara það að Rússar kunni að skrúfa tappa. Þeir sáu að aðferðafræðin var ekki að virka svo þeir skiptu um kúrs. Árangurinn hefur ekki látið á sér standa. Jakob Magnússon f.v. Karfasérfræðingur Hafró sagði mér að Rússar ættu frábæra vísindamenn á þessu sviði. Trúlega einhverja þá bestu. Fór rannsóknarleiðangur með karlinn á Reyjaneshrygg fyrir c.a. 10 árum og það var gaman að hafa hann. Hann var ekki að vanda þessu kveðjurnar.

[Doddi - Þorsteinn G. Jónsson (IP-tala skráð) 6.12.2008 kl. 14:02]

Sorrí ... þetta er þessu algjörlega óviðkomandi ... en dagatalið góða var uppselt í Nettó. Veiga og dætur hittu Evu og móður ... og skv. þeim er möguleiki á að þetta finnist í Hrísalundi.. ég fer þangað á eftir fyrir leik. Blackburn rústað?

[Sverrir Einarsson, 6.12.2008 kl. 14:06]

Ég hef þá trú að það eigi að veiða meira, því það sé orðinn of mikill þorskur í sjónum miðað við það æti sem er í boði og því nái enginn fiskur almennilegri stærð miðað við aldur (skilur nokkur maður þetta?). Veiða mikklu meira í 2 - 3 ár og grisja stofninn og þá verður meira af æti fyrir þann fisk sem eftir er og við förum að veiða rétta stærð af þroski miðað við aldur, kynþroska fyskur verður þá kominn í eðlilega þyngd. Hætta að veiða þorsk á hryggningartíma aftur því ef þorksurinn fær ekki að endurnýja sig þá bara dreyr hann út, eins og búið er að gera við loðnuna, alltaf verið að keppast við að veiða hana áður en hún hryggnir (hverning á hún þá að fjölga sér?).

Það sem ég er að meina er að það vantar ekkert æti í sjóinn það eru bara of margir þroskar um ætið núna vegna þess að það má ekki veiða fjandans þorskinn..........................og hana nú.

Svo er það bara Jóla Bó í dag...........já ég ættla að lyfta mér "smá" upp í tilefni dagsins, þú stendur bara boltavaktina í dag í staðinn.

[Hallgrímur Guðmundsson, 6.12.2008 kl. 15:20]

Það er eðlilegt að fólk skilji lítið í þessu Nilli þegar við sjálfir stöndum þrumulostnir yfir þessari þvælu.

Já Víðir þeir eiga flotta gaura í þessu fagi sem eru óhræddir við að viðurkenna mistök og skipta um kúrs þegar það sem áður var gert reyndist undir væntingum.

Þú verður að fá svona Doddi enda ómetanlegt listaverk..

Auðvitað á að veiða meira Sverrir, þessi stefna hefur gengin sér til húðar og ber að henda án allra skilyrða strax í ruslið.

[Tryggvi Helgason, 6.12.2008 kl. 15:52]

Viðbótartillaga.

Gefa allar línu- og færaveiðar frjálsrar, nema á lokuðum svæðum. Hver bátur fái 180 veiðidaga á ári, og ekkert aflahámark.

(Og svo til hamingu með afmælisdaginn, Hallgrímur)

[Sigurður Þórðarson, 6.12.2008 kl. 18:02]

Ég get auðvitað ekki annað en verið sammála þessum pistli. Góð tillaga hjá Tryggva, við frjálslyndir vorum líka með þessa tillögu.

[Hallgrímur Guðmundsson, 6.12.2008 kl. 18:05]

Takk Tryggvi, að sjálfsögðu á að hlúa meira að vistvænum veiðum og gefa þeim meira frelsi.

[Högni Jóhann Sigurjónsson, 6.12.2008 kl. 20:32]

Hvers eiga Rússarnir að gjalda strákar, Rússarnir skrúfa tappann bara alls ekkert á, en hvort það er að þeir kunna ekki að skrúfa hann á, sem ég held, eða að þeir kunna sér ekki hóf hvort heldur er í drykkju eða veiði og eru þess vegna farnir að veiða 500 þúsund tonn gegn betri vitund færustu vísindamanna.

Ég held því fram að þorskurinn sé á norðurleið vegna hitabreytinga í hafinu og vegna breyttra skilyrða, hafið er hlýnandi og þorskurinn eltir sinn kjörhita og smátt og smátt ferst hrygining alveg fyrir, bæði vegna hlýnunnar og ekki síður eyðileggingar hrygningasvæðanna hér við land af stórvirkum vinnuvélum.

Niðurstaða. Málið er ekki einfalt að mínu mati, en að mínu mati er ekki verið að vinna að því að leysa það.

[Jón Snæbjörnsson, 6.12.2008 kl. 22:03]

flottur pistill - held við ættum að veira meira - en verðum þó að ganga mun betur um miðinn en við gerum nú

[Sigurbrandur Jakobsson, 6.12.2008 kl. 22:26]

Laukrétt og málið er líka það að orðið KREPPA, nær ekki lengra en að borgarmörkunum. Sé samdráttur á landsbyggðini er það ekkert til að tala um, ekki síst ef því er stjórnað af misvitrum mönnum.

[Hallgrímur Guðmundsson, 6.12.2008 kl. 22:57]

Rússarnir fá hól frá mér Högni, mér er nokkuð sama í hvora áttina tappanum er snúið enda í pásu við þá iðju... Vissulega hefur eitt og annað breyst því er ekki að neita en stóra málið er, höldum við kvikindunum hérna ef við sveltum þau? Ég er handviss um að svo sé ekki og þeir sem ekki falla úr hor flýja hver sem betur getur og spá ekkert í veðsetningunni sem á þeim hvíla...

Auðvitað á að veiða meira Jón.

Ég er ekki alveg sammála þér Sigurbrandur, það er og hefur verið gríðarlegur samdráttur víða á landsbyggðinni og í flest öllum tilfellum þá er það vegna þess að lífsviðurværið hvarf. Sem sagt sameign samfélagsins var seld í burtu og eftir situr fólkið í skuldafjötrum og kemst ekki í burtu.

Reyndar var kvótakerfið alls ekki sett á til að stunda handstýrða hreppaflutninga á fólki, það átti svo sannarlega að stuðla að einhverju öðru rifjum það upp.

I. kafli. Almenn ákvæði.
1. gr. Nytjastofnar á Íslandsmiðum eru sameign íslensku þjóðarinnar. Markmið laga þessara er að stuðla að verndun og hagkvæmri nýtingu þeirra og tryggja með því trausta atvinnu og byggð í landinu. Úthlutun veiðiheimilda samkvæmt lögum þessum myndar ekki eignarrétt eða óafturkallanlegt forræði einstakra aðila yfir veiðiheimildum.

Og hvernig hefur tekist til, ég bara spyr?

[Högni Jóhann Sigurjónsson, 7.12.2008 kl. 12:06]

Ég tek undir það að við erum að veiða frá honum fæðu og eyðileggja botna þar sem fæða var fyrir ungviðið.

Ég er sammála því að "vistvæn veiðafæri" fái að fara á sjó utan kvóta. Við eigum að selja lítið fyrir mikið úr landi. Þetta er ekki auðvelt að leysa, en verður auðvitað að leysa, því að eftirspur eykst nánast daglega bæði eftir mjöli og þorski úr síversnandi sjó.