Svona sé ég hlutina

lau. 4.10.2008

Spáin kolröng og skýringin fundin

Það sem fyrst og fremst varð þess valdandi að spáin var jafn röng og raun bar vitni er að ég sat öfugu megin við kristalkúluna góðu vegna tæknilegra mistaka. Tæknileg mistök af þessu tagi eru að sjálfsögðu fyrirgefin af samfélaginu enda hafa tæknileg mistök af margfalt stærri stærðargráðu verið fyrirgefin... W00t

Svo náttúrulega er annað sem setti þetta allt úr skorðum og er þar stóri sökudólgurinn Wes Brown sem ber þar mikla ábyrgð. Hverjum hefði dottið það fyrirfram í hug að þessi grautfúni varnarmaður hefði krafta til að hlaupa fram yfir miðju og alla leið upp að marki andstæðinganna og aulast síðan álkulega með hnakkann fyrir boltann sem á dularfullan hátt endaði í markinu... Woundering

Já niðurlægingin var algjör fyrir milljarða tríó UTD sem á að skora mörkin fyrir klúbbinn. Niðurlægðir milljarðahausarnir áttu bara einn kost í stöðunni og tóku við sér og var allt annað að sjá til þeirra eftir markið sem Wes Brown skoraði... Wink

Til hamingju UTD aðdáendur og Víðir vertu spakur... Grin

Verið góð hvert við annað, og mig líka... Halo

Góðar stundir.

	Man. Utd sigraði í Blackburn
Ábyrgðarmaður færslu Tilkynna um óviðeigandi tengingu við frétt

Flokkur: Enski boltinn | Facebook

Athugasemdir

Þú færð uppreist æru, ekki leiðum að líkjast.

Víðir Benediktsson, 4.10.2008 kl. 20:11

Ég er einn af fáum sem hef sagt yfirfangelsis höggmyndalistaspíru Íslendinga að hypja sig í burtu og vera ekki að trufla vinnandi fólk. Þau orð fuku framan í tukthúsliminn fyrrverandi í einni kosningabaráttunni þegar höggmyndalistamaðurinn var á atkvæðaveiðum á bryggjum Vestmannaeyja með netanál standandi upp úr rassvasanum...

Ekki veit ég til þess að listamaðurinn sé neitt sérlega listfenginn með þessháttar græju...

Ekki hefði ég grátið ef kvikindið hefði aulast á rassgatið og nálin gengið upp í myrkva leyndardóma listarinnar...

Hallgrímur Guðmundsson, 4.10.2008 kl. 21:21

Þú hefðir á að biðja hann um að hnýta höfuðlínukant með tveimur beidisum í hverri umferð bara svona rétt til að sýna að hann væri þess verður að bera nálina.

Víðir Benediktsson, 4.10.2008 kl. 21:40

Hann gat ekki tekið í einfalda kríu það var látið á það reyna trúðu mér... Slitinn leggur var of mikið fyrir hugsuðinn, og það var ævintýri útaf fyrir sig að sjá og heyra þegar hann var beðinn um að útskýra fyrir okkur hvernig hann héldi að veiðarfærið virkaði...

Gárungarnir segja að ástæðan fyrir þingsetu hans sé einfaldlega sú að hann sé svo leiðinlegur og þetta sé besta leiðin til að losna við hann af eyjunni í ákveðinn tíma...