Ný atvinnugrein í Eyjum sem á sér enga hliðstæðu í veröldinni

Það verður ekki logið upp á þá eyjamenn að nýjungagjarnir eru þeir með afbrygðum. Ef marka má fréttina þá eru þeir byrjaðir að gera að skipunum hjá sér, þetta er síðuritara mjög svo forvitnileg atvinnugrein enda um algjöra nýjung að ræða... Það er náttúrulega í takt við annað, ef ekki má veiða meira sem skapar náttúrulega fulla vinnu við aðgerð á fiski, þá er fyllt upp í dauða tímann með aðgerð á aðgerðarlausum skipum.

Ég bara spyr, er ekki allt í lagi með þá sem skrifa fréttirnar inn á mbl.is.

Verið góð hvert við annað.

Góðar stundir.

Eldur kviknaði í Álsey

Athugasemdir

[Steinunn Þórisdóttir, 4.10.2008 kl. 13:09]

Þeir eru þá ekki "aðgerðarlausir" á meðan.

[Víðir Benediktsson, 4.10.2008 kl. 13:12]

Þetta er athyglisvert. Annars hélt ég þegar ég las fyrirsögnina hjá þér að þú værir að tala um slökkvistarf. það hefur verið fullt starf og rúmlega það að slökkva elda í Eyjum undanfarin misseri.

[Hallgrímur Guðmundsson, 4.10.2008 kl. 13:23]

Ég sjálfur hélt í upphafi að þeir hefðu misst tökin á útgrills partýi í Álsey enda hinir mestu glaumgosar þessir Eyja peyjar, en nei þá voru þessir snillingar bara að vinna baki brotnu í aðgerð á skipinu Álsey.

[Víðir Benediktsson, 4.10.2008 kl. 13:34]

Muna bara að skera ekki lengra en aftur að gotrauf.

[Sverrir Einarsson, 4.10.2008 kl. 14:15]

Hvað fara þeir að gera næst til að auka nýtinguna?

Flaka skip, skorið afturmeð lensportunum eða hvað.......

Tómir (og þá meina ég galtómir) snillar á mbl.is