Bara svo það sé á hreinu þá fer

Gerrard ekki neitt og Agger verður einnig áfram. Auðvitað eru margir og þá sérstaklega andstæðingar Liverpool heitastir fyrir þessu enda búnir að átta sig á því að Liverpool er illviðráðanlegt. Hvað er þá betra fyrir þá en að liðið verði veikt með sölu þessara manna.

Þótt Rafael Benítez sé stundum óskiljanlegur þá er hann ekki það vitlaus að selja þessa menn. Ef til dæmis hann seldi Gerrard þá gæti hann samstundis flúið Liverpool borg, menn selja einfaldlega ekki átrúnaðargoð, vinsælasta og jafnframt einn besta leikmann sinn sem Gerrard óneitanlega er.

Í dag þá tekur Blackburn á móti Man. Utd og ljóst má vera að þetta verður ekki auðveldur fyrir Utd. Blackburn hefur staðið sig með miklum ágætum og gæti auðveldlega komið á óvart í þessum leik og lagt Utd að velli. Mín spá er 2 - 1 fyrir heimamenn.

Verið góð hvert við annað.

Góðar stundir.

Benítez: City fær ekki Gerrard

Athugasemdir

[Víðir Benediktsson, 4.10.2008 kl. 09:46]

Ég hef álíka mikið álit á þér sem spámanni í  og spámanninum í Ástríksbókinni.  Ásríkur og falspámaðurinn  að mig minnir.

[Hallgrímur Guðmundsson, 4.10.2008 kl. 12:19]

Sjáðu nú til félagi, ég hef ekki enn spáð rangt fyrir um úrslit það sem af er þessu tímabili. Reyndar hef ég ekki ekki spáð fyrir mörgum liðum en þeim sem ég hef áhuga fyrir hef ég spáð fyrir um.

Við skulum vona þín vegna að glerkúlan mín sé eitthvað að klikka, en spáin stendur og ég kem að sjálfsögðu með viðeigandi leiðréttingu ef rangt reynist.