Eitt rautt og 3 gul spjöld

Ég vil minna á spá mína frá því í gær en þar segir meðal annars nákvæmlega til um spjöldin sjá hér. Markatalan er hinsvegar alveg í ruglinu, ég satt best að segja bjóst við Everton miklu grimmari og reiknaði markatöluna út frá þeirri pælingu. Auðvitað bregst það þegar mótherjinn nennir ekki að gera það sem af þeim er ætlast og þá segir það sig sjálft að 2 mörk er eitthvað sem menn sætta sig við og enginn sérstakur akkur í því að niðurlægja mótherjann meira.

Mig langar síðan að hafa örfá orð um það sem strákfíflið í UTD hafði að segja um möguleika Liverpool á meistaratitlinum. Hugsaðu um drulluna sem þú og þitt lið eru í sjálfir, að koma sér úr neðstu sætunum ætti að nægja í bili, aðrar pælingar geta komið seinna. Svei mér þá ef drengstaulinn er ekki farinn að smitast af hrokanum frá Skoska hróinu...

Verið góð hvert við annað, og Hafstein líka hann á það skilið.

Góðar stundir.

Torres skaut Liverpool á toppinn

Athugasemdir

[Sverrir Einarsson, 27.9.2008 kl. 14:17]

huh nú er ég þér ekki sammála til hvers að vera góður við Hafstein, sko þó að mar eigi að vera góður við minnimáttar þá er þetta nú óþarfi finnst mér. Ég ættla ekkert að vera vondur við hann en samt ekki góður. Þessum leik lauk á skráðu  0 - 2 en var það rétt, voru ekki skoruð minnst  4 mörk í leiknum að vísu var tuðran komin afturfyrir í eitt skiftið.

En núna er ég farinn að sjá þetta hmmm man ekki hvaða utd það er að tapa leik gegn Boltonum.

Eigðu svo sjálfur góðar stundir það sem eftir lifir dags.

ps ef þér finnst ég of orðljótur hér inni þá verðurðu að fyrirgefa ég er alinn upp af skipstjóra og fór of ungur til sjós.......og lengi býr að fyrstu gerð ekki satt..........en ég er samt að reyna að bæta mig hehe.

[Hallgrímur Guðmundsson, 27.9.2008 kl. 14:27]

Jú sjáðu til Hafsteinn er drengur góður og á allt gott skilið. Ég velti því lítið fyrir mér hvað hefði verið ef hitt og þetta hefði verið verið svona en ekki hinsegin sjáðu til. Þessu lauk svona og spjöldin nákvæmlega eftir spá sem er ok.

Þú þarft ekkert að skammast þín fyrir orðaval minn kæri, ég sjálfur byrjaði á sjó 14 ára gamall og hef verið í þessu sjósulli alla tíð síðan. Þannig að svona sunnudagaskóla pistill hreyfir lítið við mér.

Hvar er pabbi þinn skipstjóri eða var? Aldrei að vita nema ég kannist við kappann.

[Sverrir Einarsson, 27.9.2008 kl. 15:35]

Pabbi hætti til sjós með ónýtt bak um 1950. Var með hina og þessa báta suður með sjó, Grindavík, Sandgerði og Keflavík, hann var því hættur á sjó þegar ég fæddist (rétt eftir miðja síðustu öld).

Nei nei ég veit, það eru mörkin sem gilda og 3 stig eru alltaf 3 stig hehe.

[Hallgrímur Guðmundsson, 27.9.2008 kl. 17:30]

Þá veit ég ekkert um hann enda löngu hættur áður en ég fæddist sjáðu til.... En að leiknum, yfirburðir Liverpool voru miklir og verðskuldaður sigur. Hræddur er ég um að vinur minn hann Hafsteinn liggi á bæn og voni það besta hjá sínum mönnum enda sitja þeir í 8 sæti og eiga möguleika á því sjötta ef vel gengur.

[Hafsteinn Viðar Ásgeirsson, 28.9.2008 kl. 03:31]

...Hvaða rugl er í gangi? það er nú helst að það þurfi að vorkenna mér eitthvað gengi minna manna í dag? Þó það sé ekki sniðugt, þá eru þeir að byrja þetta eins og í fyrra, en við vitum hvernig það endaði er það ekki...? Mér sýnast nú flestir vera sammála Rooney um að Liverpool hafi ekki mannskap til að klára neitt meira en undanfarin....ég man bara ekki hvað mörg ár...

[Hallgrímur Guðmundsson, 28.9.2008 kl. 07:40]

Rugl !!! hér er ekkert rugl í gangi, við erum bara góðir við þig félagi.... Liverpool virkar sterkt eins og er og hefur alla burði til að blanda sér í baráttuna um toppinn ekki spurning, helvítið klúðrið á móti Stoke var samt óþarfi og verður ekki endurtekið á þessari leiktíð....

En til lukku með þína menn í gær, ekki veitir af að hysja upp um sig ef þetta á ekki að breytast í torfærukeppni...

Ótrúlegt að sjá hvernig Arsenal lá fyrir Hull...

[Hafsteinn Viðar Ásgeirsson, 28.9.2008 kl. 10:00]

Já þessu hefði maður nú aldrei trúað, að þetta rosalega skemmtilega lið, sem mér finnst, gæti legið fyrir Hull, en þarna kemur reynsluleysið örugglega til, en þetta eru mest ungir strákar. Það þarf reynslubolta sem eitthvað geta með í bland, þessvegna á Ferguson að gera nýjan samning við Giggs...

[Hallgrímur Guðmundsson, 28.9.2008 kl. 12:14]

Nú erum við sammála, Arsenal er að og hefur lengi spilað fanta góðan og skemmtilegan bolta, en eitthvað vantar upp á til að klára málið... En svona hefur þetta lengi verið, lið sem koma upp byrja með látum og hafa jafnvel setið á toppnum í þó svolítinn tíma en svo springur blaðran með hvelli og strögglið verður einkenni þeirra...

Eru dagar Giggs ekki að verða taldir í þessu, ég bara spyr?

[Hafsteinn Viðar Ásgeirsson, 28.9.2008 kl. 23:12]

Hann á eitthvað eftir hann Giggs kallinn og er þessu liði mikilvægur og þeir hafa einhverntíman hent peningum í meiri vitleysu.