Svona sé ég hlutina

mið. 23.7.2008

Þið skuluð borga og steinhalda kjafti!!!!!!!!!!

Þetta sagði forstjóri N1 í viðtali við visir.is í dag.

Vísir, 23. júl. 2008 16:48

Eldsneytisverð hefur lækkað um 2 krónur

Hermann Guðmundsson, forstjóri hjá N1. Mynd/ Valgarður.

Skeljungur, Olís, Atlantsolía og Orkan hafa lækkað verð á eldsneyti um tvær krónur í dag . N1 hefur ekki lækkað verð í dag og segir Hermann Guðmundsson, forstjóri N1, að þar á bæ vilji menn bíða og sjá til hvað gerist.

Hermann segir að gengislækkun krónunnar hafi étið upp þá lækkun sem hafi orðið í gær. Þá segir hann jafnframt að menn vilji bíða og sjá þangað til að stöðugleiki sé kominn á verðið. Það sé ekki til hagsbóta fyrir neytendur að verðið sé hækkað eða lækkað hér um leið og eitthvað gerist á mörkuðum erlendis. Frétt lýkur.

Takið eftir það er ekki til hagsbóta fyrir neytendur að verðið lækki hér um leið og eitthvað gerist á mörkuðum erlendis. Skoffínið þarf ekkert að vera að tala um hækkun þeir hækka alltaf um leið og eitthvað hækkar erlendis.

Ekki er mér kunnugt um að gengið hafi fallið jafn mikið á síðustu tveimur vikum og olíuverðið. Einu tók ég eftir og var að mig minnir sagt af umræddu skoffíni. Þetta var alveg nýtt og minnist ég ekki að hafa heyrt þá skýringu áður. "Við skulum átta okkur á því að verðið á hráolíu hefur verið að lækka á mörkuðum erlendis, við seljum ekki hráolíu, við seljum díselolíu" Svo mörg voru þau orð.

Hvað skyldu margir vera á launum hjá þessum olíukóngum við það að finna upp nýjar og nýjar útskýringar og afsakanir fyrir okkur sótsvartan almúgann?

Góðar stundir.