Hundeltir glæpamenn

Það skal öllu tjalda til og engu til sparað í eltingarleiknum við hina harðvígustu glæpamenn (Íslenska sjómenn) Þessir andskotans glæpamenn vaða uppi fremjandi hvern stórglæpinn á fætur öðrum algjörlega eftirlitslaust, þvílík hneisa á þessu verður að taka með öllum tiltækum ráðum.

Það er af sem áður var þegar Íslenskir sjómenn voru kallaðar hetjur hafsins sem færðu þessu þjóðfélagi með hetjulegri baráttu sinni og óeigingirni við náttúruöflin björg í bú. Þessir menn komu Íslendingum út úr torfkofunum með fórnfýsi sinni og baráttu fyrir betra lífi.

Í dag eru þessir menn hundeltir glæpamenn (undirmálsmenn) sem öllum þykir sjálfsagt að brotin séu á sjálfsögð mannréttindi þeirra í einfaldri viðleitni sinni fyrir sómasamlegu lífi sér og sínu byggðarlagi til handa.

Hefur engum dottið til hugar og hugleitt það að það gæti verið eitthvað bogið við það sem sumir vilja kalla, besta og frábærasta fiskveiðistjórnunarkerfi í heimi? Eða voru þessir stórglæpamenn (Íslenskir sjómenn) að fremja hvern stórglæpinn á fætur öðrum þegar þeir fiskuðu með eljusemi og dugnaði sínum þjóðina út úr moldarkofunum?

Ég verð að vera hreinskilinn, mér bíður við þessu kerfi sem við búum við.

Frétt á vef Fiskistofu hljóðar nákvæmlega svona sjá hér fyrir neðan.

25. júní 2008 | 03:06

Leiðangur Fiskistofu með Dröfn RE

Dagana 2. – 16. júní tók veiðieftirlit Fiskistofu Dröfn RE 35 á leigu líkt og gert hefur verið nokkur undanfarin ár. Er það gert til að veiðieftirlitsmenn eigi möguleika á því að komast um borð í veiðiskip af sjó, aðallega minni báta, til að sinna eftirliti með þeim. Hafa þessir leiðangrar jafnan verið árangursríkir og var sú raunin nú.

Farið var frá Reykjavík og haldið réttsælis umhverfis landið. Í leiðangrinum var farið um borð í 33 veiðiskip til að kanna veiðileyfi, afla, aflasamsetningu, veiðarfæri, aflameðferð og annað það sem tilheyrir veiðieftirliti. Gerðar voru athugasemdir við afladagbækur og þrjú afladagbókarbrot tilkynnt. Möskvar veiðarfæra voru mældir og reyndust í öllum tilfellum vera í lagi. Eitt brotamál kom upp vegna brottkasts afla. Í leiðangrinum voru 7.749 fiskar lengdarmældir. Mælingar veiðieftirlitsmanna í leiðangrinum leiddu til þriggja skyndilokana" Frétt lýkur.

Góðar stundir.

 

Athugasemdir

[Hafsteinn Viðar Ásgeirsson, 28.6.2008 kl. 09:22]

Ég held að íslendingar séu nú upp til hópa þannig þenkjandi að hafa viðbjóð á þessu "stórkostlega" fiskveiðikerfi okkar, en þar kemur þversögnin í þjóðarsálinni, svo krossa þeir flestir við lista þeirra sem bera ábyrgð á skepnuskapnum. Hvernig er hægt að ætlast til að eitthvað breytist???

[Víðir Benediktsson, 28.6.2008 kl. 12:31]

Hvað er þetta maður? Sérðu ekki að þetta kerfi er mjög atvinnuskapandi? Fleiri hundruð manns á launaskrá hjá eftirlitinu. Bara eins og eitt stk. álver og mengar lítið sem ekki neitt. Sjá jákvæðu hliðarnar Halli.

[Hafsteinn Viðar Ásgeirsson, 28.6.2008 kl. 15:00]

Það er rétt Víðir, það mengar andskotan ekkert umfram fretina niðrúr þeim við skrifborðin í Hafnarfirði. Kannski einhverjir tugir bíla líka að hringla í ráðleysi á milli hafna landsins???

[Hallgrímur Guðmundsson, 28.6.2008 kl. 18:41]

Atvinnuskapandi með akkúrat enga framlegð, það er málið Víðir. Spurning Hafsteinn að virkja loftræstingarkerfið hjá þeim og vinna METAN úr skítafýlunni. Það mætti síðan nota á bílaflotann hjá eftirlitsbatteríinu.

[Hafsteinn Viðar Ásgeirsson, 28.6.2008 kl. 19:39]

Þessi þarf að fara í einhvern hugmynabanka í nýsköpun...