Samdráttur í afla á Þorsk og steinbít, er einhver hissa?

Frétt á skip.is.

Krókaaflamark: Þorsk- og steinbítsafli minnkar en ýsan stendur í stað

14.4.2008

 

Á fyrstu sjö mánuðum fiskveiðiársins hafði þorskafli krókaaflamarksbáta ekki náð helming af leyfilegri veiðiheimild. Þrátt fyrir það er það aðeins hærra hlutfall en á sama tíma í fyrra. Þorskaflinn var kominn I2.763 tonn 1. apríl sl. sem er 21% minna en í fyrra og jafngildir 3.395 tonnum, að því er segir á vef Landssambands smábátaeigenda.

 

Ýsuafli krókaaflamarksbáta á tímabilinu september til mars er nánast óbreyttur milli ára, tæp 14 þúsund tonn. Hins vegar eru eftirstöðvar nú mun meiri, eftir er að veiða þriðjung en aðeins 18% voru óveidd af leyfilegum ýsuafla á sama tíma í fyrra.

Mikill samdráttur er í steinbítsaflanum á fyrstu 7 mánuðum fiskveiðiársins. 1. apríl sl. höfðu krókaaflamarksbátar veitt 1.249 tonn sem er aðeins fjórðungur leyfilegs afla á fiskveiðiárinu. Á sama tíma á fiskveiðiárinu 2006/2007 var aflinn kominn yfir tvö þusund tonn sem svaraði til 42% veiðiheimilda á því ári. Frétt lýkur

 Það þarf enginn að vera hissa á þessu þar sem leiguverð og verð á (gervi) varanlegum aflaheimildum er löngu komið upp fyrir öll velsæmismörk og allur annar kostnaður rokið upp úr öllu valdi, með öðrum orðum þetta kerfi sem kallað er það frábærasta í heimi er að brotlenda, punktur.

Til upprifjunar fyrir fólk þá birti ég aftur hvert raunverulegt verð er. Það er hér í þessu  skjali. Nú skulum við átta okkur á því að allur kostnaður hefur hækkað sem þýðir að þessi útreikningur er ekki alveg réttur, verðið á að vera lægra.

Góðar stundir.

Athugasemdir

[Víðir Benediktsson, 15.4.2008 kl. 12:09]

Mikið guðslifandi er ég feginn að vera hættur til sjós. Þetta umhverfi verður verra og verra með hverju árinu. Þetta er orðin geðveiki. Kauphallabraskarar með afkomu fólks í sjáfarútvegi í einu allshejargambli. Veðsettu allann pakkann á sínum tíma og keyptu banka sem nú eru með allt niður um sig og hver á svo að borga?

[Hafsteinn Viðar Ásgeirsson, 15.4.2008 kl. 12:32]

Það virðist ekki vera vafi í huga margra Víðir, almenningur á að borga. Það kemur fram m.a. í dómsdagsspá "Bubba kóngs". Það geta allir séð hvernig t.d. 30% lækkun húsnæðis fer með fjárhag almennings og svo mætti lengi telja. Atvinnuleysisspá uppá 3.8% á næsta ári er svo kornið sem fyllir. Við þessar aðstæður tala Pétur blöndal og Árni Matt um taugaveiklun og vandræði á alþjóðlegum mörkuðum? Þessir menn eru ekki að lifa í sömu veröld og við.

En þú getur sennilega þakkað Guði fyrir að vera kominn í land, þ.e.a.s. ef þú hefur fengið gott og öruggt djobb...