Þetta er rosalegt !

Þetta eru rosalegar fréttir að rosalegum rosabaug um tunglið. Vantar ekki smá skýringu með þessum rosafréttum, hvað í andsk...... er rosabaugur, ég bara spyr?

Rosabaugur um tunglið

Athugasemdir

[Jóhann Kristjánsson, 22.3.2008 kl. 16:09]

Fyrir það fyrsta sé ég bara 3 díla 1 stórann og 2 litla á myndinni en ekkert tungl og mér finnst í sjálfu sér ekkert rosalegt á þessari mynd. Hinsvegar finnst mér þessi frétt lykta af rosalegri gúrkutíð á mbl.is og sennilega stysta frétt mbl til þessa. Hún innihélt einungis 12 orð. Rosalegt!!!

[Jóhann Kristjánsson, 22.3.2008 kl. 16:14]

En hér kemur smá skýring á fréttinni.

Rosabaugur (á fræðimáli 22° rosabaugur) er ljósfyrirbæri, sem myndast þegar sól skín gegnum grábliku og ljósbrot verður i ískristöllum skýsins hin 2 ljósin sem sjást heita Gíll og Úlfur.

Gráblika er hinsvegar regnþykkni eða netjuský.

[Hallgrímur Óli Helgason, 22.3.2008 kl. 20:47]

Ljósbaugar, venjulega nefndir rosabaugar, sjást stundum kringum tunglið, en oftar þó um sólina. Ástæða þess að slíkir baugar sjást sjaldnar um tunglið er sú að tunglið er svo miklu daufara en sólin. Birta baugs í kringum það verður því hlutfallslega minni. Þetta er líka skýringin á því að baugurinn sést helst þegar tungl er fullt þar sem tunglið er þá langtum bjartara en ella, tólf sinnum bjartara en þegar það er “hálft”.

[Hallgrímur Guðmundsson, 22.3.2008 kl. 21:21]

Takk fyrir að fræða mig um þetta strákar.  Ekki minnist ég þess þegar ég var í stýrimannaskólanum að mynnst hefði verið á þetta fyrirbyggði í stjörnufræði.  Enda hefur þetta ekkert með það að gera hvernig maður staðsetur sig eftir himintunglunum. En þar fyrir utan er stjörnufræði mjög spennandi fag.