Útúrsnúningar hjá Friðbirni Orra Ketilssyni

Auðvitað skal blaðamanni Mbl kennt um og blaðamönnum yfir höfuð, þeir eru sekir um að koma óorði á vitleysuna sem þetta fáránlega kerfi er. Það skyldi þó ekki vera að blaða og fréttamenn fari með rétt mál, en Friðbjörn og fleiri hans líkir reyni með öllum mætti að sverta aðra í aumri og vesælli herferð sinni með kerfinu í heild sinni. Friðbjörn segir meðal annars "Það er oft vandræðalega augljóst hvað blaðamönnum gengur til og hvernig þeir reyna að koma höggi á þá góðu fiskveiðistjórnun sem hér við land er stunduð"

Öflug orð hjá manni sem lokar fyrir athugasemdir á síðunni hjá sér til hvers, til þess eins að þurfa ekki að standa fyrir máli sínu eða hvað? Þetta dæmir sig sjálft ekki satt? 

Aflaeimildir ekki einkaeign manna

Athugasemdir

[Jóhann Elíasson, 24.1.2008 kl. 12:03]

Það þarf nú ekki mann með "rukkarapróf" (lögfræðing) til þess að sjá að það er ekki hægt að taka eign eða skuld út úr fyrirtæki og skipta fyrirtækinu svo upp, bæði lögfræði og siðfræði mæla gegn svoleiðis gjörningi og þar af leiðandi skil ég ekki þankagang "rukkarans" þegar hann tekur málið að sér því hlutverk hans, er að gera skjólstæðingi sínum grein fyrir lagalegri stöðu hans og möguleikum á að vinna málið og þegar "rukkarinn" rækir ekki þær skyldur sínar heldur rekur málið af annarlegum hvötum, sem enginn þekkir eða skilur, ætti tvímælalaust að refsa honum harðlega og taka af honum "rukkararéttindin" tímabundið og vara svo við honum og vinnubrögðum hans á opinberum vettvangi.

[Hallgrímur Guðmundsson, 24.1.2008 kl. 13:05]

Sammála Jói svona ætti hlutirnir að virka.