Enn og aftur fer bloggheimurinn á stað og dæmir.

Hvernig sumir geta látið er algjörlega óskiljanlegt. Það er dæmt í þessu máli á alla vegu, ökumaðurinn fær á sig hina ýmsu dóma. Foreldrarnir er allt af því óhæfir uppalendur. Væri ekki nær fyrir fólk sem hagar sér svona að draga andann tvisvar áður en það sest niður og skrifar svona. Auðvitað verður maður reiður en sumir atburðir eru einfaldlega þannig að okkur hinum ber að umgangast þá með varfærni og bera virðingu fyrir aðstandendum, ekki svona uppþotum og vitleysu. Ég er nokkuð viss um að það ætlaði enginn að keyra á barnið, og ég er líka nokkuð viss um að foreldrarnir hugsuðu ekkert verr um barnið sitt heldur en bara ég og þú. Ég er nokkuð viss um að þeir sem vasklegast hafa gengið fram í skrifum um þessa frétt, myndu ekki vilja að svona yrði hamast á þeim sjálfum ef þeir ættu hlut að máli við svona aðstæður. Ég vil senda foreldrum barnsins hugheilar kveðjur og von um skjótan og fullan bata hjá litla stráknum þeirra.

kv. Halli. 

Allar vísbendingar kannaðar

Athugasemdir

[Magnús Helgi Björgvinsson, 1.12.2007 kl. 10:03]

Ég er sammála þér að ég efast um að einhver hafi ætlað að keyra á barnið. En það er ekki það sem fólk er aðallega að skrifa um heldur að keyra af slysstað og um leið að viðkomandi hafi ekki gefið sig fram. Því það má ljóst vera að ef ég t.d. hefði verið þarna akandi og ekki tekið eftir að hafa ekið á barn, en ætti dökkan bíl þá mundi ég gefa mig fram til lögrelgu og beðið um að bíllinn yrðið kannaður. Ég held að svona högg sé reyndar eitthvað sem ekki fer framhjá fólki. Bendi á að lögreglan telur að bíllinn gæti verið dældaður að framan það segir nú meira en mörg orð. Það hefur líka komið fram hér í bloggheimum að barnið var með eldra systkyni þarna! Ég skil bara vel að fólk æsi sig. Og grunsemdir um ástand ökumanns eiga bara vel rétt á sér.

[Hallgrímur Guðmundsson, 1.12.2007 kl. 11:43]

Með þessari færslu minni er ég ekki að réttlæta eitt eða neitt og allra síst viðbrögð bílstjórans. Ég vil að fólk hugsi áður en það sest niður og dæmir. Ég sjálfur sem faðir er mjög reiður yfir þessu, en er ekki rétt áður en dæmt er að láta þar til gerða aðila um sína vinnu. Vitum við eitthvað um þann og í hvað ástandi hann var sem lenti í þessu óhæfuatviki? Ég held ekki. Við erum öll mjög mismunandi gerð og flest okkar myndu bregðast öðruvísi við, það er að fara yfir höfuð ekki af vetfangi. En það er einfaldlega allt annað mál.

kv, Halli. 

[Sigmar Þór Sveinbjörnsson, 1.12.2007 kl. 22:15]

Heill og sæll ég er sammála þér Halli

kveðja

[Grétar Rögnvarsson, 1.12.2007 kl. 23:50]

Sammála þér Hallgrímur, fólk á að fara varlega að skrifa um svona hluti, þetta er bara hræðilegt.

[Hallgrímur Guðmundsson, 2.12.2007 kl. 00:53]

Því miður er þetta sorgleg staðreynd, okkur ber skylda til þess að hugsa áður en við skrifum okkar færslur. Þetta er jú opinn fjölmiðill sem allir hafa aðgang að. Viljum við ganga svoleiðis um hann að þetta tækifæri okkar til þess að tjá okkur opinberlega verði tekið af okkur? Ég vil ekki taka þátt í því.

[Hallgrímur Guðmundsson, 2.12.2007 kl. 01:11]

Þær fréttir hafa borist að litli drengurinn sé látinn. Sjá Hér þetta er svo sorglegt að ég sit hér með tárin í augunum og sé varla lyklaborðið. Það er svo ósamgjarnt þegar börnin verða fyrir slysum, sama af hvaða tagi þau eru. Þetta eru litlu englarnir okkar, við vöðum eld, við æðum yfir fjöll, við gerum nánast hvað sem er fyrir þessar dúllur sem eiga hjarta okkar án nokkurra skilyrða, lífið, framtíðin blasir svo björt við litlu englunum okkar sem við elskum svo mikið. Við gerum allt sem í okkar valdi stendur til að vernda þessar sálir sem eru okkur svo kærar og leiðbeina þeim eftir bestu getu þannig að lífið leiki við þau á sem bestan hátt. Sorgin er mikil og votta ég aðstandendum litla drengsins mína dýpstu samúð og megi Guð vaka yfir þeim og styrkja í sínum sorgum.

Kv, Hallgrímur Guðmundsson.

[Guðrún María Óskarsdóttir., 2.12.2007 kl. 02:56]

Sæll Hallgrímur.

Allt svo mikið rétt hjá þér.

kv.gmaria.

[Mummi Guð, 2.12.2007 kl. 10:11]

Ég er sammála þér, Hallgrímur.

Síðan finnst mér líka mjög ósmekklegt að fólk sé að koma með dánartilkynningar á netið þegar ekki búið er búið að tilkynna það opinberlega. Ég skil ekki hvaða hvatir liggja að baki því að þurfa að vera fyrstur með fréttina.

[Hallgrímur Guðmundsson, 2.12.2007 kl. 11:18]

Takk fyrir ykkar skoðun á þessu. Þegar ég byrjaði hérna á blogginu var maður svolítið óheftur og oft á tíðum notaði ég mitt sjóaramál óheflað. Það sagði sig nokkuð sjálft að það gengi ekki til framtíðar þannig að maður reynir að passa sig. Um svona mál og innflytjendamál vil ég helst ekki tala um á frumstigi. Ég setti hlekkinn inn á þetta þegar ég sá að stór hópur fólks var farinn að tala um þetta. Sammála þér Mummi þetta er ekki heimsmeistarakeppni í því að vera fyrstur með fréttirnar enda erum við ekki fréttastofur.