Hvers vegna sveiflast fiskstofnar?

mars 2000)

Alþekkt er að fiskstofnar eru ekki alltaf jafn stórir. Oftast er of mikilli veiði kennt um og þá gjarnan gripið til veiðitakmarkana til þess að byggja upp stofnana eins og það er kallað, en árangurinn lætur oft á sér standa. Það er með fiskstofna eins og marga aðra dýrastofna að það er fæðan sem takmarkar viðgang þeirra. Allir skilja að kindur þurfa gras til að lifa, að þær geti eyðilagt landið með ofbeit og þar með eigin fæðugrundvöll. Eins er þetta með fiskinn, hann hefur áhrif á sitt fæðuframboð með því að éta, en þegar hlutirnir eru komnir á kaf í vatn er eins og menn eigi erfiðara með að skilja þá. Þorskveiðar sveiflast mikið og reglulega við Færeyjar. Með því að skoða tiltæk gögn um þorsk á Færeyjamiðum tel ég mig hafa sýnt fram á fæðutengdar sveiflur, að veiðar hafi tiltölulega lítil áhrif á sveiflurnar, fremur að auka þurfi veiðar til að draga úr sveiflunum. Ég taldi að þetta ætti erindi til Sjávarútvegsráðherra og sendi honum vísindagrein mína um Færeyjaþorskinn. Hann sendi bréfið til Hafró til að fá umsögn, en þeim fannst þetta ekki sniðugt og sögðu þetta tóma dellu. Lestu hér um viðbrögð ráðuneytisins og umsögn ráðgjafanna á Hafró.

Heimildir:http://www.fiski.com/