Fullkomið samband

Ég var að lesa grein í DV um smávæginlegar bréfasendingar þingmanna framsóknar,
þeirra Guðjóns Ó Jónssonar og Sæunnar Stefánsdóttur.Bara svona ein 2000 bréf og
Alþingi borgar(sem sagt ég og aðrir skattborgarar)bara rétt til að vekja athygli á að
þeir væru að opna kosningaskrifstofu.Þetta er réttlætt með því að þetta sé algjörlega
eðlilegur liður í því að vera í sambandi við kjósendur.Sæunn segir að bréfin hafi snúist
um meira en bara kynna kosningaskrifstofuna sem er algjört kjaftæði.Síðan reynir hún
að breiða yfir skítinn með því að hún viti um miklu fleiri þingmenn sem sendu svipuð
eða samskonar bréf.Hún vildi sko alls ekki gefa upp hverjir það væru,hún er nefninlega
sko ekki þannig gerð.Allt eðlilegt allir hinir gera þetta þá má ég líka,einkennileg rök þetta.                
Því lík þvæla þegar þetta lið er tekið í bólinu við sóun á almanna fé.Það hefur eitthvað
klikkað þetta fullkomna samband við kjósendur allavega var flokkurinn þurrkaður út í
Reykjavík.Gaman væri að svona mál væru rannsökuð og hlust á vælið sem fá þessu
fólki kæmi.Ef við tökum smá dæmi.2000 bréf og það kostar 52 kr bréfið=104.000kr.
Og við skattborgarar borgum.Annað dæmi,ég svindla bara svona smá,650 kg þorsk á 160 kr
per kíló=104.000 kr eða 2.312kg ýsa á 45 kr kílóið=104.040 kr bara svona rétt til þess
að komast í fullkomið samband við bankabókina mína.Ég stel þessu frá sömu aðilum
sem sagt þjóðinni.En hvernig færi þetta í rannsókn,við þingmennina væri sjálfsagt
sagt skamm þetta má ekki.En ég yrði hund eltur og úthrópaður stórglæpamaður
dreginn í járnum fyrir dómstóla og dæmdur í fáránlega háar fjársektir ásamt fangelsis
dóms.Hver segir svo að hér ríki jafnræði þegnanna sem þetta land byggja?

Athugasemdir

[Árni Gunnarsson, 17.5.2007 kl. 00:38]

Mér finnst nú þessi aðferð vingjarnlegri en að láta bara Framkvæmdasjóð eldri borgara greiða fyrir póst ráðherranna. Þetta deilist þó á alla þjóðina. Svo held ég nú að mér þætti eitthvað gruggugt við ástandið ef allir yrðu jafnir fyrir þessum lögum einhvern daginn. Sé nú ekki ástæðu til að breyta því neitt verulega.

[Hallgrímur Guðmundsson, 17.5.2007 kl. 00:51]

Mér finnst bara eðlilegt að ef einhver telur sig hafa ástæðu til að vekja á sér athygli þá greiði viðkomandi sjálfur fyrir það.Og alveg er ég sammála þér að þetta með framkvæmdarsjóð aldraða var algjörlega til skammar og svona fólk á engan rétt á að hafa mannaforráð hvað þá heldur forráð yfir einhverjum sjóðum.

[Árni Gunnarsson, 17.5.2007 kl. 09:57]

Ég held að við séum sammála Hallgrímur. Hún móðir mín sáluga afgreiddi svona pesónur ævinlega á sömu lund þegar eitthvað þessu líkt barst í tal og um embættismenn var að ræða:

 Þetta eru aumingjar Árni minn!