Mafíuforingi kosinn formaður samtaka!!!!

Þetta hljómar sjálfsagt í höfðinu á mörgum. Hvernig svo sem menn og konur túlka þetta þá er ég sáttur við að Luca di Montezemolo , forseta Ferrari, hafi verið kosinn formaður samtakanna...

Einhver verður að byrja og þá ekki tilvalið að maður sem ber höfuð og herðar yfir aðra í greininni sjái um startið... Reynda hefði mér verið andskotans sama hver hefði verið kosinn, en er þetta samt ekki skemmtileg tilviljun????? 

Góðar stundir.

Samtök formúluliðanna formlega stofnuð í Monza

Strangheiðalegt lið Ferrari brosir bara

að svona smámálum, ekki veit ég hverju andstæðingar Ferrari áttu von á en það er deginum ljósara að liðið er strangheiðalegt og fylgir öllum lögum og reglum eins og um sunnudagaskóla drengi sé að ræða.... Ég hef eitthvað skrifað um þetta áður sjá hér...

Eitthvað eru sumir ekkert ánægðir með hlutina sjá hér, ég kannast við gaurinn þetta er bara í nefinu á honum og hann jafnar sig fljótlega strákurinn trúi ég...  Ég held að það sitji einhver gremja eftir í mönnum frá síðustu keppni... Þótt úrskurður dómarana hafi ekki verið McLaren mönnum að skapi finnst mér frekar langsótt að gera Ferrari ábyrgt fyrir ákvörðunum sem teknar eru af hlutlausum aðilum...

Ég veit ekki með ykkur en ég tek sérstaklega eftir því hvað bíllinn á myndinni er áberandi fallegur, já svei mér þá það er greinilega og án nokkurs vafa meistaralúkk á dýrðinni....

Góðar stundir.

 

Mótor Massa fær grænt ljós

Eru engin takmörk á heimskunni ?

Ég er samfærður um eitt, það er auðveldara að fá Páfann til að koma nakinn fram...

Að láta sér detta það til hugar að undirskriftalisti hafi áhrif á FIA, ég ætti kannski að hringja svona rétt sem snöggvast í Dabba seðlabankastjóra og segja honum að hann hafi gert smávægileg mistök í efnahagsstjórn landsins, hann hlustar örugglega á það og leiðréttir þetta í einum hvelli, er það ekki???

Góðar stundir.

Skorað á FIA að breyta refsingu Hamiltons

Píslavottar eigin verka ???

Úr fréttinni " Hefði keppnisstjórnin hins vegar látið í ljós einhverjar efasemdir varðandi framferði Lewis þá hefðum við skipað honum að hleypa Kimi öðru sinni fram úr sagði Whitmarsh"  Sjor og allir eiga að trúa þessu!

Ég heiti Guðmundur Hallgrímsson og er bara 22 ára !!!!!! Trúið þið því ekki líka?

Þvílíkt andskotans rugl sem þetta er að verða. Geta menn ekki tekið hlutunum eins og fullþroskaðir einstaklingar og einbeitt sér að því að gera betur í næstu keppni? Ferrari eru píslavottar voðaverka McLaren, McLaren eru píslavottar ímyndaðra valda Ferrari og hvað, er FIA þá píslavottar mútuþægra dómara? Þetta er ekki að verða fyndið hatrið á milli þessara liða, sem í leiðinn varpar dökkum skugga á annars þrælgóða íþróttagrein.

Er ekki Rallíkeppnir í Færeyjum, það er best að gúggla það eins og boltann?

Góðar stundir.

FIA tjáði McLaren tvisvar að Hamilton hafi farið rétt að

Annað væri glapræði

Ef Ferrari liðið ætlar sér í alvöru að berjast um titil ökuþóra þá er það eina sem er í stöðunni að Finnski hrakvallabálkurinn reyni að aðstoða við það með stuðningi við Massa. Eitthvað segir mér nú samt að veggjakossa æðið sem heltekið hefur Finnann muni eitthvað há þessum áætlunum Ferrari manna.

Titillinn á myndinni er ótrúlegur, fer það eitthvað á milli mála hvor er hvað?

Góðar stundir.

„Massa númer 1 hjá Ferrari“

Hverjum er ekki sama hvert Spanjólinn fer?

Í það minnsta væri mér slétt sama þótt Spanjólinn hætti í Formúlunni og snéri sér að tómataræktun. Ég nefnilega ét ekki þann viðbjóð, hæfilega niðursneitt kjöt er venjulega á mínu brauði...

Góðar stundir.

BMW sagt hafa ráðið Alonso

Grautfúlir McLaren menn áforma að áfrýja

lævísum brögðum Hamilton.. Hvernig væri bara að sætta sig við að þeir hefðu aldrei komist löglega framúr rauðu dásemdinni en ég vil endilega kalla Ferrari bílana því nafni. Kovalainen undirstrikaði hversu öflugar McLaren dósirnar eru þegar löglega er ekið...

Massa ók skinsamlega og uppskar eftir því... Ég stend enn við það að Massa er langlíklegastur til að verða heimsmeistari.

En svona til öryggis þá stend ég enn við hamingjuóskir til McLaren manna úr fyrri færslu ef þetta breytist aftur...

Góðar stundir.

McLaren áfrýjar ákvörðun dómaranna í Spa

Úrslitin hleyptu öllu upp í loft

á þessu heimili. Það kom mér svo sem ekkert á óvart að rækja skyldi sjá sig nauðbeygðan til að kyssa vegg. (Ég vel frekar konuna þótt nóg sé að veggjum hérna)  Til lukku McLaren aðdáendur Hamilton var vel að sigrinum kominn.

Góðar stundir.

Rigningin í lokin hleypti öllu í loft upp í Spa

Hver fjárinn, ég sem var algjörlega

handviss um að minn maður tæki þetta í dag. En ég hugga mig við að þetta sé væntanlega lævís leikur Massa og morgundagurinn færi okkur, (mér og Massa).. enn einn sigurinn í safnið... Hvað rækjuna varðar þá nenni ég ekkert að tala um hann, en ljóst má vera að drengurinn er í alvarlegri krísu og fyrir Ferrari liðið er það bagalegt ástand þegar horft er til baráttu bílasmiða um titilinn.

es. það geta reyndar enn þá gerst kraftaverk, þau hafa gerst áður og geta gerst aftur... Eða eins og einhver sagði, það sem hefur aldrei gerst, getur svo sannarlega gerst aftur... (Þvílíkur flækingur á tungu þessa vitrings sem aulaði þessu út úr sér)

Góðar stundir.

Hamilton vann fyrsta einvígið við Massa

Nú er bara að setja sig í

stellingar og réttan gír fyrir tímatökuna á morgun. Massa lofar góðu og vonandi heldur hann svona áfram og tekur ráspólinn... Sjáum til ég hef bullandi trú á því að hann taki þetta strákurinn...

Góðar stundir.

Massa drottnar á morgunæfingunni í Spa