Af hverju er nafnið á Kaupþingi

í þessari frétt? Voru stóru bankarnir ekki í því um daginn að kenna erlendum vogunarsjóðum um aðförina að gjaldmiðlinum og Íslensku efnahagslífi? Það var gengið svo langt að kenna þessa aðför glæpsamlega aðför ef ég man rétt. Tók þá Kaupþing þátt í þessari aðför sem þeir vildu ekkert kannast við fyrir örfáum vikum?

Drake lokar vogunarsjóði

Þvílíkur léttir...

150 milljarða lán í einn mánuð. Og hvað svo, ég bara spyr þar sem ég get ómögulega séð að þetta hjálpi eitthvað. Nema þá akkúrat í einn mánuð. Nær framtíðarhugsunin ekki lengra en þetta í kreppunni?

Bjóða rýmri lánalínur í Bandaríkjadölum

Rokkum aðeins upp daginn.

Ekki veitir af í þessum hörmungum sem eru í gangi.

Hlutabréf lækkuðu mikið í verði

Burt með verðtryggingu á lánum.

Þegar stjórnendur bankanna eru farnir að tala svona þá er eitthvað mikið  í gangi. Ég held að það ætti að taka verðtryggingu á lánum af áður en svona vitleysa verði framkvæmd. Það er ekki mönnum bjóðandi eða sæmandi að keyra málin svona áfram. Sigurður Einarsson vil að Seðlabankinn hendi verðbólgumarkmiðunum á haugana bönkunum til bjargar. Hvað kostar það okkur sem skuldum og allt verðtryggt?

Mér finnst þetta ekkert flókið, stjórnendur bankanna taki einfaldlega ábyrgð á því brjálæði sem þeir hafa stundað. Fyrir það hafa þeir fengið ofurlaun og þykir alveg sjálfsagt að taka við þeim. Þá þykir mér einnig sjálfsagt að þeir taki ábyrgð á eigin gerðum. Það píndi þá enginn til að haga sér svona. Við þessir meðaljónar eigum ekki að borga þá úr snörunni. 

Úr fréttinni „Einhvern tímann var jú sagt: Ef þú ert kominn ofan í holu, hættu þá að moka," sagði Sigurður. Þar hitti Sigurður sjálfan sig beint í rassgatið og ætti þessi setning ekki best við hann sjálfan? Fréttina er svo hægt að lesa í heild hérna.

Þarf hjartastuðtæki á Wall Street ?

 Frétt á Vísir, 29. feb. 2008 21:47

Hrun á Wall Street

Frá Wall Street í dag. Mynd/ AFP

 

"Hlutabréf í kauphöllinni á Wall Street hrundu í dag. Helsta skýringin eru fréttir af mettapi AIG tryggingafélagsins og sá viðvarandi ótti um meiri samdrátt í efnahagslífinu. Dow Jones vísitalan lækkaði um 2,51%. Standard & Poor lækkaði um 2,7% og Nasdaq lækkaði um 2,58%."

Hver veit nema þeir þarna vestan hafs hafi not fyrir hjartastuðtækin eftir útreið dagsins, miða við myndina sýnist mér ekki vera vanþörf á græjunni. 

Óþarfar og villandi fréttir ?

Hvað er verið að tala um markaðinn í New York? Er verðið á Íslandi ekki miðað við verðið á Rotterdam markaðnum? Það væri nær að fræða okkur um þann markað, eða er svona fréttaflutningur í þágu olíufélaganna? Ég vil fá fréttir af þeim markaði sem miðað er við.

Olíuverð yfir 103 dali

Ríkasta þjóð heims.

Hvernig svo sem hægt er að tala um það hvað við erum vel sett, skulda heimilin ekki nema 867 milljarða. Og einhverjir blábjánar segja, við erum ríkust allra, við erum hamingjusömust allra, hér er engin spilling í pólitík, stöðugleikinn er frábær, arðsemi af nánast öllu sem við tökum okkur fyrir hendur, vísindaheimurinn óskeikull, bankakerfið stendur ekkert svo illa, hrunið í kauphöllinni er smotterí, sjávarútvegurinn frábær og stjórn hans sú besta í heimi.

Samt er staðan þessi, fasteignamarkaðurinn hálf frosinn, verðbólgan á uppleið, verð á orkugjöfum á sér fáar hliðstæður, bankarnir í tilvistarkreppu, vextir hvergi hærri, skuldir per mann eiga sér fáar hliðstæður, vísindaheimurinn á rassgatinu í eigin dellu, stjórn fiskveiða arfavitlaus, fjöldi fólks undir fátæktarmörkum glæsilega hár, vonleysi vaxandi áhyggjuefni, launamunur vaxandi, mannréttindi fótumtroðin, pólitískir bitlingar í öllum hornum, arðsemin góða fokin til helvítis, spákaupmennskan gjaldþrota og fiskistofnarnir ofveiddir að mati vitringanna.

Hver er svo að kvarta, hér er best að búa?

Heimilin skulda 867 milljarða í bankakerfinu

Tæknilega séð er allt í fínu lagi.

En hver skyldi vera raunveruleg staða? Hvað þýðir það að tæknilega sé eigið fé ekki uppurið? Er eitthvað tæknilegt til í þessu brjálæði? Er það ekki viðtekin venja í öllum svona hlutum að raunverulega sé eitthvað sem er áþreifanlegt og tengist raunveruleikanum. Tæknilegt er eitthvað sem líkja má við aðferðarfræði sem soðin er saman í Excel og gengur hreint ekki upp í 95% tilvika.

Til dæmis þegar bankabókin mín er tóm er ekkert tæknilegt við það. Hún er einfaldlega tóm í raunveruleikanum og vonlaust er fyrir mig að reyna tæknilega að auka innistæðu reikningsins þótt kápan á bókinni sé úr gulli. Hvaða andskotans kjaftæði er þetta? 

Segir umfjöllun Børsen bera vott um æsifréttamennsku

Nota átti Orkuveituna til að bjarga...

FL-Group. Er það ekki nokkuð ljóst, þegar töframaðurinn Hannes Smárason var búinn að drulla lengst upp á bak var þetta eitthvað sem menn sáu sem bjargarleið eða er ég að miskilja þetta?

REI skýrslan áfellisdómur

Hver lýgur hverju og hver segir satt?

Erum við ekki rétt að byrja að sjá hverjar afleiðingarnar af spákaupmennskubrjálæðinu eru? Hvaða akk hefur Saga Capital af því að eignast fyrirtæki Daggar sem á ekki neitt nema handónýt A4 blöð? Er eitthvað til í því sem Dögg Pálsdóttir segir að beitt hafi verið blekkingum og Spron logið upp um helming frá áðurfengnu mati Capacent?  Sjá HÉR

Það er góð spurning hver lýgur hverju og hver segir satt, ekki satt?