Hjartaáföllum fjölgar.

Er þetta ekki spurningin um að kauphöllin eignist eitt stykki fjármálastress stuðtæki? Ekki veitir af miða við hvernig þróunin hefur verið undanfarið. Síðan legg ég til að nokkrar væntumþykju peysur verði einnig til taks.

Bankakreppa eykur hættu á hjartaáföllum

Svírakjaftar og önnur kvikindi.

Þar fór það gott fólk, nú verður maður að pakka helvítis togaratungumálinu niður í skúffu og tjá sig eins og steingeldur grís sem ekkert aumt má sjá.

En hvernig skyldi sækjandi og hans hirð hafa hagað sér í réttarhöldunum? Ég er með uppástungu, hún er eins og myndin sýnir.

Ef ekkert heyrist meira frá mér á blogginu þá er ég að sinna samfélagsþjónustu eftir réttarhöld sem ég fékk í hausinn eftir þessa færslu.

Sekur um meiðyrði á bloggi

Sofandi eða í öðrum verkefnum!!!

Þetta er kannski ekki alveg rétti staðurinn fyrir eftirmiðdags lúrinn. En ég bara spyr hvar voru flugfreyjurnar? Við hvað voru þær svona uppteknar að þær tóku ekki eftir neinu? Var kannski bara verið að skora feitt í mile high klúbbinn????

Um þetta má lesa hér. 

Tobbi ræfillinn er sennilega...

þunnur og með bullandi móral í dag. Eða voru ekki einhverjir sem héldu því fram að hann hefði verið fullur þegar hann missti sig í þættinum Utan vallar? Miða við myndina gæti hann alveg verið að drepast úr þynnku.

Þorbergur biðst afsökunar

Stóridómur kveðinn upp!

Foringinn hefur tjáð sig Sjálfstæðismenn = Huddersfiled. Það má lesa allt um það hér

Það fór þó aldrei svo að sjallarnir yrðu metnir að verðleikum...

Uppselt á ráðstefnu um kvótakerfið!!!!

Á ráðstefnuna mæta lykilmenn í íslenskum sjávarútvegi, Líú klíkan, ráðherrar, þingmenn, fræðimenn, erlendir fiskifræðingar og önnur embættisskoffín. Þingið verður haldið á Hilton Reykjavík Nordica. Heyrst hefur að Paris Hilton haldi fyrirlestur um fiskveiðistjórnun á ráðstefnunni, síðar um kvöldið mun hún troða upp með skemmtiefni fyrir ráðstefnugesti. Alþjóðafiskveiðiráðskórinn mun frumflytja nýtt lag um árangur af fiskveiðistjórnun í Norður- Atlandshafi frá upphafi, kór Hafró mun syngja bakraddir.

Það er skýrt tekið fram að ráðstefnan er lokuð venjulegum útgerðarmönnum, eigendum lítilla fiskvinnslu og almenning. Niðurstaða ráðstefnunnar verður síðan notuð til gagngerar endurskoðunar á fiskveiðistjórnunarkerfinu.....

Uppselt á Viðskiptaþingið

Í hverju ætli sé best að fjárfesta í dag ?

Hér fyrir neðan koma pælingar um hlutabréfamarkaðinn, og hvaða hluti væri skynsamlegast að eyða í ef þú ert að spá í að fjárfesta fyrir 1000 krónur í eitthvað arðbært..

 Ef þú hefðir keypt hlutabréf í Nortel fyrir þúsund kall fyrir ári síðan, þá væru þau 49 kr. virði í dag.

Ef þú hefðir valið Enron þá væru bréfin þín 16,5 kr. virði miðað við að höfuðstóllinn hefði verið 1000 kr.

Ef  World Com hefði orðið fyrir valinu væru aumar 5 kr eftir.  Ef þú hefðir eytt 1000 kalli í Delta Air Lines væri verðmæti þeirra 49 kr. í dag.

En, ef þú hefðir bara farið í Ríkið og eitt þúsund kalli í bjór í dós, drukkið hann, farið svo með dósirnar í endurvinnslu, þá ættir þú 54 krónur.

Skilaboð sem ein vinkona fékk send frá manninum sínum með þeim fyrirmælum að koma við í Ríkinu á leiðinni heim og kaupa fyrir hann bjór... hvernig getur maður neitað svona skynsemi?

Kalla á gæsluna.....

Þeir ku hafa einstaklega góða og árangursríka reynslu í svona málum.

Kindur í sjálfheldu síðan í haust

Karl ræfillinn var að lesa lögin....

um stjórn fiskveiða og hvernig þeim er framfylgt. Með tilheyrandi mannréttingarbrotum, samráðssukki og eyðingarstefnu sjávarbyggðanna. Er nema von að hann hafi fengið áfall, menn flippa af minna tilefni?

Flugmaður fékk taugaáfall í flugi

Þessi mótmæli báru svo sannarlega árangur ef.....

marka má aðrar fréttir. "Erill hefur verið hjá lögreglu og björgunarsveitum á Suðurlandi í dag vegna ófærðar og mörgum útköllum verið sinnt þar sem aðstoða þurfti fólk sem sat fast í bílum sínum. Meðal annars lenti rúta þversum á Biskupstungnabraut og tók það björgunarsveitir nokkurn tíma að losa hana. Dæmi eru um að fólk hafi setið í föstum bílum í allt að fjórar klukkustundir uns björgunarsveitir komu því til aðstoðar". Nú er bara að einhenda sé í að mótmæla kólnun...

Mótmæltu hlýnun jarðar