Engin ástæða til að óttast

Það eru að gerast undur og stórmerkilegir atburðir. Stofnun sem kennir sig við vísindi á sviði fiskifræði virðast nefnilega vera búnir að finna smáslatta af þeim þorski sem þeir tíndu óvart í bókhaldinu hjá sér. Já mikill er máttur vísindanna og alveg stórkostulegt að stofninn skuli stækka duglega frá því í vor. Erum við að tala um einhverskonar sterastofn hér? Sjá hér.

Í vor vildi Hafró meiri niðurskurð en þann sem ákveðinn hafði verið vegna hættu á hruni stofnsins. Þeir hafa sjálfsagt viðhlítandi skýringar á þessu svo sem vanmat, en alþekkt er ofmat Hafró sem hefur að mínu mati aldrei verið rétt og reyndar höfum við aldrei fengið neina haldbærar skýringar á þeim vinnubrögðum.

Gaman væri að vita hver hafi skipað Hafró að gefa þetta út og í leiðinni að gefa mönnum vonir um 30.000 tonna hungurlús til viðbótar við þá hörmung sem fyrir var.

Góðar stundir.

Bretar óttuðust skort á fiski og frönskum

Var þetta bara heppni?

Lesið þetta, og hvaða álit hafið þið á þessu?

Nú spyr ég, var búið að ákveða hvað mikið Birna átti að fá í arðgreiðslur á hverju ári?

Ef svo var, hver ákvað það?

Af hverju hafði hún forréttindi umfram aðra og átti að fá hlutabréf lánuð upp á væntanlegt fjármagn?

Var þetta bara einskær heppni, fiktaði ekki einhver í einhverju og reddaði hlutunum í skjóli myrkurs?

Ég trúi þessu ekki og get ekki með nokkru móti treyst þessu liði, það virðist hver verja annan í þessu sukki og allir gerðu ekki neitt sem varð þess valdandi að þjóðin er nánast gjaldþrota og enginn ber ábyrgð á neinu.

Góðar stundir.

Húsfyllir í Iðnó - hiti í fundargestum

Geir er með risavaxið tromp upp í erminni

sem á eftir að koma mönnum verulega á óvart. Skynsamlegast sem Geir getur gert að hans mati og mun hann örugglega notfæra sér þetta, það er að gera og segja ekki neitt á meðan hinir tala. Það er alkunn aðferð hjá Geir að gera ekki neitt þangað til að hlutirnir skýrast að sjálfum sér. Mismunandi er svo hvað afleiðingar aðgerðarleysið hefur í för með sér. Nú nýlega hafði aðgerðarleysið þær smávægilegu afleiðingar að Ísland rambar á barmi gjaldþrots.

Já best er að nota sér Íslensku aðferðina og steinhalda kjafti og sjá til, það er aldrei að vita nema hlutirnir hreinlega reddist að sjálfum sér og Geir komi með nokkrar ferðatöskur fullar af seðlum til baka. Ferðatöskurnar eru bráðnauðsynlegar í þessa flutninga því bankarnir eru algjörlega óhæfir í svona smáræði eins og að flytja fjármagna til landsins. Og hvernig skyldi svo standa á því, jú aðgerðarleysið hafði einhver smávægileg áhrif á bankastarfsemi Íslendinga.

Góðar stundir

 

Ráðherrar funda um Ísland

Er Björn Ingi að koma aftur í pólitíkina og hver borgar þá fyrir jakkafötin?

Þegar maður les pistil sem Björn Ingi skrifaði og birtist á visir.is mætti halda að hann sé á leiðinni í pólitíkina aftur. Þessi skrif minna meira á framboðsræðu frekar en eitthvað annað. Það má vel vera að svo sé og þá er spurning hvar ber Björn Ingi niður, í borgarmála eða landsmálapólitíkinni?

Eitt verk er enn óunnið og mætti alveg hugsa sér að það sé eitthvað að trufla Björn Inga, Orkuveituna á enn eftir að gefa vildarvinum og við það geta menn ekki unað. Það er einfaldlega þannig að það sem þessi jakkafatahjörð byrjar á algjörlega óháð því hver borgar fötin, klárar hún á endanum bara spurning um tíma.

Eitt er það sem hefur síðan flogið um toppstykkið á mér og tengist Þættinum Markaðurinn sem er á Stöð 2 og umræddur Björn Ingi stjórnar. Hringir Björn Ingi í vin sinn Halldór Ásgrímsson og fær uppgefið hvaða spurninga má spyrja þegar ákveðnir menn eru við borðið hjá honum?

Íslendingar eru einfaldlega orðnir háðir því að láta jakkafatahjörðina taka sig í ósmurðan afturendann,  í kaupbætir er síðan troðið gróflega á mannréttindum þegnanna. Stofnun sem heitir mannréttindanefnd Sameinuðu Þjóðanna er hreinlega ekkert að marka enda ekki skipuð af íhaldinu, Framsókn, Samfylkingunni eða mannréttindanefnd Líú.

Góðar stundir. 

Baráttan neikvæð og ódrengileg

Ráðuneytisstjórinn í Fjármálaráðuneytinu er flokksdindill og ríkisstjórnin er fífl.

Seðlabankastjórinn er einnig flokksdindill og hlýtur því að teljast fífl með hinum fíflunum þar sem ljóst má vera að hann stjórna fíflahjörðinni...

Ekki er það þannig að þetta sé endilega mín skoðun eða túlkun, en ég get svo sem ekki heldur sagt það að ég sé neitt sérstaklega ósammála þessu, hverju ég er sammála og eða ósammála í þessari grein verður ekki gefið upp hér... 

Góðar stundir.

Aðgerðir Breta sköðuðu alla bankana

Er farið að syrta í álinn?

Eru menn loksins að vakna af svefninum góða og átta sig á því að þeir hafa hagað sér eins og algjör fífl? Verðmyndun á svokölluðum varanlegum aflaheimildum sem ég vil reyndar kalla gervieign hefur um árabil verið algjörlega úti á túni. Ekki veit ég hvað ég hef oft sagt það að veðsetningin og þessi arfagalna verðmyndun aflaheimilda geti ekki gengið og sá dagur muni koma að gjaldþrotin verði ekki umflúin.

Er það ekki frekar pínleg staða fyrir Arthur Boga formann LS og félaga hans Friðrik J. hjá Líú að liggja á hnjánum fyrir framan alþjóð betlandi um fyrirgreiðslu á ruglinu sem þeir hafa stutt svo duglega í gegnum árin? Verðmyndun á sameign þjóðarinnar á nefnilega ekkert skylt við framboð og eftirspurn, þarna á verðmyndunin sér alfarið uppruna hjá þeim sem um sameignina halda og hefur verið treyst fyrir henni. Með það traust hafa menn farið svo vægt sé til orða tekið hroðalega, niðurstaðan er einföld sjávarútvegurinn á vonarvöl vegna skuldsetningar. Væri þetta ekki einhversstaðar kallað að bregðast algjörlega því trausti sem mönnum er sýnt?

Einn höfðinginn bætti svo í hópinn fyrir hádegi og blessaði hlutina svo um munaði. Gvendur vinalausi mætti í viðtal hjá Birni Inga Hrafnssyni í þættinum Markaðurinn á Stöð 2. Það vafðist ekki fyrir þeim vinalausa að úttala sig um vel rekinn sjávarútveg og hvað dýrðin væri í rauninni mikil í þessu öllu saman. Þeir lesa sjálfsagt sömu yfirlýsinguna vinalausi Snæfellingurinn og Friðrik J. áður en þeir koma í viðtöl, í það minnsta er rullan sláandi lík sem þeir blaðra út úr sér.

Ekki klikkaði Björn Ingi á því frekar en aðrir fjölmiðlamenn sem ég fer fljótlega að líkja við meðvirka landráðamenn, ekki ein einasta gagnrýnin spurning á vinalausa Snæfellinginn um það hvernig í ósköpunum menn gætu haldið því fram að þetta sé svo vel rekið fyrst skuldsetningin er orðin svo hroðalega að sjávarútvegurinn er tæplega rekstrarhæfur.

Góðar stundir.

Sauðargærutogarar fari út fyrir 12 mílur

Það er stjörnuvitlaust veður

víða á Norður og NA-landi. Eins og sést á þessu korti þá blæs duglega á harðjaxlana hér norðan heiða.

Klikkið tvisvar á myndina.

Góðar stundir.

Skemmdir á mannvirkjum

Þar fauk Rússalánið

til fjandans.

 

 

 

 

                                                                                                                                                             Og Ameríski draumurinn farinn yfir veg allra veraldar sjá hér.

Góðar stundir.

Áhyggjur af greiðslugetu Rússlands

Þrjú hundruð myndir af Davíð

Ég veit ekki hvernig í helvítinu stendur á því en ég hef fengið sendar þrjú hundruð myndir af Davíð í tölvupósti núna í dag. Hef ég einhvers staðar sagt það að ég haldi eitthvað sérstaklega upp á karlinn? Ekki mynnist ég þess, kannski þorir fólk ekki að birta þessar myndir hjá sér hver veit? Ég læt eina koma hér.

Góðar stundir.

Davíð: Varaði ítrekað við að bankar væru í hættu

Jæja er það?

Úr fréttinni "Og gleymum því ekki að þrátt fyrir að ímynd okkar sem þjóðar hafi beðið hnekki, njótum við verðskuldaðs álits sem fiskveiðiþjóð. Það hefur ekki breyst og mun gagnast okkur.  Ákvarðanir okkar verða því - án nokkurs afsláttar - að vera í samræmi við það sem við segjum hér á landi og erlendis; við byggjum á sjálfbærri nýtingu auðlinda þar sem ekki er gengið á fiskistofnana, en þeim haldið við og þeir efldir.“

Þar sem ekki er gengið á fiskistofna, er maðurinn veikur? Hvað erum við að veiða mikið í dag efir 25 ára tilraunastarfsemi með kvótakerfið? Reyndar er ekki ofveiði um að kenna, arfavitlausum rannsóknaraðferðum Hafró og tillögur þeirra vega þar ansi þungt. Hvernig svo sem einhverjum  alheilbrygðum hálfvita getur dottið það til hugar að stunda áætlunarbúskap í hafinu eftir ónýtum stærðfræðiformúlum er mér hulin ráðgáta.

Hvorugt er reyndar til, alheilbrygðir hálfvitar fyrirfinnast ekki, frábær árangur í áætlunarbúskap með ónýtum formúlum fyrirfinnst ekki heldur punktur.

Líffræðiþátturinn verður að hafa meira vægi svo ekki sé nú talað um þá sem eru raunverulegir fræðimenn á þessu sviði (skipstjórana) Sá sem getur bent mér á raunverulegan árangur eftir að við fórum inn á þessa óheillabraut með tilraunakerfinu (kvótakerfinu) er velkominn með þær útskýringar hér.

Árangurinn er í stuttu máli þannig að við eigum yfirskuldsetta grein sem er varla rekstrarhæf og sjávarþorpin meira og minna rjúkandi rústir, mannréttindabrot í hávegum höfð og þrælastefnan fullkomin.

Eitthvað tjáði spjátrungurinn sig meira í dag sjá hér. Úr þessari frétt "Einar Kristinn gat þess einnig að þeir sem stæðu fyrir útgerð hlytu að eiga rétt á því að stjórnmálamenn sköpuðu þeim vinnufrið til framtíðar en litu ekki á það sem eðlilegt hlutverk sitt að svipta fiskveiðiréttindum til og frá eins og taflmönnum á skákborði. Næg væri óvissan samt í sjávarútveginum þótt pólitískri óvissu væri ekki bætt ofan í kaupið" Tilv. lýkur.

Það hefur aldrei verið og verður aldrei sátt um þetta kerfi það er alveg öruggt. Nú eru kvótakóngarnir byrjaðir að segja upp sjómönnum og bjóða þeim síðan endurráðningu, ef þeir sætta sig við þær kjaraskerðingar sem þeir einir ákveða hverja verða. Og ástæðan, yfirskuldsett grein sem er ekki rekstrarhæf svo einfalt er það. Og ég sem hélt að þetta væri allt svo flott, Friðrik J. Arngrímsson sagði það og er það þá ekki svoleiðis, ekki lýgur Friðrik í þjóðina frekar en bankastjórarnir og pólitískar liðleskjur sem við erum að hengslast með.

Góðar stundir.

Aukinn þorskkvóti ekki útilokaður