Og hvað er svona merkilegt við það?

Það er í raun furðulegt að hún skuli ekki vera hætt fyrir löngu sem lýsir dómgreindarskorti á frekar háu stigi. Þar sem það liggur óvenjulega vel á mér í dag þá virði ég það henni til vorkunnar að hún hefur ekki gengið heil til skógar að undaförnu.

Góðar stundir.

Ingibjörg Sólrún hættir

Nýtt andlit Katrínar

Spurning hvort innrætið hafi lagast með þessari dásamlegu endurnýjun.

Það er ekki langt síðan Katrín tók sig til og sólundaði nokkrum milljörðum af almannafé í eitt sorglegasta gæluverkefni seinni tíma sem ég vil kalla magnaðast listaspírurugl allra tíma, sem svo almenningur er beinlínis píndur til að taka þátt í.

Sumir vilja kalla þetta menningarhús í hjarta Reykjavíkur, sorrý en svoleiðis punt í tungumálinu er ekki í boði hjá síðuritara þegar kemur að léttu hjali um þetta mál.

Á sama tíma er verðið að bera gamla fólkið okkar nauðugt út af stofnunum og stafla þeim í geymslur vítt og breitt um landið, niðurskurður og lokanir í heilbrigðisgeiranum er nauðsynlegur að mati stjórnvalda, á meðan hefur þetta menningarhúsabrjálæði forgang, er forgangsröðunin ekki aðeins á villigötum?

Góðar stundir.

Sterkur endurnýjaður hópur

Við skulum vona að þeim verði ekki kalt

Hugljómun Björgvins ríður ekki við einteyming í vitleysunni, nú skal halað inn atkvæðum með bryggjurölti og bölsóttast út í kvótakerfið og hverslags ranglæti það er og hefur verið frá upphafi.

Skoðum hvað Björgvin er að gera þessa dagana.

Björgvin G. Sigurðsson, þingmaður Samfylkingarinnar, átti í gær fund í Sandgerði með Ásmundi Jóhannssyni, sjósóknara, um kvótakerfið. Fóru þeir að lokum um borð í frægan bát Ásmundar sem nú er innsiglaður af yfirvöldum vegna sjósóknar Ásmundar utan kvóta.

"Fundurinn var mjög góður. Ég tel að eitt stærsta verkefni næstu ríkisstjórnar sé að vinda ofan af kvótakerfinu. Nú er til þess einstakt tækifæri. Við þurfum að festa eignahald þjóðarinnar á auðlindum í stjórnarskrá og innkalla gjafakvótann.

Málið snýst um mannréttindi og Ásmundur rakti með sannfærandi hætti á fundi okkar hvernig kvótakerfið er í upphafi byggt á lögleysu og mismunun.

Framsalið og leigan á kvótanum er eitt mesta ranglæti Íslandssögunnar. Við jafnaðarmenn verðum að standa okkur í þessu réttlætismáli og breyta þessu kerfi," segir Björgvin eftir fundinn með Ásmundi í Sandgerði í gær, já innköllum gjafakvótann...

Næstur til að stíga á stall er svo presturinn og manngæðingurinn Kalli Matt, standandi upp á fiskikörum vítt og breytt um Norðvesturkjördæmi horfandi dreymandi augum til hafs og blessa lýðinn með þeim orðum að eina vonin sé að byggðirnar fái notið auðlindanna sem eru við bæjardyrnar, með öðrum orðum innkalla gjafakvótann.

Í Norðausturkjördæmi er stórskáldið og sjónvarpsstjarnan Sigmundur Ernir eina von kjördæmisins um að krefjast þess að kvótinn verði innkallaður, spurning hvort hann notar sömu tækni og Kalli Matt. Það er að segja leggi líf og limi í stórhættu með karakröngli og þrumi nokkrar frumsamdar vísur yfir lýðinn um mikilvægi þess að kvótinn skuli innkallaður byggðunum til heilla.

Ekki er nokkur hætta á því að Siglufjarðarundri komi nálægt umræðunni um slor og salt, nei með verkamannahjálm á hausnum og einkadræver geysist Siglufjarðarundri um kjördæmið með eldgamlan boðskap um mikilvægi gjaldfrjálsra jarðgangna og útreikninga um svívirðilega oftöku ríkisins á olíu og bensíni í formi olíugjalds. Ég set reyndar spurningarmerki við þennan lið um oftöku ríkisins á orkugjöfunum, þetta hefur einfaldlega legið í höndunum á honum sjálfum að leiðrétta og svo merkilega sem það kann að hljóma þá hefur ekkert verið gert í þeim efnum.

Pjakkurinn frá Siglufirði er um margt hreint ólíkindatól, Vaðlaheiðargöng er farið að hljóma eins og enginn sér morgundagurinn og fortíðinni hafi verið eytt með einu pennastriki. Nú skal grafið til austurs úr Eyjafirði sem aldrei fyrr og aldeilis óvíst hvar stoppað verður að grafa, af nógu er að taka austan Eyjafjarðar um það geta flestir verið sammála.

Við skulum vona að þeim verði ekki kalt á þessu brölti sínu, í hreinskilni sagt þá væri mér svo nákvæmlega sama þótt þeir myndu þjáðst af naglakuli í smá tíma...

Eina sem ég get sagt þegar þessi veruleiki blasir við okkur, um mig fer kjánahrollur.

Góðar stundir.

 

 

Næsta skref að flytja norður

Íslendingar eru fífl

Það mætti líkja þessu við lúbarða kerlingu, hún sækist stöðugt eftir meiri barsmíðum með því að búa áfram með aumingjanum sem lemur hana. Ég sem hélt að krafan væri um endurnýjun og þeir sem sátu við stjórn öxluðu ábyrg og hættu. Nú eða ef þeir hættu ekki sjálfviljugir þá tækju kjósendur til sinna ráða og veittu þeim ekki brautargengi.

Þið bara fyrirgefið mér, samfylkingarfólk er greinilega ekki á vetur setjandi og þið eruð öðrum samborgurum ykkar til skammar.

Góðar stundir.

Afsögnin skipti miklu máli

Og hvað svo?

Hvenær verða þessir fjárglæframenn dregnir í yfirheyrslu?

Góðar stundir.

Lánuðu sjálfum sér milljarða

Sjávarplássin krefjist réttar síns

og fá að gera það sem þau gerðu (veiða og vinna fisk) áður en stjórnlaus staurblind öfgafrjálshyggja tók völdin í landinu og steikti nánast í heild sinni hvert sjávarplássið á eftir öðru með því að ræna þau lífsviðurværi sínu. Með öðrum orðum rændu samborgara sína réttinum til að stunda fiskveiðar.

Svo mikill var ákafinn, blindnin og afneitunin í útrýmingarstefnu öfgafrjálshyggjunnar að hún endað með hruni heillar þjóðar, þjóðar sem nú berst í bökkum við að forða sér frá þjóðargjaldþroti og algerri niðurlægingu gagnvart alþjóðasamfélaginu.

Góðar stundir.

Vilja fiskinn heim

Kvótakerfið markaði sporin að mesta hruni Íslandssögunnar

Kvótakerfið er kostnaðarsamt mannréttindabrot. Landsbyggðin er meira og minna flakandi sár, rústir sem og hreppaflutningar á fólki er ein afleiðan af herlegheitunum.

Skuldir sjávarútvegsins eru margfaldar miðað við ársframleiðslu er önnur afleiða af herlegheitunum.

Svo fara nokkrar millur í að verja herlegheitin, sem að vísu stjórnvöld töpuðu enda hefði það verið með einkennilegri uppákomum aldarinnar ef stjórnvöld hefðu unnið málið.

Hér fyrir neðan er smá samantekt á kostnaði stjórnvalda við að verja mannréttindabrot á sjómönnum og beita þegna sjávarplássanna ofbeldisfullum aðgerðum sem svo aftur leiðir þegnana nauðuga í hreppaflutninga þar sem heimabyggðir þeirra hafa verið steiktar nánast í heild sinn með aðstoð besta fiskveiðistjórnunarkerfi í heimi.

Lesningin hér fyrir neðan er tekin á dv.is

Sjávarútvegs- og landbúnaðarráðuneytið greiddi lögfræðingum 21,6 milljón króna í tíð síðustu ríkisstjórnar. Lögfræðingarnir sinntu meðal annars undirbúningi svara til mannréttindadómstólsins í Strasbourg og Mannréttindanefndar Sameinuðu þjóðanna.

Mannréttindanefndin komst að þeirri niðurstöðu að kvótakerfið væri brot á mannréttindum og lofaði Einar K. Guðfinnsson að bregðast við því. Kvótakerfið er hins vegar enn óbreytt.

Sundurliðaður kostnaður er sem hér segir:

Sjávarútvegs- og landbúnaðarráðuneyti, aðalskrifstofa og ýmis verkefni

Lögfræðingar
Undirbúningur svara til Mannréttindadómstólsins í Strassborg og Mannréttindanefndar Sameinuðu þjóðanna. Vinna við frumvörp um stjórn fiskveiða, búfjárlög, matvælalög og önnur verkefni
Kr. 21.618.699

Viðskipta- og hagfræðingar, lögg. endurskoðendur, tölfræðingar.
Vinna við útreikninga vegna verðlagsmála landbúnaðarins, vigtunar sjávarafla og önnur smærri verkefni
Kr. 2.196.778

Þýðendur
Þýðingar á lögum, frumvörpum, ræðum og ýmsum skýrslum
Kr. 1.946.393

Önnur sérfræðiþjónusta
Skýrslur um fiskeldi, umsjón með fisheries.is og önnur verkefni
Kr. 2.239.508

Samtals kr. 28.001.378

Góðar stundir.

Hrunin frjálshyggjutilraun

Eru menn loksins að vakna?

Eða verður þetta nákvæmlega eins og áður? Sem sagt hausnum stungið í sandinn og svo á bara að sjá til og vona það besta.

Því miður þá er það ekki í boði lengur, eða eigum við að segja sem betur fer þá er það ekki lengur í boði? Stjórnvöld ættu að hafa vit á því að innkalla allar úthlutaðar aflaheimildir áður en það verður of seint og þær teknar upp í skuldir, við vitum hver á stærstu kröfurnar er það ekki?

Ansi er ég hræddur um að einhverjir verði dregnir fyrir rétt að endingu og ákærðir fyrir veðsvik þegar dæmið verður gert upp. Sjáum til hvernig þessi ósköp fara, það væri að bera í bakkafullan lækinn að tjá sig frekar um hvernig sjávarútvegurinn kom sér í þessa stöðu og hvað framundan er.

Á þessari síðu hefur margoft verið farið í gegnum þessi mál og hvað menn eru búnir að framkvæma og hvernig endirinn gæti líklegast orðið, ég held því miður að flest af því sem sagt hefur verið rætist með tilheyrandi hvelli.

Góðar stundir.

Alvarleg staða sjávarútvegs

Þeir sjá vel um sína

Það er hreinlega ekki hægt að ljúga upp á þetta lið, sjá hér.

Góðar stundir.

196,5 milljónir vegna hrunsins

Algjör tilviljun og ómeðvitað, ég gæti ælt

Er nema von að fólk flykkist til vinstri, svona helvítis drullumall er alls engin tilviljun og langt frá því að vera eitt einstakt og einangrað tilfelli hjá þessum íhaldspésum.

Góðar stundir.

Gæti orðið mesta vinstri sveifla sem sést hefur hér