Þetta skýrir heilmikið

fyrir mér. Skildi þetta ekki bara smellpassa við Hafró?

Glæsilegur blekkingarleikur!!!

 

Þetta er glæsilegur blekkingarleikur sem verið er að beita þá sem minni þorsk eiga en þeir sem meira hafa af þorski. Staðreyndir málsins eru þær að skerða á þorsk um 30%. Gott og vel þá skildi maður ætla að þorskkvótinn yrði skertur um 30% hjá öllum. En málið er ekki svo einfalt. Og vitna ég hér að neðan í frétt af því hvernig á að útfæra þetta.

"Skoðað verði hvernig unnt sé að láta skerðingu aflaheimilda vegna byggðakvóta, línuívilnunar og sérstakra bóta miðast við heildarþorskígildisfjölda einstakra skipa, þannig að skerðingin dreifist á fiskiskipaflotann miðað við heildarúthlutun aflaheimilda en bitni ekki að mestu á þeim útgerðum sem hafa hlutfallslega hæstar heimildir í þorski."

Gott og vel þetta er ekkert torskilið hvernig á að reikna þetta, og koma hér dæmi um það.

                                                      DÆMI 1.                                                                                                                                             

                             Aflasamsetning útgerðar NR 1 er svona.                                                                                                                       

        Þorskur:       50 tonn      =   50           þorskígildi.

               Ýsa:      50 tonn.     =   40,5        þorskígildi.

               Ufsi:     10 tonn      =     4,1        þorskígildi.

      Steinbítur:     20 tonn      =    14,2       þorskígildi

                                  Samtals:   108,8       þorskígildi.

                 Skerðing 30%       =  32,64  tonn af þorski.

     Þarna sjáum við óréttlætið, ef reiknað yrði rétt og

tekin 30%  af þorskkvótanum væri skerðingin einungis

15 tonn af þorski. Sem sagt þessi útgerð er rænd um

heil 17,64 tonn.  

Gefum okkur dæmi um aðra útgerð sem á nánast allan sinn kvóta í þorski.

                                                   Dæmi 2.

                 Þorskur:   100  tonn  =  100   þorskígildi.

                       Ýsa:     11  tonn  =   8,91 þorskígildi.

                               Samtals:  108,91      þorskígildi.

                    Skerðing 30%  =  32,67 tonn af þorski.

Þessi útgerð ætti að skerðast um 30 tonn, sem sagt tapar einungis 2,64 tonnum á þessari reiknisbrellu.

Síða getur hver sem vill, séð hvernig öfgarnar geta orðið margfalt meiri í þessari frábæru reikniskúnst.

Er ekki verið að skerða þorskkvótann? Hvað á það skylt við aðrar tegundir?

Þetta skildi þó ekki vera ástæðan fyrir því hvað það tók Einar K Guðfinnsson langan tíma að stynja út úr sér hver niðurskurðurinn yrði! Á Íslensku þíðir þetta bara eitt, Það tók sem sagt Líú þennan tíma að finna rétta reiknisaðferð til að hald áfram sínum áformum í því að söðla undir sig auðlindina.

kv.Halli

Þver pólitísk samstaða

um lækkun áfengisverðs! Þetta er fyrirsögnin á Fréttablaðinu í dag. Alveg er þetta í takt við annað, fjórir af fimm forustumönnum flokkanna sammála um þetta. Hvað skildi liggja að baki þarna, er verið að kaupa sér vinsældir á ódýran hátt? Allir geta verið sammála um að verð á áfengi er skuggalega hátt, en væri ekki betra fyrir okkur sem þetta land byggja að menn snéru sér að öðru og miklu mikilvægara máli? Sem er olíugjaldið sem við erum pínd til að borga, ég kem hér með dæmi. Ég er á bíl sem brennir dísilolíu. Ég keyri 30.000 km á ári, bíllinn eyðir 12 lítrum á hverja 100 km. Verðið á lítrann er 122,20 í dag. Samtals eru þetta 3.600 lítrar sem kosta 439.920 þús kr. Þegar verðið er 122,20 fær olíufélagið 57,168 kr per ltr til sín. Samtals 205,804 þús kr, en ríkið tekur 41 kr per ltr í olíugjald samtals 147,600 þús kr, restin 24.032 kr per ltr er virðisaukaskattur samtals 86,515 kr. Þús. Samtals tekur ríkið 233,115 þús kr til sín af þessum 439,920 þús kr sem ég borga við dæluna. Í mínum huga er það mikið mikilvægara að tekið sé á þessu, frekar en lækka einhvern helvítis bjór eða rauðvín, sem skapar mjög oft einhver djöfulsins leiðindi og vandamál í samfélaginu.

Merkilegur andskoti

að þetta þyki bara í lagi. Þetta eru örugglega ekki einu ferðamennirnir sem hleypt er út á sjó, með akkúrat enga menntun til siglinga hvað þá heldur einhverja reynslu. Hvernig getur þetta verið okkur sjómönnum boðlegt, að um hafið þjóta einhverjir túristar sem engin skil kunna á siglingareglum, og geta skapað stór hættu og valdið stórslysum, í versta falli dauðaslysum? Svo ekki sé nú talað um kostnaðinn við að leita að hjörðinni. En auðvitað þykir þetta allt í lagi, þetta er svo atvinnuskapandi!

   kv. Halli

Leitað að þýskum ferðamönnum á báti við Bolungarvík

Þetta er til skammar

hvernig stjórnvöld halda á þessum málum. Hvernig er hægt að slá sér upp til riddara með því að við eigum eitt besta heilbrigðiskerfi í heimi? Reksturinn gjörsamlega í klessu, skuldir við byrgja gríðarlegar. En náttúrulega reddast þetta allt með byggingu hátæknisjúkrahúss upp á guð má vita hvað marga milljarða. Það er alveg ljóst að sú bygging verður minnsta kosti 80% dýrari en kostnaðaráætlanir gera ráð fyrir, það er reynslan af öllum áætlunum í ríkisgeiranum. Ég held að stjórnvöld ættu að hafa vit á því koma rekstrinum í lag hjá LSH, áður en eytt er ómældu magni fjár í eitthvað tísku fyrirbrygði sem kallast hátæknisjúkrahús. Eru sjúkrahúsin okkar ekki meira og minna hátæknisjúkrahús? Einnig er mjög merkilegt þegar stjórnvöld vilja meina að fjárframlögin eigi að duga fyrir rekstri sjúkrahúsanna sem það gerir aldrei, að það skuli aldrei neinn af forstjórum sjúkrahúsanna verða rekinn. Það þykir í það minnsta eðlilegt á hinu frjálsa vinnumarkaði að ef menn ekki standa sig þá eru þeir einfaldlega reknir.  

  

kv. Halli

Viðvarandi vanskil LSH

Ekki ríður vitleysan við !!!

einteyming. Hvernig í veröldinni getur einhverjum heilvita manni dottið í hug að svona vinnubrögð skili árangri. Að skipa Guðrúnu Marteinsdóttir til forustu í þessum starfshóp segir ekkert annað en að Einar K Guðfinnsson og Hafró vilja fá niðurstöður sem þeim hentar. Það liggur alveg ljóst fyrir að hún fer aldrei að setja út á nokkurn skapaðan hlut þarna, hún sjálf tók þátt í vitleysunni í tíu ár sem starfsmaður Hafró. Það er algjörlega á tæru að það er allt reynt til að verja vitleysurnar sem Hafró hefur gert og er enn að gera. Hvers vegna skyldi það ekki vera þorandi fyrir ráðherra að skipa  þennan hóp algjörlega óháðum og sjálfstætt starfandi fólki? Mitt svar er einfalt, sannleikurinn þolir ekki dagsljósið. Þetta er allt meira og minna eitt helvítis drulluplott, sem fellst aðallega í því að færa aflaheimildirnar meira og minn til einhverra örfárra gullkálfa sem eru rétt staðsettir í pólitík eða þóknanlegir stjórnarherrum þessa lands. Skyldu ekki vera farnar að renna tvær grímur í það minnsta á Einar K Guðfinnsson, þegar hann heyrir lítið annað en að Hafró sé gjörsamlega á villigötum, og veiðiráðgjöfin algjörlega úr takti við upplifun okkar skipstjóranna um ástandið á miðunum?

Þessi Hlekkur  er á frétt um þetta meðal annars.

kv. Halli

Ég var klukkaður !!!!!

Og þá verður maður að gera einsog hinar beljurnar. (Míga)

Ég er fæddur 06.12.62. Sem sagt bogamaður.

Ég er ferlegur með það að segja strax það sem mér dettur í hug og hefur það miklu oftar en ekki verið agalega vandræðalegt, og ekki batnar það þegar ég reyni að bæta fyrir ósköpin með einhverjum orðaútskýringum.

Ég þyki hinn mesti þrákálfur.

Ég þoli ekki undirlægju, óheiðarleika, og hálfkák.

Ég er svakalega óþolinmóður, allir hlutir áttu að gerast í fyrra, ef ég þarf ekki að gera það sjálfur

Ég er stórhættulegur sjálfum mér vegna þess að það er ekki til neitt sem ég óttast.

Ég drakk helvíti mikið, en drekk ekki núna, er að halda uppá tveggja ára edrú afmæli um þessar mundir. en ég reyki alltof mikið og kaffið rennur í lítratali ofaní mig.

Ég er agalega mikið tækjafrík, og að sjálfsögðu kann ég dásamlega vel á allar fjarstýringarnar á heimilinu.

Ég á fimm börn með fyrrverandi konunni minni.

Ég er giftur konu nr. 2 og er æðislega ástfanginn af henni og með henni fékk ég tvær stjúpdætur sem eru algjörar dúllur.

Jæja búinn að míga og læt þetta duga í bili.

kv. Halli

Vanhæf stjórnvöld og Hafró ónýtt fyrirbrigði

Hvernig geta ráðamenn þessara þjóðar gengið um og sagt, við skoðum og hlustum á allar hliðar málsins? Hvað var skoðað og á hvern var hlustað? Það hlýtur að teljast alvarleg vanhæfni í starfi, þegar menn geta hunsað með öllu að skoða staðreyndir og söguna hjá okkur og öðrum löndum í kringum okkur. Þegar maður sest niður og les gögn og skoðar þróunina sem verið hefur í Norður- Atlandshafi + eigin reynslu verður ekki komist hjá því að krafan um endurskoðun á BESTA FISKVEIÐISTJÓRNUNARKERFI Í HEIMI verður manni ofarlega í huga. Einnig verður ekki hjá því komist að vanhæfni Hafró undirstrikast algjörlega. Ég set inn nokkra hlekki hér fyrir neðan sem ég hvet menn til að gefa sér tíma í og lesa. Þessir hlekkir og upplýsingar eru fengnar á heimasíðu           Jóns Kristjánssonar fiskifræðings með hans leyfi.  

Gömlu og góðu ráð.  

Milljón tonn af þorski hafa horfið.

Er vitlaust gefið?

Uppbygging fiskstofna með friðun hefur ekki reynst vel. 

 "(Ó)Virk fiskveiðistjórnun" og "Hvað varð um þorskinn? "

Aflaráðgjöf Hafró ber vott um fádæma skort á fagmennsku og skort á sjálfsgagnrýni.

Eftir magurt kvótaár, gekk óvenju mikið magn þorsks til hrygningar. Menn sögðust ekki hafa orðið varir við jafn mikinn fisk svo árum skipti. Það varð þó ekki landburður af fiski, til þess var kvótinn allt of lítill, vertíðarflotinn reyndar að, engu orðinn. Fremur má segja að það hafi verið landgangur af þorski. Bátar voru að fylla sig í fjöruborðinu alls staðar. Því var búist við aukningu á aflaheimildum enda aflabrögð verið góð og línuveiði afburðagóð.   ...meira... 

Svona í lokin er alveg stórfurðulegt að enginn í ríkisstjórninni, hvað þá heldur sjávarútvegsráðherra sjái ástæðu til að fræðast aðeins um þau merku orð sem forstjóri Hafró sagði í hádegisviðtali á stöð 2. Þau voru einfaldlega svona. ÉG ÞEKKI EKKI ÞESS DÆMI AРTEKIST HAFI AÐ BYGGJA UPP ÞORSKSTOFN MEÐ FRIÐUN.  Hvað þarf að gerast til þess að þessir stjórnarherrar vakni upp af Þyrnirósarsvefninum?

Hlekkurinn á heimasíðu Jóns er  Hér                                                                                                                             

kv. Halli

Þetta væri athugandi !!!!

Ekki finnst mér Þetta vitlausara en hvað annað. Gaman væri að sjá hagfræðideild Háskólans reikna þetta út.

Gróf mismunun að mati !!!

Líú. Það sem Líú telur  mismunun má lesa um Hér . Það er ekki nóg að Líú telji þetta mismunun, heldur er haldið áfram og  Hér  má lesa það. Er ekki svolítið merkilegt hvernig þetta beinist beint að krókabátunum? Er það virkilega þannig að Líú reyni með markvissum hætti að telja þessum vesælu ráðamönnum trú um að krókabátarnir, séu rót alls vanda í besta fiskveiðistjórnunarkerfi í heimi?Líú telur að rétt sé að allur þorskafli sé vigtaður eftir slægingu því að einungis þannig fæst rétt vigt. Óbreytt fyrirkomulag felur í sér mismunun.Hvernig væri að Líú gerði grein fyrir því hvernig standi á því að nýtingarprósentan á frystitogurunum sé mun hærri en þekkist í landi? Hvernig væri að Líú gerði grein fyrir því að það þarf ekki að vigta aflann um borð og síðan inn í vinnsluna á frystitogurunum? Hvernig væri að Líú útskýrði fyrir okkur þessum litlu hvaða réttlæti það sé að skerða okkur meira í prósentum heldur en stóru gullkálfana innan Líú? Þegar Líú talar um mismunun væri þeim hollast að skoða eigin rassgat og hafa síðan vit á því að skammast sín.

Kv Halli.