Íslenska velferðarkerfið............

í sinn bestu mynd. Er það þetta sem stjórnvöld eru að stæra sig af. Hlúa að sjúkum og öldruðum er það sem stjórnvöld boða og ganga svo langt að segja að við búum við langbesta velferðarkerfi í heimi. En hvernig virkar svo vitleysan, jú svínað skal á lítilmaganum, (sjúkum og öldruðum) og er engu líkara en um heimsmeistarakeppni sé um að ræða. Árangurinn lætur ekki á sér standa. Hafi þeir skömm fyrir og ættu að biðja þetta fólk opinberlega afsökunar á viðbjóðnum.

Missa bæturnar vegna sjúkrahúslegu

Svona viðbjóður hefur gerst áður.

Vísir, 30. ágú. 2007 10:43

Svæfðu Madeleine í hel segja portúgalskir fjölmiðlar
Óli Tynes skrifar:

Portúgalar hafa af einhverjum orsökum misst alla samúð með foreldrum Madeleine McCann, litlu bresku telpunnar sem nú hefur verið leitað í fjóra mánuði. Fjölmiðlar í landinu eru uppfullir af allskonar slúðurfréttum um málið. Fréttirnar beinast nær allar að því að það séu foreldrarnir sem beri ábyrgð á hvarfi hennar.

Fyrir nokkrum dögum var því slegið upp að sérþjálfaðir leitarhundar hefðu fundið lykt af líki á bíllyklum foreldrana. Og nú er því haldið fram að sprautunál hafi fundist í íbúðinni. Í nálinni hafi verið svefnlyf. McCann hjónin eru bæði læknar. Niðurstaða fjölmiðlanna er sú að hjónin hafi sprautað svefnlyfi í börn sín til þess fá frið til þess að fara út að borða.

Þau hafi gefið Madeleine of stóran skammt, sem hafi dregið hana til dauða. Þau hafi þá sjálf komið líkinu undan og falið það, til þess að ekki kæmist upp um þau. Vinir hjónanna segja að þetta sé viðurstyggilegur þvættingur.

Og af hverju getur það ekki gerst aftur?

Ég skora á alla bloggara.......

að koma út úr skápnum. Þá meina ég það þannig að hver og einn bloggari birti réttar upplýsingar um sig svo sem nafn og mynd. Mér finnst ekkert eins ömurlegt þegar fólk kemur inn á bloggið og hraunar yfir fólk með allskonar yfirlýsingum og ótrúlega oft grófum hætti, undir einhverjum furðunöfnum og með einhverjar skrípamyndir af fyrirbrigðinu sem færsluna ritar. 

kv. Halli

Hvaða rannsóknir liggja að baki.........

þessari úthlutun? Er búið að finna einhverja loðnu sem styður þennan Bráðabirgðakvóta? Hvernig væri að menn byrjuðu á byrjuninni og rannsökuðu stofninn áður en gefin er út kvóti? Er það algjör óþarfi að skoða málið áður en ætt er af stað? Hver stjórnar þessu? Það staðfestist endanlega að sjávarútvegsráðherra og Hafró eru algjörlega óhæf með öllu að sinna sinn vinnu með þessari framkvæmd. Er það virkilega svo að Líú tittirnir stjórni þessu öllu? Þegar það var orðið ljóst að skera þyrfti þorskkvótann niður eftir fáheyrt klúður Hafró við rannsóknir, var það stórmál sem þurfti gríðarlegan undirbúning og viðræður við 
hagsmunaaðila. Hvað gerist núna? Gefin er út kvóti án allra rannsókna og ekki einn einasti uggi fundinn, svo á málið bara að skýrast einhvertímann í haust eða vetur. Það virðist vera svo í þessu máli að best sé að storma blint af stað. Ég krefst þess að það verði gefin út 250.000 tonn af þorski, þó Hafró þykist hafa rannsakað þann stofn vita það flestir að þær aðferðir sem notaðar eru t.d rallið er handónýtt og segir okkur akkúrat ekki neitt um stofnstærðina, sem þíðir einfaldlega það að niðurskurðurinn var algjörlega út í bláinn eins og þessi framkvæmd með loðnuna. 250.000 tonn af þorski og ekkert helvítis rugl.

Heildarkvóti á loðnu ákveðinn 308 þúsund lestir

Þetta er verkefni fyrir..........

ríkisstjórnina, en gæti samt verið of erfitt fyrir hana. Það er í það minnsta nokkuð öruggt að Sturlu Böðvars og Árna Matt veitti ekki af svona 
fyrirlestrum. 

Þjóðinni boðið í tíma í þjóðhagfræði

Skjaldbökusúpa fyrir

fjölda fólks. Það kemur upp í mínum huga við svona frétt, enda alinn upp við það að afla matar úr stóru matarkistunni þarna úti. En annað fangar huga minn í þessari frétt. Norskur Hólmvíkingur, hvað er það? Eru margar gerðir af Hólmvíkingum? T.d Íslenskur Hólmvíkingur? Eru Hólmvíkingar ekki bara Hólmvíkingar og Einar Hansen aðfluttur Norðmaður?

Fann tæplega 400 kílóa risaskjaldböku í Steingrímsfirði

Frábær leikur og öruggur............

sigur. Þessi leikur virkaði sem hin besta æfing yfirburðirnir voru slíkir. Einnig var æðislegt hvernig Liverpool liðið heiðraði minningu litla stráksins sem skotinn var til bana í Liverpool borg fyrir nokkrum dögum.

Stórsigur hjá Liverpool

Hleypa á togurunum inn á lokaðar ýsuslóðir.

Árni Bjarnason formaður Félags skipstjórnarmanna telur að endurskoða eigi reglugerðarhólf við landið með það fyrir augum að hleypa togurum inn í þau til þess að veiða ýsu. Hann segir að ómögulegt verði fyrir togarana að ná ýsukvótanum á næsta fiskveiðiári á sama tíma og þorskkvótinn sé skorinn svona mikið niður, nema skipunum verði hleypt inn á lokaðar ýsuslóðir. Einnig segir hann að hleypa eigi togurunum inn fyrir 12 mílurnar í ýsuleit, hann hlýtur að hafa skrifað þetta í hitasóttarkasti, eða besta falli einhverskonar óráði eftir eitursveppaát. Síðan gæti manni dottið til hugar að þetta sé enn og einn leikurinn hjá Líú, nota hundinn sinn í skítverkin sem þeir þora ekki að skrifa undir sjálfir í upphafi. Ég held að menn ættu að hafa vit á því að halda togurunum frá grunnslóðinni og vinna markvíst að því að koma þessum dulbúnu þriggja mílna togurum út fyrir í það minnsta 4 mílur ef ekki lengra. Nánar er hægt að lesa um þessa furðufrétt í Fiskifréttum 24 Ágúst 2007. Og lái mér hver sem vil, það er brjálæði bara það eitt að hugsa þetta, hvað þá heldur hrinda þessi í framkvæmd.

Flott maður......

Meira til að elska.

Íslenskar konur þyngri en þær dönsku

Maður verður bara svangur........

af tilhugsun um þetta kjöt. Skjóta meira ég er svangur.

Tveimur hrefnum landað í dag