Mikið djö.... held ég.........

að sumum svíði það svakalega að fólk geti tjáð sig án afskipta stjórnvalda. Það er jú einu sinni málfrelsi, tjáningarfrelsi og skoðunarfrelsi í þessu landi. Það er samt heppilegra að fólk sé þokkalega edrú þegar það tjáir sig á vefnum.

Gæti sín á stóryrðunum

Ég legg til að................

fiskur verði aðalfæða alþingismanna ( kvenna ).Í það minnsta vantar eitthvað mikið upp á að þeir ( þær ) muni eftir loforðalistunum sínum.

Fiskur eykur minni og gáfur

Stórstígar framfarir Hafró eða hvað??????????????

Hafró heldur opna ráðstefnu um þorskinn

20.11.2007

Hafrannsóknastofnunin mun halda opna ráðstefnu um rannsóknir á þorski á Íslandsmiðum dagana  25. og 26. janúar í bíósal á Icelandair Hótel Loftleiðum. Á ráðstefnunni verður fjallað um stöðu þekkingar á líffræði og stofnvistfræði þorsks á Íslandsmiðum.

Gert er ráð fyrir að hvert erindi á ráðstefnunni verði tuttugu mínútur að meðtöldum tíma til umræðna. Gefinn er kostur á að flytja erindi á íslensku eða ensku og verða þau túlkuð á ensku eða íslensku eftir þörfum.

Einnig verður gefinn kostur á að kynna rannsóknir á veggspjöldum. Frestur til að senda inn titil á erindi eða veggspjaldi er 1. desember 2007. Frestur til að skila inn ágripi er 1. janúar 2008.

Ágrip erinda og veggspjalda verða prentuð í bæklingi fyrir ráðstefnuna. Þeir sem hyggjast kynna rannsóknir sínar á ráðstefnunni skulu senda titla og ágrip ásamt nafni/nöfnum höfunda í tölvupósti á [e-mail] og merkja það vandlega ÞORSKRÁÐSTEFNA. Heimildir: http://skip.is/ 

Snjallt hjá Hafró að halda ráðstefnu um þorskinn, það er líklega eina leiðin fyrir þessa stofnun að fræðast eitthvað um þessa fiskitegund. Eitt er það þó sem vekur athygli mína í þessari frétt. Það eru skilyrðin sem sett eru, svo sem tímamörk á tilkynningu titla á erindum og svo ágrip. Það lítur út fyrir að Hafró ætli að ritskoða það sem fram fer á ráðstefnunni fyrirfram og ákveða hvað og hverjir fá að tjá sig. Sem eru alkunn vinnubrögð Hafró.

Hvað er orðið um metnaðinn?

Erum við farin að Sætta okkur við það að vera ekki í neðsta sæti?

Hvenær kemur að því að settir verði upp skynjarar..................

á klósettið hjá manni þannig að eitthvað einkennilega hugsandi sprenglært fífl geti fylgst með því sem ég rið úr afturendanum á mér nákvæmlega tímasett, tekið síðan hauginn mælt magnið og efnagreint eftir kúnstarinnar reglum og sent mér síðan reikning fyrir vitleysunni.

Allir bílar undir gervihnattaeftirliti

Samkeppnissjónarmið í öfugum formerkjum!!!!!!!!

Hvernig má það vera að samkeppni virkar þannig að ekki er hægt að bæta þjónustu og veita afslátt? Erum við ekki einfaldleg að tala um einokun og annaðhvort borgar maður það verð sem sett er upp og það þjónustustig sem einhver sprenglærður asni ákveður, eða étur það sem úti frýs.

Borga 60 þúsund fyrir 2 megabita tengingu

Íslenskir sjómenn álitnir glæpamenn!!!!!!!!!

Skoskir sjómenn: Aðgerðir til verndar smáþorski

14.11.2007

 

Skoskir sjómenn og skoska ríkisstjórnin hafa tekið höndum saman í óvenjulegu átaki til verndar þorskstofninum í Norðursjó. Átakið er í því fólgið að sjómenn hafi frumkvæði að því að láta vita ef þeir koma inn á svæði þar sem mikið af þorski er innan við 50 cm að lengd.

 

 

Haft er eftir Richard Lochhead, dreifbýlis- og umhverfisráðherra, á vefnum FISHupdate.com að þetta átak virðist ætla að gefa prýðilega raun. Fiskiskipin forðist í ríkum mæli þau svæði þar sem undirmálsþorskur haldi sig. Þessi ábyrga afstaða sjómannanna hafi leitt til þess að ekki hafi verið þörf á formlegum lokunum svæða frá því að átakið hófst.

 

Ákveðið hefur verið að framlengja þessa tilraun og verður hún metin í heild um næstu áramót. Því má bæta við að samkvæmt reglum Evrópusambandsins er sjómönnum uppálagt að fleygja í sjóinn aftur undirmálsfiski og þeim fiski sem þeir hafa ekki kvóta fyrir.

Heimildir: http://skip.is 

Hvernig er málum háttað á Íslandi? Fiskistofa hefur byggt upp eftirlitskerfi með sjómönnum sem á sér fáar hliðstæður. Með öðrum orðum við erum álitnir hinir hroðalegustu glæpamenn sem þarf sko að fylgjast mjög náið með. Hvernig væri til dæmis að menn færu að hlusta pínulítið á það sem við sjómennirnir höfum að segja? Ef yfirvöldum á Íslandi dytti til hugar að taka upp samvinnu við sjómenn og útgerðarmenn eins og yfirvöld í Skotlandi þar sem gagnkvæmt traust ríkti milli manna væri hlutirnir mun betri en þeir eru í dag. 

Ef mönnum væri gert kleift að koma með allan undirmálsafla að landi án þess að verða refsað fyrir það væri þó nokkuð mikið unnið með því. Það sér hver maður að reglur Evrópusambandsins eru algjörlega galnar en svona virkar þetta í raun þegar verð aflaheimilda er eins og það er. 

Menntahroki og fyrirlitning eins og við búum við í dag skilar engum árangri, það er algjörlega á hreinu.

Árni Friðriksson finnur enga loðnu

 

Áhöfnin á hafrannsóknaskipinu Árna Friðrikssyni hefur lítið sem ekkert fundið af loðnu, en skipið hélt til loðnuleitar fyrir nokkrum dögum. Afleitt veður hafur verið á leitarsvæðinu norðvestur af landinu og leit því ekki gengið sem skyldi.

Ekkert loðnuskip tekur þátt í leitinni að þessu sinni, en stundum hafa nokkur veiðiskip verið með í för, undir stjórn Hafrannsóknastofnunar.             

Heimildir: http://visir.is/ 

Hefði ekki verið eðlilegra fyrir Hafró að finna einhverja loðnu áður en byrjunarkvóti var gefin út? Hvernig er hægt að tengja þetta við einhver vísindi, eða liggur eitthvað annað á bak við þá ákvörðun? Er það raunin að Líú stjórni þessu eftir sínu höfði? Er það ekki ábyrgari stefna að banna loðnuveiðar þar til menn vita nokkurn veginn fyrir víst hvað er í boði? Staðreynd málsins er sú að vísindin eru ekki það nákvæm að þau vita upp á kíló hvað er í hafinu, þó sumir vilji halda öðru fram.

Hvernig má það vera...........

að Þorskurinn hafi það betra á Íslandsmiðum ef ætið fyrir hann fer lengst Norður í höf? Er ekki eitthvað hér sem vantar inn í vísindin? Er það ekki viðurkennt að fiskurinn eltir ætið í stórum stíl?

Ný fiskimið á norðurslóðum?

Hefur engum dottið til hugar að...............

segja eitthvað um þetta. Hvernig má það vera að stofninn sé að rétta úr sér þegar tillögur fiskifræðinga eru hunsaðar með öllu? Í stað þess að banna alfarið veiðar á þorski er áætlað að veiðar hafi verið um það bil 60 þús. tonn. Það er einungis áætlun vísindamanna en er líklega töluvert mikið meira. Alþjóðahafrannsóknarráðið sagði fyrir nokkrum árum og hefur sagt á hverju ári eftir það að ef þorskveiðar í Norðursjó yrðu ekki algjörlega stöðvaðar myndi stofninn hrynja. Það hlýtur hver heilvita að sjá hverslags vitleysa þetta er. Þetta eru allt saman spár um eitthvað sem hugleiðalega getur gerst og það síðan sett upp í formúlur. Þegar tölurnar sem settar eru í formúlurnar eru vitlausar og jafnvel falsaðar verður útkoman náttúrulega geggjuð. Saman ber togararallið hjá Hafró. Fréttin er Hér