Höldum áfram að grínast

Þetta er að verða svo andskoti hlægilegt. Grínarinn og heimspekingurinn Benni brosmildi er alltaf með það á hreinu hvað fór úrskeiðis.

Hvernig væri að spanjólatitturinn eyddi aðeins minni tíma í að segja okkur hvað klikkaði og einhenti sér í að lagfæra vandamálið.

Ég er reyndar þeirra skoðunar að hans tími sé löngu liðinn.

Góðar stundir.

Benítez: Lékum ekki vel

Athugasemdir

[Sigurður (IP-tala skráð) 17.10.2009 kl. 17:54]

Ég vona svo sannarlega að karlinn verði þarna sem lengst, það er svo gott fyrir okkur United menn. En að öllu gríni slepptu þá er ég sammál þér. Það er ótrúlegt að maðurinn skuli ekki á öllum þessum árum vera búinn að byggja upp meiri breidd í þessu liði. Ef Gerard og Tores eru ekki með... hverjir eiga þá að klára leikina? Öll hin topliðin geta vel verið án tveggja, þriggja eða fjögurra góðra leikmanna.

[Eiríkur (IP-tala skráð) 17.10.2009 kl. 18:12]

Mér finnst þetta innlegg þitt, Hallgrímur, vera voðalega fáránlegt og meira verið að lýsa myndinni sem mbl.is ákvað að setja inn, ekki útkomu leiksins í dag.  Heldur þú virkilega að hann hafi verið brosandi í dag eftir leikinn?  Ég efa það alvarlega!

 Hinsvegar er ég sammála þér að hans tími er kominn (líka hjá Jóhönnu Sigurðar) en það er ljóst að ef maðurinn ætlast til að vinna leik með uppstillingunni í dag (hvað þá útileik!) þá er hann virkilega á rangri hillu í lífinu! 

Aurelio og Lucas að stjórna spilinu á miðjunni er eins og fyrir prest að flytja jólaguðspjallið í jarðarför!  Benitez hefur umsjón með því sem hann kaupir og það sýndi sig í dag að það vantar MINNST 5 leikmenn í þennan hóp hans til að menn geti farið að vænta árangurs. Það er ekki eðlilegt þegar tvo menn vantar í hópinn að liðið verði fyrir fótboltalegu gjaldþroti!  Hvort sem þeir spila eður ei, þá er Liverpool á svipuðum slóðum og það var þegar hann tók við liðinu fyrir 5 árum; algjörlega clueless þegar á að fara að stjórna leiknum......þetta kallast á Íslandi "íslenska landsliðið í fótbolta".   

[Ólafur Tryggvason, 17.10.2009 kl. 19:15]

ROFL

Hvað varðu um þá reglu að þú skrifir ekki um þína menn!!!

[Hjörtur Herbertsson, 17.10.2009 kl. 20:25]

Látið ekki svona drengir, spanjólinn gleymdi að bæta við að þeir ættu enn möguleika á titlinum, þó þeir hafi tapað þessum leik, en hann er búinn að tuða um það frá því að þeir töpuðu fyrir Tottenham. En hver veit nema spanjólinn hafi rétt fyrir sér, þetta er bara rétt að byrja.

[Frelsisson (IP-tala skráð) 17.10.2009 kl. 20:58]

Man ekki betur en að Liverpool hafi unnið united án þessara tveggja, Gerrard og Torres. Menn þurfa bara að spila betur.

[Ólafur Gíslason, 17.10.2009 kl. 21:20]

Liverpool þarf að æfa innköstin betur til að eiga séns í titilinn.  Það sést greinilega á stíl leikmanna að þau eru algerlega óæfð og skapar það mikið óöryggi í öllum aðgerðum liðsins.

[Júlíus (IP-tala skráð) 17.10.2009 kl. 23:36]

Ég hef haldið því fram frá fyrsta degi að Rafa sé ekki sá stjóri sem Liverpool þarf. Notast við www.liverpool.is til að tjá mína skoðun um það og hef aldrei farið leynt með það að mér finnst Rafa ekki rétti maðurinn í starfið.

Menn hafa farið ófögrum orðum um mig og mína skoðun en það er ánægjulegt að það er að bætast í þennan hóp sem sér að Rafa er rusl í BPL/EPL. 

Getur vel verið að hann sé æði á Spáni eða góður í CL en maðurinn virðist ekki vita neitt um enska knattspyrnu. 

Vill fá mann frá Bretlandseyjum til að stjórna Liverpool og hætta að fá þessar meginlands hauga til Liverpool. Aldrei aftur spænskan/franskan stjóra aftur. 

Persónulega vil ég að Liverpool hunskist til að bjóða Martin O´Neill gull og græna skóga og fái hann inn sem næsta stjóra. Snillingur sá maður og ekkert annað. Tekur við handónýtu liði Celtic og gerir þá að meistaraliði á ný, gerði marga frábæra hluti fyrir Leicester sem btw hafa ekki getað neitt síðan hann hætti með þá. Gleymum ekki Aston Villa sem hann hefur lyft uppá nýjar hæðir. 

[Stefán Lárus Pálsson, 17.10.2009 kl. 23:49]

Hver nefndi Blöðrusel í dag eftir leikinn? Óhamingju Leverpool FC verður flest að vopni, og í dag kostaði blaðra, rauð blaðra með merki félagsins sem einhver af stuðningsmönnum liðsins sleppti, félagið þrjú stig. Það á bara ekki af Benna og strákunum að ganga. Og ef þetta lið fellur og stendur með tveim mönnum, þá er ekki gott í efni. En það er greinilegt að mörg lið eru með meiri styrkleika en undanfarin ár, og það gerir strik í reikninginn. Það er nefnilega ekkert sjálfgefið, þó menn hampi fornri frægð. LFC á nóg af mannskap en hvort þeim tekst að þjappa sér saman í vinningslið er annað mál. Óstöðugleiki hefur verið vandamál, og er enn á þeim bæ, það er stóra málið!

[Stefán Lárus Pálsson, 18.10.2009 kl. 00:19]

Smá ábending: O´Neill er talinn muni erfa landið á Old Trafford af Sir Alex Ferguson. Sir Alex hefur látið hafa það eftir sér að sá sé rétti maðurinn til að stjórna stórliði, og það valtri enginn yfir hann og hann gefi aldrei tommu eftir. Hann muni fylla sitt skarð, og vel það. Kunnugir telja að þetta sé löngu frágengið.

[Hallgrímur Guðmundsson, 18.10.2009 kl. 19:44]

Eiríkur ert þú að koma í fyrsta skipti inn á þessa síðu? Ég hef kallað spanjólann þessu nafni lengi sjáðu til félagi.

Óli ég sagði að ég myndi ekki tjá mig um sigra Liverpool á þessari leiktíð.

Um töp og jafntefli gegnir svo allt öðru máli eins og ég sagði í færslunni góðu.

Miða við gengi minna manna verður töluvert skrifað um þá þver öfugt við vonir...

[Kolbeins, 19.10.2009 kl. 07:42]

Ein blaðra og þá springur bara blaðran í liðinu elskurnar mínar!!!