Old Trafford

er magnað vígi sem hefur reynst mörgum liðum hroðaleg hindrun. Á laugardaginn verður stórleikur í ljónagryfju Manchester United, um þann leik verður ekki sett fram nein spá eða heimspekilegar vangaveltur.

Spennum beltin, þetta verður háspenna og ekki fyrir viðkvæma.

Til hamingju United aðdáendur þetta var verðskuldaður sigur í kvöld á Mórauða kjaftaskinum.

Góðar stundir.

Man.Utd, Barcelona og Porto áfram

Athugasemdir

[Þórbergur Torfason, 11.3.2009 kl. 23:19]

Oh boy oh boy. Mikið helv. eru þeir sigurstranglegir á öllum vígstöðvum um þessar mundir. Barca virka ekki eins öflugir og maður hefði haldið en Bayern eiga kannske eftir að koma á óvart.

[Víðir Benediktsson, 12.3.2009 kl. 03:26]

það þarf ekki að spá neinu um þennan leik. United rústar þessu, það er vitað.

[Jóhann Elíasson, 12.3.2009 kl. 09:21]

Víðir er orðinn alltof góður með sig.  

[Guðrún Emilía Guðnadóttir, 12.3.2009 kl. 10:14]

Halli minn til hamingju með vininn í annað sætið ,flott hjá honum og gott að fólk er að opna augun fyrir því sem rétt er.
Kveðja
Milla.

[Hallgrímur Guðmundsson, 12.3.2009 kl. 23:02]

Beggi er að verða jafn bjartsýnn og góður með sig eins og Víðir, það er eitthvað sem segir mér að þeir félagar eygi eftir að brotlenda hroðalega í þessari sæluvímu áður en langt um líður.

Takk Milla og sömuleiðis, flokkurinn eflist við þetta og vonandi fer fólk að átta sig á því að Frjálslyndi flokkurinn er fyrir fólkið í landinu, ekki öfugt eins og háttar til hjá hinum flokkunum.

Maður spyr sig daglega reyndar oft á dag hvernig það má vera að fólk þjappi sig í kringum stjórnmálaöfl sem eru hreint ekki fyrir það, heldur er það fyrir flokkinn sem það kaus sem svo þverríður því í ósmurðan afturendann korteri eftir kosninga. Ekki bara einu sinni heldur síendurtekið eftir loforða og lygaþvælur sem aldrei nokkurn tímann stóð til að efna.

Eru virkilega svona margir í þessu landi sem hafa ómælda ánægju af því að gefa óheftan aðgang að kakórörinu á sér???

[Guðrún Emilía Guðnadóttir, 13.3.2009 kl. 07:12]

Gott að hlæja svona í morgunsárið Halli minn, eigi vandar þú þessu vesalings auðtrúa fólki kveðjurnar, Ó nei.
Þú hlýtur nú að vita hvar langt langlundargeð við höfum og hversu miklar flokkssleikjur við erum og bara sleikjur yfirhöfuð.
Gengur ekki annars allt bara vel?
Þú manst að koma í kaffi er þú kemur hingað að skoða fiskbúðina.

Kveðja frá Húsavík
Milla.

[Hallgrímur Guðmundsson, 13.3.2009 kl. 09:20]

Það verður aldrei sagt um mig að ég sé flokkssleikja hvað þá heldur foringjasleikja. Þetta snýst í mínum huga um málefni, frambærilegt , málefnalegt og heiðarlegt fólk. Þá er mér alveg slétt saman hvernig kvikindin eru á litinn, hvernig þau eru í laginu og það skemmir ekki að þau tali þokkalega Íslensku.

[Guðrún Emilía Guðnadóttir, 13.3.2009 kl. 13:13]

Þú ert bara flottur, en þú veist alveg hvað ég er að meina það er fólkið sem aldrei breytist.

[Sverrir Einarsson, 13.3.2009 kl. 17:06]

Jæja Hallgrímur hefur fengið málið aftur, enda búinn að standa í ströngu með innréttingu á tittabúðinni.
Til hamingju með sjoppuna Hallgrímur og frú, hún hefur nú örugglega stýrt þessu röggsamlega á síðustu metrunum.

Þetta er greinilega í betri gír þarna í norðrinu í pólitíkinni en hér fyrir sunnan, hér er allt á leiðinni í háaloft. Ekki hef ég séð nein drög að lista hvorki í Norður né Suður.

Hmmmm er enn fiskbúð á Húsavík? Ég verð að aka aðeins hægar þarna þegar ég á leið um.

Ég verð fjarri góðu gamni á Laugardaginn þannig að ég get ekki horft á leikinn ( þá vinna þeir sennilega). Þannig að það er allt bjart.

ps föstudagur til fjár, laugardagur til lukku............en hvað er fimmtudagur,,,,,er það ekki alveg glataður dagur til að opna búð?

Svo verður helgin góð það á ekki að byrja að rigna fyrr en á Sunnudag segir Siggi Stormur. (hér fyrir sunnan)

[Guðrún Emilía Guðnadóttir, 13.3.2009 kl. 17:13]

Sverrir það er ekki enn fiskbúð á Húsavík nýbúið að opna hana, eða þannig.

Kveðja Milla.