(Hræsnarar) Hlakkar í fólki yfir væntanlegum endalokum Baugs

Er það virkilega svo að það hlakki í fólki yfir þessum fréttum?

Gerði Jóhannes ekkert fyrir fólkið í landinu og gerir enn?

Vil fólk í alvörunni Bónus í burtu?

Ég kalla þetta að muna ekki fyrir horn.

Ef ég á að segja mitt álit þá vil ég hafa Bónus áfram og ýmsa aðra þjónustu sem Jóhannes býður okkur uppá, það má svo deila um Jón og verk hans. Að mínu mati er Jóhannes maður alþýðunnar sem hefur fært íslendingum margt gott.

Góðar stundir.

Er draumurinn á enda?

Athugasemdir

[Sigurður Pálsson (IP-tala skráð) 8.2.2009 kl. 08:25]

Sæll Hallgrímur,þar er ég sammála þér,hvernig heldur þú að verðlag á Íslandi væri í dag ef Baugur hefði ekki komið?Það sem Jóhannes gerði(í óþökk íhaldsins)var að hann kom heildsalaklíkunni á hausinn og fór að flytja inn sjálfur og lækkaði fyrir vikið verðið á vörunni.Baugur er og var besti vinur litla mannsinns.

Lifðu heill.

Kv Siggi 

[Jóhanna Þórkatla (IP-tala skráð) 8.2.2009 kl. 08:33]

Sá yðar sem syndlaus er, kasti fyrsta steininum.  Í einhverri bók las ég þetta, það var einhverstaðar á fermingaraldrinum.  Presturinn lagði útaf (merkilegt nokk) öfund, öfund sem byggi í hverri sál og væri talið til breyskleika mannsins.  Eftir að ég eltist þá var hægt að sjá miklu meira en´það út úr þessari sögu.

Mér finnst einhvern veginn að aðgangurinn að Jóhannesi og Jóni Ásgeir vera með þeim ólíkindum, að ekki rekur maður sig á hliðstæð dæmi í Íslandssögunni.  Svo ég tali nú ekki um orðbrag og æði hjá fullorðnu fólki í garð forseta vorn og forsetafrú.  Ég er að tala um fólk sem vill láta taka mark á sér í ræðum og riti.  Því miður þá setur þetta rýrð á þjóðina sem heild, því það finnast alltaf þeir sem gleðjast á óförum annarra, og þeir þýða þessar greinar úr íslensku,  og segja svona þykir íslendingum vænum þjóðhöfðingjann sinn.    Athugið  ykkar gang, sér grefur gröf,,,,.

[Jón Finnbogason, 8.2.2009 kl. 09:01]

Allt vald spillir, þess vegna er gott að það færist reglulega milli fólks. Hvort sem það eru yfirráð yfir verslunarrekstri þjóðar eða annað.

Ég get tekið fram að það hlakkar ekki í mér yfir falli Baugs, sem er eingungis með starfssemi erlendis, því síður ef illa gengur í Bónus. Það er hins vegar mikilvægt að fyrirtæki sem hafa með umsvifum sínum, á beinan eða óbeinan hátt skuldsett komandi kynslóðir þjóðarinnar, (stór hluti af icesave fór í fjárfestingar Baugs, ef marka má fjölmiðla í október) fari af sviðinu. Ætli það sé ekki það sem fólki finnst sanngjarnt og eðlilegt í stöðunni?

En það er rétt að Jóhannes gerði margt afar gott fyrir land sitt, hann á þökk skilið fyrir það góða sem hann gerði.

[dh (IP-tala skráð) 8.2.2009 kl. 09:02]

Burtséð frá öllu. Þá er alltaf hálf kjánalegt þegar talað er um Bónus sem guðsgjöf til Íslendinga. Birtséð frá því hvernig það fyrirtæki fór (og fer eflaust enn) með birgja sína, burtséð frá því hvernig þeir ætluðu að koma Fjarðarkaup í þrot á sínum tíma, hvernig þeir tríta starfsfólkið og þar fram eftir götunum. Þá eru þetta örugglega ágætis menn.

Alltaf talað um Bónus sem einhverja gjöf. Hagnaðurinn af bónus er hlutfallslega ekkert minni ef ekki meiri en annarra verzlana. Markaðurinn er til staðar og Bónus er EKKI að gera þér neina persónulega greiða, við skulum hafa það alveg á hreinu.

[Arnar Guðmundsson (IP-tala skráð) 8.2.2009 kl. 10:05]

Öfundsýki er allra lasta móðir, heyrði ég einu sinni sagt. Oft hef ég séð þá birtingarmynd. Ég er þó ekki að segja að hún sé ráðandi í vaxandi andófi gegn þeim Bónusfeðgum. En hafi banki lánað einu félagi miklar fjárhæðir er hæpið að kenna einum manni í lántakendahópnum einum um lántökuna.

Það hefur ekki leynt sér að Jón Ásgeir hefur verið ástríðubisnessmaður frá því hann varð lýðum ljós. Að hann nái árangri sem slíkur hefur vakið aðdáun hjá mörgum, síður hjá öðrum. Mikið um krosseignatengsl sem hafa vakið forundran margra erlendra fjármálagreinenda. Annað hefur ekki verið gert í þessum efnum, enda að því er virðist altt saman löglegt. Bónusmenn eiga líklega Íslandsmet í því að hafa verið rannsakið hvað mest af öllum íslendingum. Og lítið varð um ákærur.

Ég er eins og flestir íslendingar alveg hundfúll yfir þessu ástandi en reyni þó að forðast að heitast út í menn sem fara að lögum og ná miklum árangri, óeðlilegum segja sumir, ef ekki hættulegum öllum „eðlilegum" viðskiptum.

„Eðlileg" eða siðleg viðskipti eru teigjanleg. Viðskiptareglur ættu auðvitað að innihalda siðferði, svo „eðlileg" viðskipti geti blómstrað.

Því miður hefur virst eðlilegt og löglegt að búa til loftbólubisness.

Ef við vitum af lögbrotum í viðskiptum, bendum á þau.

Ef við vitum af löglegu siðleysi í viðskiptum, bendum höfundum viðskiptareglna á það.

[Guðbjartur (IP-tala skráð) 8.2.2009 kl. 10:22]

ERuð þið ekki að grínast. Þessi menn hafa mjög, mjög líklega mergsogið peninga út úr Íslandi á síðustu árum og náð meiru til sín heldur en verstu bankaræningjar sögunnar. Og þeir skammast sína ekkert fyrir þetta og telja þetta ,,eðlilegt". Komm on... eruð þið svo liðið sem fer og kýs Sjálfstæðisflokkinn í næstu kosningum...auðvitað búinn að gleyma öllu sem þeir gerðu okkur á síðustu árum. Arnar...ef glæpamaður sér í gegn um einhverjar reglur og nýtir sér það til að stela af fólki, ber hann þá enga ábyrgð heldur þeir sem bjuggu reglurnar? Ertu ekki í lagi? Þessi menn hafa stolið svo mörgum milljörðum að ekki er hægt að tala um það ógrátandi. Og svo komið þið og segið ,,aumingja mennirnir".

[Jón Þór Benediktsson, 8.2.2009 kl. 10:24]

   Það er með ólíkindum hvað fólk virðist geta velt sér upp úr svona hlutum. Rétt er það að í góðu bókinni stendur einmitt að sá yðar sem syndlaus er. Á öðrum stað er rætt um grjótkast í glerhúsum. Allt þetta fólk sem hlakkar núna yfir óförum þessara manna, fer eftir að hafa skrifað á bloggið, upp í skáp, sækir sér Neskaffi sem það keypti í Bónus (af því að það var ódýrara þar) og nær sér í disk  (sem það keypti í Hagkaup því hann var ódýrari þar) tekur upp tekexið sem það keypti í gær í Bónus (ásamt sultu og osti sem það keypti líka í Bónus vegna þess að það var ódýrara þar) og hnussar eins og beljur út í loftið. HRÆSNI var þetta kallað hér áður fyrr.

  Muniði eftir velvakanda og hvernig sumar kerlingar skrifuðu í hann fyrir nokkrum árum? þetta er að verða eins.

  Í þetta skiptið vill ég að fólk spái í hvað Bónus og Baugur hefur gert fyrir þjóðina og líka að við værum ekki með neinar lágvöruverslanir ef ekki hefði verið fyrir þá á sínum tíma.

  Annað sem ég vill benda á að fólk stendur á törgum og öskrar sig hása að láta auðmennina borga brúsan. Hvað var verið að gera þá þarna? Var ekki verið að taka eignir Baugs í Bretlandi upp í skuldirnar. Eruði þá ekki ánægð?

   Vona að Bónus á Íslandi lifi þetta af

[Birgir Guðjónsson (IP-tala skráð) 8.2.2009 kl. 10:55]

Jón Þór Benediktsson !

 Hættu nú að copy/pasta þínar lofsemdir um bónus og pappírsveldið þeirra um allt bloggið !

Karlinn gerði góða hluti hér einu sinni. En hann er alveg jafn rotin og pjakkurinn nú.

Gefur meira að segja "gjöf" úr pokasjóðnum sem hann á ekki einu sinni ROFL !

[Torfi Magnússon (IP-tala skráð) 8.2.2009 kl. 12:32]

Hvaða máli getur það mögulega skipt þó þú hafir sparað örfáar krónur á að versla í Bónus í gegnum tíðina.

Staðreyndin er sú að þeir hafa hreinsað hundruði ef ekki þúsundir milljarða út úr bankakerfinu og það lendir á þér að borga það fyrir þá.  Þetta heitir að spara eyrinn og henda milljarðinum.

Ég efast ekkert um að Jóhannes er drengur góður og hefur í gegnum tíðina gengið gott eitt til, en ég hef ekki sama álit á syni hans. 

Það er klárlega hið besta mál ef mönnum gengur vel og þeir efnast, en ef þeir gera það með því að ræna mig og mín börn og barnabörn þá horfir málið öðruvísi við.

[Víðir Benediktsson, 8.2.2009 kl. 13:32]

Ég hef nú alltaf talið Bónus þarfaþing eins og alla aðra í samkeppnisrekstri. Hins vegar líður mér einhvern veginn þannig að allt sem við græddum við að fá Bónus í umferð sé farið fjandans til og eitthvað rúmlega það kannski. Kannski KEA gamli hafi verið bestur eftir allt saman þó hann hefði slæmt orð á sér stundum.

[Sverrir Einarsson, 8.2.2009 kl. 15:27]

Ekki veit ég úr hvaða átt lognið kemur Hallgrímur. Ég hef þá lensku að hlusta stundum (alltaf) á veðurlýsinguna kl 04:30 á nóttunni, þegar ég er að aka um sveitir suðurlands, og verð alltaf jafn gáttaður þegar ég heyri norðan 0 m/s,  eða austan 0 m/s. Lognið er ekki á neinni ferð, (þá er það ekki logn). Nú er er ekki lengur hægt að gefa upp veður með því að segja "hægur sunnan 7" eins og maður gerði í den. Þá stóð 7 fyrir vindstig, en nú stendur það fyrir m/s og þykir ekki mikið.

Auðvitað verður norðan 25 m/s á þessum fundi, það er sjaldan logn í kringum Gunnar Sigurðsson, og þú bara verður að koma með "óþægilegu" spurningarnar, við þessir sófa mótmælendur reiknum með því.

Hvað Bónus eða Baug varðar, þá hef ég alltaf skipt þessu í tvennt. Jón Ásgeir stendur fyrir Baug og Jóhannes stendur fyrir Bónus. Víst er það að þeir saman komu oft fram í sjónvarpi (á myndbrotum) með fréttum af Bónus þar sem þeir voru að fylla á hillur. Þá tók ég það alltaf sem strákurinn (Jón Ásgeir) væri að hjálpa pabba sínum. En fór svo sjálfur í rekstur undir merkjum Baugs (Baugsveldið). Aldrei man ég til þess að Jóhannes hafi komið og verið talsmaður Baugs (gæti haft rangt fyrir mér). Þannig að ég vil halda þessu aðskildu Baugi og Bónus.

Margur spyr sig hvort hér væri hærra vöruverð ef Bónus hefði ekki komið til. Ekki skal ég fullyrða um það en, Kolkrabbinn var orðinn með ansi marga fálmara og víða, það fór eftir ættum, hvar hver verslaði og við hverja sum fyrirtæki áttu í viðskiptum við, það kom ekkert við verði á þjónustunni (hún var aukaatriði). Þetta splundraðist með tilkomu Bónus, hvort sem menn vilja trúa því eða ekki (eða kenna um). 

Við skulum ekki gleyma því að hér áður fyrr slógust heildsalar um "vörumerki" og keyptu af hvor öðrum til skiptis. Í dag gerist það ekki (nema í undantekningum) því nú eru bara innflutnings fyrirtækin keypt í heilu lagi, með manni og mús.

Segir það okkur ekki að viðskiptahættir eru að breytast í tímans rás?.

Hópferðamiðstöðin setti BSÍ næstum á hausinn og alla gömlu sérleyfishafana, þeir aka nú á sömu staði og þeir (bara í öðruvísi rútum) en veita sömu þjónustu (sumir segja verri) en enginn segir orð.

Auðvitað hefði ég orðið brjálaður ef Bónus hefði sett einhverja verslunarkeðju sem Afi stofnaði á hausinn. En Afi átti bara ekkert svoleiðis, ég verð bara að fara sjálfur og stofna verslun til að fara í samkeppni við Bónus ef ég ætla í samkeppni við þá, sem ég ætla mér ekki, því Jóhannes er sennilega klókari í bissness en ég, þannig að þar við situr og ég versla bara við Bónus ( þegar þar er opið) milli 12 og 18.30.

Svo ætla ég að njóta úrslita gærdagsins í Enska boltanum, óvæntir hlutir gerast stundum hehe.

Víðir. Bónus tókst ekki að setja upp Bónusverslun fyrr en í tilraun nr. 2 Enginn veit hvað átt hefur fyrr en misst hefur.

[óli (IP-tala skráð) 8.2.2009 kl. 16:42]

Já það er alveg merkilegt með suma hérna hvað þeir eru heimskir! Að til skuli vera fólk sem heldur það að Bónus sé frá Guði kominn og að þetta sé rekið í þeim tilgangi einum að gera fólki gott! Þetta eru drullusokkar sem eiga það skilið að fara til helvítis! Hvernig þeir td tríta fólkið sem vinnur þarna eins og eh benti á hérna og hvernig þeir hafa stolið úr fyrirtækinu sem þeir nóta bene eiga EKKI einir. Já Jón ég óska þér alls hins versta bara. Ég vann hjá þessum drullusokk og þurfti mikið að hafa fyrir því að fá launin mín frá þessu skítseiði!

[j.a. (IP-tala skráð) 9.2.2009 kl. 21:49]

Óli, no.12

Ótrúlegt hvað það er leiðinlegt að lesa blogg eftir þig, þú ert svo orðljótur.  Afhverju? Var talað svona orðbragð á þínu heimili þar sem þú ólst upp?  Eða hefurðu ekki verið alinn upp.  Ætlar þú, eða hefur þú alið börnin þín í sama orðaforðanum sem þú lætur frá þér hér?  Hvernig helst þér á vinnu með svona óhuggulegan orðaforða?

[Hallgrímur Guðmundsson, 9.2.2009 kl. 22:16]

Óli, no. 12 eða hvað þú heitir kúturinn minn, ertu að grínast? þessi síða er skrifuð af mikilli nærgætni og hvert orð valið af kostgæfni...