Þetta er ekki þjóðin, þetta er skríll

sem er með heilabú á við meðal páfagauk og bleyju á rassgatinu enda algjörlega vanhæfur í að halda þvagi frekar en að það séu einhverjir vitsmunir á páfslaga kollinum.

Geir Haarde öflugur leiðtogi okkar sómakæru þjóðar sem nýtur trausts virðingar og horft er til með öfund af alþjóðasamfélaginu, situr skíthræddur á bak við fulltrúa og æðsta strump í byggingarnefnd fyrir gæluverkefni sitt Háskólasjúkrahúsið og skilur ekki neitt í þessum andskotans skríl.

Hann sem færið þessum auma skríl frábært góðæri og ótrúleg lífsgæði að annað eins hefur enga hliðstæðu í sólkerfinu. Dauðhneykslaður og drulluhræddur Geir horfir ráðalaus á þessa uppákomu hjá vanþakklátum skrílnum sem ekkert er hægt að gera til hæfis.

Það er vandlifað á landinu bláa þar sem enginn getur gert neinum neitt til hæfis að mati nokkra veruleikafyrrtra manna.

Góðar stundir.

Mannfjöldi á Austurvelli

Athugasemdir

[Rauða Ljónið, 20.1.2009 kl. 22:01]

Sæll. Í dag eyðilagði fámennur hópur skríls með skrílslátum mótmælin, hópur sem eyðilagði fyrir friðsömum mótmælunum.

Kv.Sigurjón Vigfússon

[Hallgrímur Guðmundsson, 20.1.2009 kl. 22:10]

Var ekki efnt til háværra mótmæla eða er það misskilningur hjá mér?

[Alexander Kristófer Gústafsson, 20.1.2009 kl. 22:30]

Þetta var kaldhæðni nátturlega annaðhvort það eða Hallgrímur er strokumaður af kleppi  :)

[Hallgrímur Guðmundsson, 20.1.2009 kl. 22:37]

Það hljóta allir að sjá hvers kyns er Alexander, auðvitað er þetta kaldhæðni. En líta stjórnvöld ekki einhvern veginn svona á þegna sína, ég bara spyr?

[Ólafur Tryggvason, 20.1.2009 kl. 23:03]

Ég er með skrifstofu í nágrenninu, ég var upp úr hádegi búinn að vera heyra háfaða sem ég skildi ekkert í því hvaða háfaði var, ég hélt fyrst að það væri kviknað annað stórbálið í miðborginni því stöðugur sírennuhljómur dundi yfir hverfinu.

Ég ákvað að fá mér hádegisgöngutúr til að kanna málið eftir að hafa séð á netinu myndir af lögreglumönnum gráum fyrir járnum, ég var þar greinilega einn af mörgum sem komið við til að skoða því flestir voru á rölti í hæfilegri fjarlægð að virða fyrir sér "ástandið". Ég tók mér stöðu á Austurvelli og virti fyrir mér það sem fyrir augu bar og fannst mér í fyrstu flott hvað stór hópur fólks var að gera, lemjandi potta, pönnur eða hvað það sem fyrir höndum bar, Stulli labbaði um með kafaraloftkút á bakinu tengdan við stóra loftlúðra og lét búnaðinn blása í gríð og er, FLOTTUR. En svo tók ég eftir að inn á milli voru einstaklingar sem greinilega voru að stofna til illinda, gengu ítrekað upp að lögreglumönnum með ógnandi tilburðum og orðbragði.

Ég tók eftir að í Alþingisgarðinum var eitthvað að gerast þannig ég ákvað að færa mig þangað. Ég labbaði í áttina að Dómkirkjunni, inni í Alþingisgarðinum var töluverður fjöldi fólks og fleiri streymdu inn í garðinn yfir vegginn þar sem lögreglan var búin að lokka hefðbundnum inngönguleiðum. Það var greinilega að byggjast upp mikill æsingur. Ýmsu lauslegu var grýtt í átt að lögreglumönnum og Alþingishúsinu og var þarna farið að bera minna á hávaðamótmælum þar sem fleiri og fleiri virtust hafa meiri áhuga á að úthúða lögreglunni eins óskiljanlegt og það kann að hljóma.

Ég kláraði hringinn í kringum húsið og labbaði ég um óáreittur enda rölti ég í rólegheitum og án fúkyrða í garð nokkurs mans sem á vegi mínum varð og þaðan beinustu leið upp á skrifstofu aftur. Áður en ég hélt heim á leið eftir vinnu ákvað ég að kíkja við aftur þar sem ég sá á netinu að enn var eitthvað af fólki á svæðinu. Töluvert minna var af fólki í seinnaskiptið en þeim mun meira var af fólki sem var mjög heitt í hamsi. Lögreglumenn allir út ataðir í mjólkurafurðum þar sem þeir stóðu undir stöðugum svívirðingum fólks og höfðu greinilega gert í allan þann tíma sem ég hafði verið í burtu.

Ég segi fyrir mitt leiti að þau mótmæli sem ég sá í fyrstu vera gríðarlega áhrifarík og kröftug, þar sem saman voru kominn stór hópur fólks með ýmiskonar hávaðatól til að láta ráðamenn heyra það með kröftugum hætti að þeim væri alvara með að eitthvað þyrfti að gera og það strax. En sá hópur sem greinilega nýtir sér ástandið til að fá útrás fyrir ofbeldi og skemmdarfýsn er einungis að skemma fyrir þeim góða málstað sem viðhafður er og eins víst að hann sameinar ekki þjóðina þvert á móti. Ég held að Hörður Torfa ætti nú bara að fá vini sína sem sjá um skipulag gleðigöngunnar til að fá þjóðina til liðs við sig því þar mæta ár hvert um 80.000.- manns ár hvert með áhrifaríkum hætti og án alls ofbeldis.

Lögreglumenn eru líka þjóðin og eru fólk eins og við hin, fólk sem er með erlend lán og skuldir sem vaða upp úr öllu valdi. Þetta er láglaunastétt sem vinnur undir miklu álagi, líkamlegu og andlegu sem ég held að fæstir þeir ofbeldisseggir sem þeim mæta gætu sinnt svo vel sé. það eina kannski sem þeir þurfa ekki að hafa áhyggjur af sem við flest hin þurfum að hafa áhyggjur af er að þeir missi vinnuna, ofbeldismenn mótmælanna sjá til þess.

Ég hvet mótmælendur til að láta ekki ofbeldis fólk innan þeirra raða afskiptalaust, það er alveg ljóst að ef þú ræðst gegn lögreglu með ofbeldi á hún engra kosta völ nema beita hörku til baka. Það eina sem það gefur af sér er meiri og meiri harka og hún er málstaðnum klárlega ekki til framdráttar.

Pís Át -

[smg, 21.1.2009 kl. 00:36]

Vá! Hallgrímur, hvað get ég sagt? eru einhver ólögleg efni í þessu "forever living products"? Af skrifunum að dæma, og ef að þú neytir þessara efna, dreg ég þá ályktun að þú ættir nú að kanna hvort þessi efni hafi fokkað upp hausnum á þér, forever to come!

[Hallgrímur Guðmundsson, 21.1.2009 kl. 00:51]

Nei Steinn Forever Living Product eru frábærar vörur og halda manni bara svona helvíti góðum. Kaldhæðnislegur húmor og öfugmæli er eitthvað sem hefur fylgt mér ansi lengi. Sumir taka því einfaldlega ekki og það verður bara að hafa það, þeir sem kjósa að túlka svona húmor og öfugmæli á annan veg verða bara að burðast með það sjálf, ég tek ekki þátt í því og held mínu striki.

Þú ættir að kynna þér þessar vörur, þær gera manni bara gott á allan hátt.

[Dofallinn, 21.1.2009 kl. 07:36]

Jón Geir sem lögreglustjóra, Stefán ræður ekkert við þessa ólgu.