Rógburður sem á ekki við rök að styðjast

Eru allir búnir að gleyma viðtalinu sem Björn Ingi Hrafnsson tók við Sigurð Einarsson út í London? Þar sagði hann að þeir hefðu ekki gert neitt rangt og öll þeirra verk þyldu dagsljósið.

Ekki trú ég því að nokkrum manni detti til hugar að halda því fram að þessi öðlingur hafi vísvitandi logið í ræfilstuskuna hann Björn Inga. Það er náttúrulega fyrra að halda því fram enda er Björn Ingi mikill öðlingur og ekki nokkur ástæða til að ljúga í þennan hvítþvegna framsóknarmann.

Björn Ingi þessi líka karakterinn, eftir misheppnaða tilraun til að stela orkuveitunni sagði hann af sér með þeim aumustu afsökunum sem borin hafa verið á borð almennings á síðari tímum.

Já Þáttur Björns Inga sem heitir Markaðurinn er vettvangur þeirra sem verða á einhvern hátt að fá tækifæri við að hreinsa mannorð sitt af þeim rógburði sem á þá er borinn, svo sem misferli, glæpamenn, spillingarhyski, landráðamenn og guð má vita hvað fólki hefur dottið til hugar að kalla þessa öðlinga sem jú gerðu akkúrat ekkert rangt.

Hvernig getur fólk verði svona vont og illa þenkjandi gagnvart þessum englum sem myndin er af hérna til hægri? Það jaðrar við hneykslun hjá gaurnum sem á þetta lyklaborð hamrar....

Góðar stundir.

Rannsaka millifærslur

Athugasemdir

[Jakobína Ingunn Ólafsdóttir, 27.12.2008 kl. 20:38]

Já og Björn Ingi fór að gráta......leiður yfir misgjörðum annarra....skilur ekki vonsku heimsins.....

[Víðir Benediktsson, 27.12.2008 kl. 20:59]

Eitt má þó Björn Ingi eiga fram yfir margan annan. HANN SAGÐI AF SÉR ÞEGAR HANN VAR UPPVÍS AÐ KLÚÐRI. Þú mátt ekki taka því sem svo að ég sé að hæla honum en getur þá væntanlega séð hvaða álit ég hef á öðrum sem hafa klúðrað.

[Páll Erlingsson (IP-tala skráð) 27.12.2008 kl. 21:53]

Ég verð að viðurkenna að Björn Ingi hefur engar málsbætur þó hann sagði af sér... Hann iðraðist ekki vegna þess hvað hann hafði gert, né sá hann ekki að hafi gert rangt...heldu var þvingaður til þess. Það er því miður málið með allt of marga hér í þessu samfélagi... þeir sjá ekki misgjörðir sínar, né að þeir kunni að iðrast... þaðan af síður telji sig ábyrga á nokkrum sköpuðum hlut. Þessi hugsun er gegnsýrð í íslensku þjóðfélagi og þeir sem hafa haft völdin, hvort sem er stjórnunarleg eða peningaleg, hafa sýnt þessa siðblindu með því að hugsa um að koma sér fyrir og koma sínu undan á kostnað almennings... þannig er það, því miður allt frá stjórnmálamönnum í menn úr fjármálageiranum. Mér er líka ferskt í minni það sem konan í fréttunum í kvöld frá mótmælunum... „góðærið kom ekki til okkar“
Ég held við Íslendingar þurfum að fara í nákvæma naflaskoðun og átta okkur á að græðgin í þessu samfélagi hefur blindað allt of marga.  Það eitt segir okkur hversu sýkt það er þegar á svokölluðum góðæristímum var fjöldi fólks sem þurfti að sækja styrk til hjálparsamtaka til þess eins að geta haldið jól...
Það þarf að bregðast hart við og dæma hart... gera eignaupptökur ef satt reynist.

Í mínum augum er það ekki spurning um klúður... heldur siðblindu....

[Hallgrímur Guðmundsson, 27.12.2008 kl. 23:24]

Páll er með góða úttekt á þessu, ég er alveg sammála hágrenjandi eins og smábarn sem snuddan er tekin af var ræfillinn látinn segja af sér í aumri viðleitni við að fegra gjörspilltan framsóknarhóp.

Ef eitthvað réttlæti er til þá eiga nokkrir sem eru kenndir við þennan flokk að sitja í fangelsi fyrir stórþjófnað og ætli megi ekki bæta landráði við ákæruna. Að hlusta á ákveðinn hóp manna sem hafa komið þessu öllu til fjandans er í besta falli misþyrming á eyrum okkar sem höfum ekkert gert annað af okkur en vera þrælar þessa manna.

Ég hef þá bjargföstu trú að þeim muni hefnast fyrir skítverkin og réttlætið sigri að lokum.