Til hamingju með þennan túr

ekki veitir af á þessum síðustu og verstu. Við skulum rétt vona að það rætist úr sölumálum á næstu vikum því ef það gerist ekki er hætt við að veiðum verði sjálfhætt og þá blasir bara eitt við sem þarf ekki að orðlengja hér.

Góðar stundir.

Enn eitt aflametið

Athugasemdir

[Högni Jóhann Sigurjónsson, 27.12.2008 kl. 00:05]

Ja þá er bara EB næst ef fiskverð ætla líka að hrynja.

[Víðir Benediktsson, 27.12.2008 kl. 07:33]

Já og ESB ef veðrið versnar.

[Sverrir Einarsson, 27.12.2008 kl. 08:34]

Og EESB ef við ættlum að lifa niður sveifluna af.

Góður túr, og ef myndin er nýleg þá er ekki að sjá að útlitið eða aldur skifti öllu máli í eltingaleiknum við þann gula.

[Hafsteinn Viðar Ásgeirsson, 27.12.2008 kl. 10:34]

Það er kunnara en frá þurfi að segja Sverrir, að það er ekkert sem skiptir máli í dag varðandi þann gula annað en kvótastaða viðkomandi útgerðar. Ef hún er í lagi þá kemur allt hitt af sjálfu sér, nánast, skipstjóri og áhöfn, sem á endanum býr svona árangur til.

Þetta tal um verðfall og sölutregðu afurða er því miður staðreynd, nú þegar. Nú er eins gott að hafa aðgang að frysti-og kæligeymslum og að sjálfsögðu fjármagni til að halda sér gangandi þrátt fyrir að afurðir stoppi í geymslum um tíma. Sé það núna að lágmarksverð á þorski 2-5 kg í Noregi var að lækka frá áramótum um 22%, (ákveðið af seljendum með fulltrúa frá stjónvöldum) og kaupendur eru æfir og tala margir um að fara ekki af stað. Ég óttast að við séum bara að sjá í hornið á vandræðunum, því miður.

[Högni Jóhann Sigurjónsson, 27.12.2008 kl. 12:27]

Við stöndum þetta af okkur, það hefur aldrei skipt eins mikklu máli og núna að vera fámen með lítið hagkerfi og utan evrópusambandsins.

Hafsteinn, er ég að skilja þetta rétt að útgreðamenn/seljendur hafi lækkað verðið og kaupendur/markaðirnir/vinnslan sé æf sumsé vilji ekki borga minna fyrir hráefnið.

[Hallgrímur Guðmundsson, 27.12.2008 kl. 12:37]

Sammála Hafsteinn ég held við séum ekki farin að sjá nema brot af því sem á eftir að koma því miður. Í ESB höfum við ekkert að gera  ég gæti hinsvegar hugsað mér að við myndum sækjast eftir því að gerast aðildarríki Noregs og taka upp Norska krónu. Bæði löndin hagnast, við fjárhagslega og Norðmönnum veitir ekki af smá upplyftingu á húmorinn.... það er að segja ef við gerum Hannes Hólmstein útlægan áður en sótt er um...

[Högni Jóhann Sigurjónsson, 27.12.2008 kl. 17:10]

,,útgreðamenn" hvurslags stafsetning er þetta, þetta hlýtur að eiga að vera útgerðamenn hjá þessum þadna sem er með færslu 5 þessi maður kemst aldrei í sexið með þessum hætti.

Þarf nokkuð að hafa áhyggjur af Hólmsteininum er hann ekki svo öfgafullur að hann mundi ekki stoppa fyrr en í Svíþjóð.

[Hafsteinn Viðar Ásgeirsson, 27.12.2008 kl. 20:51]

Seljendur ákváðu verð með stjórnarfulltrúanum og og kaupendur eru afar ósáttir, nákvæmlega eins og ég áður sagði. Mér er tjáð af þeim Norum að það hafi aldrei þurft áður að fá utanaðkomandi til að skera úr, það hefur alltaf náðst samkomulag milli kaupenda og seljenda um lágmarksverð. Þetta er auðvitað til marks um hversu erfitt var að fara nægjanlega niður með verðið. Það er sjáanlega gríðarlegur skellur framundan í markaðslöndum okkar.

Ég veit ekkert um það hvort það þarf að fara inn í ESB til að losna við krónuræfilinn, það bendir hinsvegar margt til að svo sé, en krónu verðum við að losna við, það er ekki flóknara en það og ef það þarf til, að við verðum inní ESB, þá er það bara það sem verður að gerast. Norsk króna og annað álíka, er algerlega útí loftið, það er álit fræðimanna að við eigum eftir að sjá kannski 3-4 gjaldmiðla í heiminum innan einhverra fárra ára og ég er viss um að hvorki Íslensk eða Norsk króna verða þar á meðal....

[Hallgrímur Guðmundsson, 27.12.2008 kl. 23:36]

Hannes má vera hvar sem er mín vegna svo lengi sem hann er ekki í sama samfélagi og ég, þessi drullupjakkur á lítið inni hjá þessari þjóð og ekki kæmi mér á óvart að einn daginn þegar almenningur kveikir fyrir alvöru á því hvað hann hefur gert að hann verði þess heiðurs aðnjótandi í besta falli að nokkur egg heimsæki þennan boðorðapostula á 60 km hraða.

Hafsteinn ég hef sagt það áður og segi það aftur, við höfum ekkert að gera inn í ESB þar er allt að fara til fjandans og við þurfum ekkert á því að halda að taka aðra kollsteypu í bráð. En að þessum markaðsmálum þá hef ég grun um að við eygum eftir að upplifa tíma sem enginn þorir að setja á prent ennþá.

[Hafsteinn Viðar Ásgeirsson, 28.12.2008 kl. 00:20]

Ég þarf nú eitthvað haldfastara en þetta um það að við séum að stefna á "aðra kollsteypu" með því að ætla að vinna með öðrum þjóðum við að ná okkur uppúr skítnum, ég bara kaupi ekkiþessi rök fyrir einangrunarstefnu. Hún verður okkur allavega ekki auðveld ef við þurfum að éta sjálfir það sem við veiðum, eða gefa ella?