Þetta mál má ekki tala um, hvað veldur?

Já samtaka eru þeir, mbl.is, visir.is og dv.is sjá ekki neina ástæðu til að fjalla um þetta mál. Hvað er í gangi, á að láta þetta rúlla í gegn átölulaust? Ég hef áður talað um meðvirkni fjölmiðla, það er kvittað duglega fyrir þau skrif mín með því að sleppa því hreinlega að taka þetta fyrir.

Um hvað skyldi ég svo vera að tala, jú ótrúlegt en satt en þá staðfesti Friðrik J. Arngrímsson Líú forkólfur það sem ég hef margsagt áður í fréttum á Ruv, skuldir sjávarútvegsins er svo tröllvaxnar að vandséð er hvernig þær verða borgaðar ef það er þá nokkurn tímann hægt.

Auðvita er byrjað smátt, 20 til 30 milljarðar er krafan sem Friðrik J. og fylgihjörðin vil láta afskrifa strax, sannið til síðan færir hjörðin sig upp á skaftið og krefst þess að meira verði afskrifað. Við skulum átta okkur á því að Líú með Friðrik J. í farabroddi fylkingar ber ábyrgð á því hvernig komið er, ekki má gleyma þætti litla Líú (landsambandi smábátaeigenda) þeir slógu ekkert af í boðskapnum um hverslags ævintýralegt magn af dauðu fjármagni lægi í þessu kvótasukki.

Halda mætti að Arthur Boga og hans fylgisveinar hafi fengið boðskapinn senda á faxi frá Hannesi Hólmstein svo keimlíkur var boðskapurinn um andvana fjármagn sem algjör nauðsyn var að vekja upp. Skemmst er frá því að segja að uppvakningin tókst svo duglega að í dag liggja menn á hnjánum ofurskuldsettir eftir ævintýrið hágrenjandi um miskunn og niðurfellingu skulda.

Eigum við að vorkenna þessum uppvakningarmeisturum? Ég eftirlæt ykkur lesendur góðir að svara þeirri spurningu en hlustum á hágrenjandi beibí feisið hér. Ég fæ hroll ég þykist vita að þetta sé bara byrjunin á grátklökkum kórstjórnandanum biðjandi um náð sér og sínum til handa eftir eigið drullumall með sameign þjóðarinnar.

Góðar stundir.

Athugasemdir

[Hallgrímur Guðmundsson, 12.12.2008 kl. 00:31]

Og eigum alveg helling af skoðanabræðrum,,, ég á haug af prjónum í öllum stærðum. Ég mæli með girðingarstaurum í þetta verk.... ég á slatta af þeim líka, mig minnir að þeir séu ellefu sem ég notaði ekki í sumar....

[Þórarinn M Friðgeirsson, 12.12.2008 kl. 10:34]

Skyldi Friðrik vera búin að nudda augun með lauk þegar hann mætir í viðtölin hann er alltaf eins og hann sé við það að detta í grát ?? Nei þetta sukk tekur engan enda en væri ekki lag að taka af þeim kvótann VIÐ EIGUM hann og höfum alltaf átt. En ætli það verði ekki eins og annað í þessu bananalýðveldi ? Þeir sem fengu hann gefins á sínum tíma fá að valsa um og veðsetja allt í botn til að leika sér á hlutabréfamarkaðnum eins og dæmin sanna og svo þegar kemur að því að borga þá eigum við að gera það líka. Nei þetta er ekki hægt. Girðingastaurar eru of vægir í þetta "stjaksetning" í hæstu símastaura væri ´nær lagi.

[Sverrir Einarsson, 12.12.2008 kl. 11:07]

Látið ekki svona strákar hann kann leikinn, biður bara um lítið í hvert sinn og segist vera að biðja um smáaura. Hann segir örugglega að margt smátt geri mikið að littlu, ekki að margt smátt geri helling af smáu.

[Hallgrímur Guðmundsson, 12.12.2008 kl. 11:25]

Svona virkar þetta nákvæmlega Sverrir.