Svona sé ég hlutina

mán. 8.12.2008

Mikið óskaplega geturðu talað mikið !!!

Er nema vona að Sigmundur Ernir hafi misst þetta út úr sér í þættinum Mannamál í gærkvöldi sjá hér. Á móti honum sat einn almesti blaðrari sem um getur í Íslandssögunni og hann fipaðist nákvæmlega ekkert við þessa baneitruðu athugasemd þáttastjórnanda.

Össur Skarphéðinsson heitir maðurinn, ekki hefði mér brugðið þótt Össur hefði kafna í miðju viðtali. Ákafinn var svo mikill við það eitt að blaðra og blaðra um ekki neitt að hann nánast gleymdi því mikilvæga atriði að súrefni væri eitthvað sem er okkur bráðnauðsynlegt til að lifa.

Hvernig það er hægt að blaðra stanslaust um lítið sem ekki neitt án þess að draga andann í hálftíma er mér hulin ráðgáta. Össur hefur eitthvað misskilið slæðudrottninguna og samræðupólitíkina sem hún boðaði, mér vitanlega þá átti sú hugmyndafræði ekki að ganga út á eintal eins manns blaðrandi á við heila herdeild.

Össur er einstakur hann blaðraði á við heila herdeild á mettíma, geri aðrir betur. Spurning hvort samfylkingin hafi eitthvað að gera við hin dauðyflin í flokknum Össur fer létt með að blaðra fyrir þau öll á met tíma um ekki neitt. En það er nákvæmlega það sem samfylkingin stendur fyrir, akkúrat ekki neitt.

Góðar stundir.

Flokkur: Stjórnmál og samfélag | Breytt s.d. kl. 22:03 | Facebook

Athugasemdir

Karlinn hljómar alltaf eins og að hann sé í ræðukeppni framhaldsskólana.

Rannveig H, 8.12.2008 kl. 22:12

það ótrúlegt hvað kemst mikið bull fyrir í ekki stærri skrokki.

Víðir Benediktsson, 8.12.2008 kl. 22:35

Ekki gleyma því að Össurri tókst samt að komast hjá því að svara Sigmundi þeirri spurningu sem hann spurði hann um ca hálftíma áður. Það vantar svona mann eins og Vilmund heitinn Gylfason sem spyril. Hann leyfði viðmælandanum að blaðra ef hann svaraði ekki beint strax, en sagði svo baneitrað "þetta var svo sem ágætt en ertu til í að svara spurningunni". Ég er ekki frá því að hann hafi verið rekinn frá sjónvarpinu eftir að hann gerði þetta í tví eða þrígang með Sverri bullukoll Hermannson í viðtali.

Ertu að meina Samfylkingin = AEN eða GEN (gerir ekki neitt)?

Sverrir Einarsson, 8.12.2008 kl. 23:08

Maður verður þreyttur í eyrunum bara við það eitt að horfa á þennan blaðrara. Spáið í því ef Össur væri tveir metrar á hæða ef bullið væri í samræmi við það eins og Víðir greinir þetta...

Sammála Sverrir stundum finnst manni hroðalegt að sjá hvernig menn komast upp með það að svara akkúrat engu og blaðra stjórnlaust um eitthvað allt annað...