Skipstjórar HB Granda á ofskynjunarlyfjum

Hvað annað getur mann dottið í hug, Hafró er búin að kveða upp sinn dóm um þorskinn og það er hinn eini sanni stórisannleikur, allt annað er ábyrgðarlaust blaður. Hafró fann það út að einungis væri til 650 þúsund tonn af þorski á Íslandsmiðum í hárnákvæmu og viðarmiklu togararalli í vor.

Eru menn virkilega enn í þeirri afneitun að rengja þetta hárnákvæma rall sem nær hreinlega yfir 0,14% af hafsvæðinu frá fjörumarki og niður á 500 metra dýpi. Þetta dýpi sem þessi snardópaði skipstjóri HB Granda er að tala um eru 550 til 640 metrar. Sem sagt langt utan við þessa prósentutölu sem áður er nefnd.

Ef heldur sem horfir þá má ljóst vera að dugleg endurskoðun er bráðnauðsynleg á innihaldi lyfjakista um borð í skipum HB Granda. Það gengur ekki upp að menn sem hafa fjölda mannslífa á sinni ábyrgð hafi óheftan aðgang að allskonar ólyfjan sem hefur þá hrikalegu aukaverkan að þeir sjái þorsk um allan sjó sem er ekki einu sinni til og lesi í ofaná lag snarvitlaust út úr dýptarmælunum.

Já nú er bleik brugðið, óhemju góð línu og netaveiði á þorski undanfarin ár er einnig ofskynjun, þannig má ljóst vera að skipstjórnarmenn á Íslenska flotanum eru dóphausar með alvarleg ofskynjunarvandamál sem ekkert er að marka frekar en hauslausa hænu sem tjáir sig með rassgatinu.

Góðar stundir.

Þorskur í ætisleit úti um allt

Athugasemdir

[Sigrún Sæmundsdóttir, 4.12.2008 kl. 12:59]

Það ætti kannski að leyfa þeim hjá Hafró að komast í lyfjakistur hjá HB Granda-togurum. Ég er viss um að þeir fengju að komast í einn túr hjá Eiríki sem messar. Hafró ætti að drífa sig í þessu og ná að senda einn í túr fyrir jól.

[Kjartan Vilbergsson (IP-tala skráð) 4.12.2008 kl. 13:27]

Það er ljóst á þínum athugasemdum að þú veist ekkert hvað er í gangi á sjónum í dag. Ég held að þú ættir að hætta borða þetta sull sem þú ert að selja og borða meiri þorks. Það er greinlegt að þú ert ekki heill heilsu af þessu áti. Það eru öll mið full af þorski enda er enginn í beinni sókn í hann í dag og því er hann komin út um allan sjó og flest öll skip þurfa endalaust að flýja undan honum vegna lítils kvóta. Held að þú ættir að kíkja á sjóin til að sjá hvað er þar í gangi.

[Hafsteinn Viðar Ásgeirsson, 4.12.2008 kl. 13:42]

...ekki í fyrsta skiptið sem þú veldur misskilningi Halli.....

[Jóhann Elíasson, 4.12.2008 kl. 14:15]

Mér sýnist hann Kjartan Vilbergsson þyrfti nú að komast í lyfjakisturnar á skipum HB Granda, þó ekki væri nema til að "skerpa" á lesskilningnum.

[Sigrún Sæmundsdóttir, 4.12.2008 kl. 14:53]

Nú er ég sammála Jóhanni og Hafsteini  .... sumir ættu að lesa vel hvað þú skrifar í bloggið þitt..... þú skrifar þarna það sama og sjómenn eru alltaf verið að tala um að Hafró ætti að skoða betur áður en þeir gefa út yfirlýsingar um stærð fiskistofna í sjónum.

En nú er ég orðin forvitin um "lyfjakistur" hjá þeim HB Granda mönnum.

[Sverrir Einarsson, 4.12.2008 kl. 15:11]

Það þarf ekkert að gefa þeim hjá hafró að borða á kostnað HB Granda, það þarf bara að skifta um lyfjakistu um borð í skipunum þeirra..............samræmdar aðgerðir í þeim efnum.

Já og svo segi ég eins og Kjartann hvað ert þú að vilja uppá dekk Hallgrímur, maður sem "veist bara ekki rassgat" um sjó eða lyf hvað þá þorsk.

Verið svo góðir hver við annann.....líka Kjartann hann þarf þess með.

[Víðir Benediktsson, 4.12.2008 kl. 16:53]

Verið viss. Það finnst fiskur þegar Sjálfsstæðiflokkinn vantar atkvæði. Það hefur áður gerst. Hver man ekki eftir 10.000 tonnunum sem Davíð fann í Nýja Bíói á Akureyri um árið. Halli minn, vertu duglegur að borða fisk.

[Hallgrímur Guðmundsson, 4.12.2008 kl. 17:19]

Góð uppástunga Sigrún.

Ha Ha Kjartan það er eitthvað að gera grín í skilningarvitunum á þér... Sérðu það ekki maður að ég er beinlínis að gera grín að Hafró? Ég legg til að þú gefir mér upp heimilisfangið hjá þér og ég sendi þér smávegins af þessu svokallaða sulli frítt, þér veitir greinilega ekki af smá hressingu....

Ég er ekki viss um að margir hafi verið duglegri en akkúrat ég að benda á hve aðferðarfræði Hafró sé snargeggjuð og byggð svo vægt sé til orða tekið á hæpnum forsendum. Það vil svo skemmtilega til að þótt ég sé ekki að róa akkúrat núna þá veit ég nokkuð vel hvað er í gangi. Dragðu andann rólega félagi áður en þú hættir þér út í eitthvað sem þú ert ekki alveg með á hreinu....

Þetta er svo gaman Hafsteinn.... Ég hef þá bjargföstu trú að Kjartan áttar sig fljótlega....

Heldur þú að það dugi Jói?

Sigrún ég veit nákvæmlega hvað er í gangi á miðunum þótt sumir haldi annað.... Þetta lyfjadæmi er nett grín enda engin saga góð nema hún sé skreytt pínulítið...

Segðu Sverrir hvað er ég að ropa um þetta, nokkur ár á sjó og þykist alvitur, svei mér þvílík ósvífni... Góðmennskan skín úr hverju orði enda bauð ég Kjartani náttúrulegt lyf við sínum vanda....

Akkúrat Víðir svona virkar þetta... Ég passa það félagi fiskur á minn disk minnst 5 sinnum í viku....

[Sigrún Sæmundsdóttir, 4.12.2008 kl. 21:45]

Ég efast ekki um það, þú veist örugglega hvað þú ert að tala um....og satt er það, það þarf að vera smá krydd út á góðar sögur....og þetta með að skoða í "kisturnar",  á ég örugglega eftir að gera.

[Karl Jóhann Guðmundsson (IP-tala skráð) 5.12.2008 kl. 00:29]

Hvað segirðu Halli, eru þetta tómir tréhestar hjá Hafró?

Þeir fara vonandi að fatta það að blessaður þorskurinn er með sporð og ferðast um hafið.

Það er ansi stórt upp í sig tekið að halda því fram að fræðingarnir hjá Hafró viti lítið um líffræðina í hafinu en miðað við margt sem þeir láta frá sér fara er ekkert skrítið að fólk álíti svo.

[Hallgrímur Guðmundsson, 5.12.2008 kl. 00:39]

Já...

Nei það er lítil von til þess...

Ég nenni ekki að vera í einhverjum smátittlinga skít, um að gera að hafa það duglegt ef maður á annað borð er að rífa kjaft... Annars var ég ekki aldrei þessu vant að hreyta beint í Hafró þessi færsla var eiginlega bakdyramegin en að sjálfsögðu meint til þeirra þó svo Kjartan hafi haldið annað. Hann er örugglega búinn að átta sig núna...