Lýðræðisleg vinnubrögð í Frjálslynda flokknum

eru eitthvað sem menn þar á bæ hafa kastað fyrir borð og einræðið tekið upp. Menn hvar sem þeir standa í pólitík eiga að sjálfsögðu að fylgja sinni samfæringu og vinna samkvæmt því. Að taka Kristinn H. Gunnarsson út af mælendaskrá flokksins út af því að hann hafði aðra skoðun en formaðurinn og flokksfélagar hans segir okkur það að lýðræðislegur réttur manna sem starfa í flokknum til að hafa sjálfstæðar skoðanir er ekki virtur.

Er Guðjón farinn að sveigja allar lýðræðislegar reglur og sjálfsagðan rétt manna til að tjá sig um sína samfæringu og fylgja henni eftir? Þetta er svona álíka brjálæðislegt og að Guðjón tæki upp á því einn með sjálfum sér að beygja alltaf í bak þegar víkja á fyrir öðru skipi í slæmu skyggni, það vita það allir skipstjórnarmenntaðir menn hvernig það endar, það endar oftast með stórtjóni og í verstu tilfellum skips og mannskaða.

Það er einmitt það sem gerst hefur með lýðræðisleg vinnubrögð Frjálslynda flokksins, þau hafa beðið stórskaða og ekkert nema algjör uppstokkun á forustu flokksins getur lagað það sem er búið að eyðileggja og það duglega. Stórkostulegur flótti fólks frá flokknum verður ekki stöðvað með óbreyttum vinnubrögðum forustunnar, það hljóta flestir að vera búnir að gera sér grein fyrir því.

Svo ég tala beint frá mínu hjarta þá er ég algjörlega búinn að fá nóg af þessu ævintýri sem er í gangi og þessu eylífu átökum manna á milli í flokknum. Það eru bara fjórir einstaklingar starfandi í þinginu fyrir flokkinn og enginn þeirra virðist hafa þroska eða vilja til að umgangast hvorn annan á þann hátt að teljast megi lámarks kurteisi og virðing.

Ég hafði hugsað mér það að hanga í flokknum fram að landsþingi og sjá hvernig og hvort flokkurinn hafi yfir höfuð samfélagslegan þroska til að teljast trúverðugt stjórnmálaafl, þar sem fólk getur unnið í sátt og samlindi með flokksfélögum sínum og þannig að talist getur eftirsóknarvert og ákveðið stolt að leggja lag sitt við flokkinn. Í dag er ég farinn að stórefast um að vilji sé til að minni hálfu fyrir því að tengjast flokknum á nokkur hátt.

Góðar stundir.

Afstaða Kristins tekin fyrir

Athugasemdir

[Sigurjón Þórðarson, 26.11.2008 kl. 16:21]

Mér sýnist sem að Kristinn H hafi  gengið þvert gegn stefnu flokksins hvað varðar flest mál s.s. vaxtamál, verðtrygginguna og nú lýst yfir stuðningi við áframhaldandi setu ríkisstjórnarinnar.

Það sem er einna verst að mínu mati er að Kristin hefur ekki stutt breytingar á kvótakerfinu og sjaldan beitt sér gegn núverandi óréttlæti í sjávarútvegi.

Ef að það hefði verið ófrávíkjanleg sannfæring þingmannsins að ekki væri rétt að boða til kosninga og að hann hefði það að leiðarljósi að vinna Frjálslynda flokknum gagn, þá hefði hann ekki tekið þátt í atkvæðagreiðslunni eða þá setið hjá. Hann hefði a.m.k. vel getað líst yfir skilningi á kröfunni um vantraust á stjórnina, þar sem að ríkisstjórnin hefði staðið sig illa en samt rökstutt það með sínum skýringum að nú væri ekki rétti tíminn fyrir kosingar.  - Ekkert af þessu gerði KHG.  

Ég tel að þessi atkvæðagreiðsla endurspegli fyrst og fremst persónulega óánægju KHG yfir því að fá ekki að vera lengur þingflokksformaður.

kveðja

Sigurjón Þórðarson 

[Víðir Benediktsson, 26.11.2008 kl. 19:48]

það er bara sorglegt hvernig er komið fyrir þessum flokki. Hann átti sannarlega erindi í samfélagið. Það er ekki hægt að kenna Kristni einum um. Vandræðin voru byrjuð löngu áður en hann kom til sögunnar. En menn verða að horfast í augu við það að ákveðnum mönnum hefur verið hleypt allt of langt í mjög vafasamri umræðu. Það er mín skoðun að þessir einstaklingar hafi eyðilagt flokkinn. Meðan þessir menn sitja sem fastast er útilokað að ég geti stutt þennan flokk þó svo ég sé mjög sammála mörgu sem hann hefur fram að  færa. Ef flokkurinn á að lifa verður Addi að taka af skarið og taka til í kringum sig.

[Hallgrímur Guðmundsson, 26.11.2008 kl. 20:13]

Ekki ætla ég að verja neinn sama hvaða nafni hann heitir eða í hvaða flokki hann er. Ég er fyrst og fremst að tala um lýðræðislegan rétt manna til að tjá sig og sínar skoðanir óháð því hvað öðrum finnst og hvað telst stjórnmálaflokkum þóknanlegt.

Það væri ljóta helvítis ástandið í þjóðfélaginu ef allir væru á sömu línu og allir sammála öllum. Það segir sig sjálft hvernig samfélag við hefðum þá. Það má gagnrýna alla Kristinn H. er einn af þeim og hefur mér sýnst menn ekkert slá af í þeim efnum.

Eru í alvörunni allir sammála öllu í sínum flokkum? Ég stórefast um það, eini munurinn er sá að í öðrum flokkum leysa menn málin öðruvísi. Hvort Kristinn H. hafi fylgt stefnu flokksins eða ekki er eitt, menn máttu vita það að Kristinn H. yrði alltaf umdeildur þannig að þeir sem tóku þá ákvörðun að troða honum í front flokksins í NV kjördæmi ættu að skoða sín eigin verk.

Hvað vill Frjálslynd flokkurinn í alvörunni að gert verði gagnvart kvótakerfinu? Leggja kvótakerfið af, ég stórefast um það eins og ég hef áður sagt, þar eiga sumir hagsmuna að gæta og hefur verið gengið svo langt að boða afslátt á mannréttindum, hvað segir það okkur?

Ég er þeirra skoðunnar að það þarf að eiga sér stað uppstokkun eins og Víðir segir réttilega. Ég hef stutt flokkinn út af stefnu hans í sjávarútvegsmálum fyrst og fremst og auðvitað vonar maður að hægt verði að laga það sem aflaga hefur farið, en verður það gert með núverandi forustu?

[Rannveig H, 26.11.2008 kl. 20:48]

Sammála 1,2 ,3 ræðumanni.