Það er fásinna að halda því fram

að stunda sé brottkast hjá útgerðum sem skráðar eru í samtök Líú. Það sér það hvert mannsbarn að þetta getur ekki staðist. Friðrik J. Arngrímsson talsmaður Líú og flokksfélagi hans, æi þið vitið alveg hvern ég er að tala um, þennan sem setti Bolungarvík nánast á hausinn á sínum tíma halda því fram að það séu bara kvótalausir trillukarlar sem stunda brottkast.

Brottkast í besta og fullkomnasta fiskveiðistjórnunarkerfi í heimi, er fólk ekki með öllu mjalla það getur bara alls ekki staðist. Spyrjið bara Friðrik J, gjaldþrota bolvíkinginn og Gestapó foringjann á Fiskistofu. Vitið til svörin verða eitthvað á þá leið að trillukarlarnir séu stórhættulegir og einu ábyrgu aðilarnir í sjávarútvegi eru félagsmenn LÍÚ, ef þeir þá á annað borð svara þessir andsk..... hrokagikkir.

Góðar stundir.

Nýta mætti verðmætin mun betur

Athugasemdir

[Hallgrímur Guðmundsson, 10.11.2008 kl. 12:39]

Það er eins gott Jón að þetta hafi bara verið draumur, þeir einstaklingar sem viðurkennt hafa brottkast hafa verið hengdir upp á löppunum og steiktir fjárhagslega fyrir lífstíð. Það er aðferðarfræðin sem notuð er til að halda hjörðinni meðvirkri og steinþegjandi. Djöfulsins viðbjóður og þetta bara versnar.

[Hafsteinn Viðar Ásgeirsson, 10.11.2008 kl. 13:30]

Já ætli það væri nú ekki hendi nær, að byrja að koma með allt sem veiðist að landi, áður en menn fara að frysta hausana af kvikindunum.

Nema að menn hausi draslið áður en því er hent? Það mundi virka eins og þar sem ég þekkti til og var verið að fiska við höfðann og upp kom af og til stórþorskur, sem að jálfsögðu fúr út aftur. Nema hvað kokkurinn tók sig til og fór að gella hann áður en hann fór útfyrir, honum tókst að ljúga því að einum á dekkinu að þetta gerði þorskinum ekkert, hann lifði allur og á hann yxi önnur gella.... Sá sem meðtók spekina er á alþingi núna, kannski trúir hann þessu enn....?

[Víðir Benediktsson, 10.11.2008 kl. 18:23]

Mér dettur strax í hug 63 sem koma til greina.