Af hverju skrifa ég um þetta?

Ástæðan er einföld, það vantar alla gagnrýni, fjölmiðlarnir eru handónýtir og meðvirknin er algjör. Á sama tíma og verðmæti afla eykst um tvo milljarða þá aukast skuldirnar um 76 milljarða á sama tíma. Í frétt á visir.is er einnig úttekt á þessari aukningu á aflaverðmæti en skuldasöfnunin er algjörlega látin afskiptalaus. Hver er ástæðan fyrir því? Meðvirkni fjölmiðla, það er mín skoðun.

Skoðum málið, helstu boðberar hagkvæmni, arðsemi og sjálfbærni sjávarútvegsins eru Friðrik J. Arngrímsson maðurinn sem er yfir mannréttindanefnd Líú og Arnar Sigmundsson sem er yfir hinum helmingi dáseminnar, fiskvinnslustöðvaeigendum. Félagarnir tveir sitja svo í sjávarútvegsnefnd íhaldsins á landsþingum frjálshyggjunnar, sem eins og margir finna á eigin skinni hefur siglt í strand og þjóðin varð fyrir stórslysi í þessu skipsbroti.

Friðrik J. er einstakt eintak af mannveru og hans túlkun á mannréttindum mætti líkja skuggalegustu Afríkuhöfðingja fortíðarinnar. Mannréttindi Friðriks ganga í stuttu máli út á að hann og hans samtök brölta yfir allt og alla á kostnað samfélagsins, þrælastefna Líú er að þeirra mati það eina rétta og stefnunni skal fylgt og kostnaður samfélagsins er algjört aukaatriði.

Friðrik J. er að venju samur við sig þegar hann opnar á sér talandann í fjölmiðlum, dásemdin er blásin upp í efstu hæðir og að venju fær hann aldrei á sig gagnrýna spurningu. Boðskapinn má lesa hér og viðbrögð hans við öðrum tillögum. Ekki sló hann slöku við í viðtali á Bylgjunni fyrir örfáum dögum  og þarna opinberaði Friðrik J. enn og aftur hrokann sem fylgt hefur þessari stefnu sem hann er talsmaður fyrir. Hlustið á þetta viðtal til enda.

Hér má svo sjá hvernig boðskapur Arnars Sigmundssonar kom síðuritara fyrir sjónir. Þegar farið er í gegnum þessa færslu sem ég vitna í má sjá þetta á augljósan hátt.

Góðar stundir.

Aflaverðmæti skipa eykst

Athugasemdir

[Atli Hermannsson., 17.10.2008 kl. 11:15]

Það á ekki að láta slag standa við uppstokkun á fjarmálakerfinu. Ef eitthvað ætti að stokka upp er það fiskveiðikerfið um leið og hreinsað yrði út í Hafró. Þar á bæ er alltaf reiknað með 10% ávöxtun sem fæst við það eitt að lofa fisk að lifa eitt ár í viðbót.. að veiða hann á næsta ári. Sú ávöxtun hefur aldrei gengið eftir á þeim 25 árum sem sú tilraun hefur staðið yfir og er því löngu gjaldþrota.Tilraun Seðlabankans með flotgengi og verðbólgumarkmiðið hefur bara staðið síðan 2001.

Nú er komið að því að afhausa og aflúsa stjórnsýsluna eins og hún leggur sig.  

[Hallgrímur Guðmundsson, 17.10.2008 kl. 11:33]

Það er löngu tímabært að þjóðinni verði skilað aftur því sem rænt var af henni og já ég er sammála því að algjör uppstokkun verður að eiga sér stað. Bæði hjá Hafró og stjórnsýslunni, vanhæfa stjórnmálamenn er ódýrara að ala með smávægilegum ölmusum frá samfélaginu frekar en hafa þá á ríkulegum launum við að stórskaða samfélagið með arfavitlausum aðgerðum og hugsunarhætti.

[Tryggvi Helgason, 17.10.2008 kl. 22:13]

Nú eru menn 20 árum "seinna" frá upphafi sjálfbærninnar í sjávarútvegi, og mikilla takmarkana á veiðum, - meðal annars með því að svifta smábátasjómenn sínu atvinnufrelsi, en gefa fáum útvöldum leyfi til þess að veiða fisk, - það er, með þessum svokölluðu kvótalögum frá Aþingi.

Maður skyldi ætla, að með þessum sífelldu sparnaðartillögum sem felast í sífelldum niðurskurði á heildarafla, - að 20 ára þorskarnir sem búið er ala allan þennan tíma, (til þess að veiða seinna, þegar þeir eru orðnir "stórir"), - að þessir stríðöldu 20 ára þorskar ættu að vera orðnir um 500 kíló að þyngd.

Þessir sömu þorskar eru sjálfsagt að verða leiðir á því að bíða eftir því að verða veiddir, eftir að halda sig á sama stað í tvo áratugi.

Er ekki rétti tíminn, einmitt núna, að Alþingi losi handjárnin af islenska smábátasjómanninum, - og gefi honum aftur sinn guðs-gefna rétt til fiskiveiða,- og gefa honum þar með möguleika til þess að veiða eitthvað af þessum "sparnaðarfiski", - og jafnframt gefa sjávarplássunum tækifæri til þess að leggja sitt af mörkum, til þess að rétta við fjárhagshallann á þjóðarskútunni ?