Er þetta bara rétt að byrja?

Hvernig verður þetta? Svona til að byrja með þá koma hrægammarnir og kynna sig fyrir ímyndaða siða og kurteisisakir. Næsta skref er síðan að setja upp einhverskonar kosti og að lokum er draslið tekið upp í skuld og málið dautt.

Næst á dagskrá verður síðan sjávarútvegurinn, ég er ekkert svo viss um að þar komi endilega einhver kurteisikynning til áður en kostirnir verða settir upp. Það verður síðan niðurstaðan að draslið verður hirt upp í skuldir og þar er sko af nógu að taka. Nú skulum við bara rétt vona að þessi færsla sé algjörlega úti á túni.

Góðar stundir.

Fjárfestingarsjóður vill yfirtaka rekstur virkjana

Athugasemdir

[Anna Ólafsdóttir Björnsson, 15.10.2008 kl. 23:32]

Þetta hljómar frekar skelfilega.

[Guðmundur Ásgeirsson, 16.10.2008 kl. 11:36]

 "Nú skulum við bara rétt vona að þessi færsla sé algjörlega úti á túni."

Þú ert vonandi ekki að leggja til að við gerum eins og Geir H. Haarde og stingum bara hausnum í sandinn? Og plís, ekki meira af þessu Nýja kjaftæði og Nýja hitt áður en við sitjum uppi með Nýja Fasismann fyrir fult og allt. Það er kominn tími til að hætta þessari bévítans afneitun og heilaþvotti áður en íslenska orðabókin verður orðin að 50 blaðsíðna "Nýmáls" bæklingi. Þetta er umfram allt spurning um opinskátt hugarfar!

[Hallgrímur Guðmundsson, 16.10.2008 kl. 13:19]

Sæl Anna, já þetta hljómar ekki neitt sérstaklega vel en gæti samt orðið að hræðilegum veruleika.

Guðmundur ég er ekki að leggja til nokkurn skapaðan hlut, ég bendi einfaldlega á að aðgerðarleysið er orðið svakalega dýrt og gæti orðið enn verra ef menn fara ekki að vakna.

Góðærið og stöðugleikinn var eins og sumir orða það, allt í plati og heilaþvotturinn í algleymi, samlíking á heilaþvottinum er hér, horfðu á þetta til enda.