Hvað verður úr þessari lægð?

Nú ætla ég ekkert að gera lítið úr mætti fellibylja en ég velti því samt fyrir mér hvað verður úr þessum Ike. Sunnan 7 og skúrir, hver veit, ekki ég það eitt er víst? Fyrir skemmstu fór allt á annan endann í USA og fólki var hótað með vopnavaldi og það skyldi skotið eins og hundar á færi hlýddi það ekki yfirvöldum.

Ástæðan var einföld, hitabeltislægð á leiðinni sem hugsanlega yrði svona eða hinsegin fellibylur og fékk sæmdarheitið Hanna. Ekkert vantaði upp á hamfaraspár og frásagnargleði vitringanna. Fram fóru einhverjir þeir mestu hópflutningar á Hómó Sapiens frá upphafi og allt skilið eftir í drasli. Sem að sjálfsögðu fauk svo til andskotans þegar lægðin náði á endanum landi.

Eitthvað vantaði talsvert upp á vindstyrkinn sem spáð var og það blés hressilega úr Suðri með mis miklum skúrum. Er það bara ég, eða er farið að ala á ótta almennings við hressilegri golu? Þó það sé gott að hafa vaðið fyrir neðan sig (ef það væri fyrir ofan þá væri maður á hvolfi) þá má öllu ofgera. Er þetta ekki einfaldlega spurningin að byggja sér kofa eftir þeim aðstæðum sem eru í boði?

Góðar stundir.

Ike eflist á Karíbahafi

Athugasemdir

[Doddi - Þorsteinn G. Jónsson (IP-tala skráð) 7.9.2008 kl. 09:22]

Eftir fíaskóið varðandi Katrínu hér um árið (2005), þá vilja yfirvöld í USA "vera viðbúin" ... en öllu má eflaust ofgera. Hvað mun K-hitabeltislægðin heita núna? Hanna ... Ike ... Jonsson og KR?

[haraldurhar, 7.9.2008 kl. 10:43]

    Sæll Hallgrímur.  Nær viss um að þér myndi ekki koma til hugar að róa út í þessa lægð, eða golukalda heldur jafnvel detta í hug að færa bát þinn í öruggt skjól jafnvel upp á land.  Góð vefsíða til að fylgast með styrk og væntanlegum ferli djúpralægða og fellibyla heitir Stormpulse.com/.   Núna kl. 9. var loftþrýstingur í lægðarm. 948 mb. og vindstyrkur 135 mph.   Sumir sjómenn á Íslandi kalla svona veður fárviðri, en ekki golu

[Hallgrímur Guðmundsson, 7.9.2008 kl. 12:16]

Auðvitað er gott að vera við öll búinn, ég er ekki að meina eitthvað annað. Það sem ég er að tala um er fyrst og fremst það að um leið og myndast hitabeltislægð þá fer allt á annan endann og hamfaraspárnar rigna yfir almenning.

Það er stór munur á fárviðri eða hamfaraveðrum miða við tæknina skildi maður ætla að hægt væri að sjá hver þróunin verður á þessum fyrirbrygðum. eitthvað hljóta menn að hafa lært í gegnum tíðina af þeim veðrum sem komið hafa.

Eða er þetta í rauninni svo að tæknin og vísindin ráða ekkert við þetta og allir eru að læra af hverri einustu lægð sem verður til.

Þeir eru ekki í neinum vafa vísindaheilarnir á Hafró með sín fræði og spár en ég hef oft líkt þessu tvennu saman þegar talað er um áræðaleika í spám. Hvorugt stenst þannig að samlíkingin a fullan rétt á sér.

Spurning að gefa fellibyljastofnun eða hvað þetta apparat heitir í USA þessa alvitringana á Hafró þá verður kannski eitthvað vit í þessu, þeir í það minnsta alhæfa áræðaleikann í sínum spám.

Þetta minnir mig óneitanlega á Veðurstofu Íslands, eftir að þeir fengu hroðalegar ádeilur á sig hér um árið eftir eitt af mörgum floppum með veðurspár þá var einfaldlega alltaf spáð stormi, bara svona til öryggis