Glæsilegt eða er einhver reisn yfir þessu???

Frétt á visir.is

Þúsund tonn á þessu kvótaári

 

"Netabáturinn Bárður SH frá Arnarstapa, sem er svonefndur hraðfiskibátur í stærri kantinum, hefur borið rúmlega þúsund tonn að landi á þessu kvótaári, sem er að ljúka. Aðeins þrír menn eru í áhöfn þannig að það lætur nærri að afli á hvern áhafnarmeðlim sé 350 tonn á tímabilinu. Vísi er ekki kunnugt um meiri bolfiskafla á sjómann hingað til og segja kunnugir að þetta kunni að vera heimsmet"

Sannarlega er þetta glæsilegt hjá strákunum á Bárð en ekki er allt gull sem glóir. Bárður SH fékk úthlutað 262 tonn af þorski á þessu kvótaári. Þessi mikli afli sem strákarnir á Bárð hafa landað er að langmestu leiti þorskur sem leiðir hugann að öðru heimsmeti.

Það segir sjálft að leigt hefur verið óhemjumagn af þorski á þessu fiskveiðiári á Bárð SH sem gerir þeim kleyft að veiða þetta magn, þá er það einsýnt að ef um heimsmet er að ræða í aflamagni á sjómann er að ræða, þá hafa þeir einnig sett glæsilegt heimsmet í þrælkun, LEIGUÞRÆLKUN. 

Er það heimsmet sem allir eru stoltir af og ástæða þykir til að birta fréttir af í öllum fjölmiðlum? Er ekki frekar ástæða fyrir fjölmiðla að ræða þrælkunarhald, ofbeldi og mannréttindabrot sem Íslenskir sjómenn er beittir? Það væri meiri sómi af því frekar en svona algjör meðvirkni með hroðalegasta fiskveiðistjórnunarkerfi í heimi.

Góðar stundir.

Athugasemdir

[Jóhann Elíasson, 11.8.2008 kl. 13:09]

Gísli Freyr Valdórsson segir, að "besta fiskveiðistjórnunarkerfi í heimi" bjóði upp á svo mikla möguleika til hagræðingar í greininni, að þar af leiðandi sé hún (sjávarútvegurinn) rekinn á "hagkvæman" hátt.  Ef hagræðingin felst í þessu, þá hefur hann einhverjar aðrar hugmyndir um hagkvæmni en t.d. ég.

[Hallgrímur Guðmundsson, 11.8.2008 kl. 13:56]

Sæll Jói, Gísli Freyr lifir í afneitun og verður seint ef þá nokkurn tímann bjargað, Það er öllum ljóst sem lesa skrif hans um sjávarútveginn.