Auðvitað er þetta bara útaf öfund, kjaftæði og

málflutningur án þess að vita nokkur skapaðan hlut í sinn haus um ofurundrin (Íslenska fjármálasnillinga) Í það minnsta ef hlustað er á ofurstórstjörnu bankastjórana og aðra snillinga þeim tengdum, þá eru það þeir sem hafa litla sem enga trú á þeim uppfullir af öfund og vanþekkingu á því hvernig hlutirnir virka raunverulega í fjármálaheiminum.

Já á Íslandi erum við með hæfustu mennina og þeir vita nákvæmlega hvað þeir syngja og hvernig best er að gera hlutina hér, líka í útlöndum. 

Þeir vita líka nákvæmlega hvernig best er að níðast á almenningi í þessu stórbrotna undralandi fjármálanna.

Þessi afburðarsnilld er skilgreind hér á frábæran hátt, greiningardeildirnar sem meta lánshæfi bankanna hafa greinilega ekki lesið þetta.

Það skildi þó aldrei vera að eitthvað væri farið að spyrjast út hvernig raunveruleg staða sjávarútvegsins er, einnig upplýsingar um alla kvótavöndlana sem þarf að afskrifa á komandi misserum?

Nú einnig gæti verið að upplýsingar hafi borist um það hvernig ástandið er almennt í þjóðfélaginu, það þarf ekkert að tíunda það hér, það er flestum fullkunnugt um það, ein undantekning er þó á því. Ríkisstjórnin virðist ekki hafa hugmynd um hvernig ástandið er og staðfestir það með aðgerðarleysi sínu.

En eru hlutirnir ekki bara nákvæmlega svona í undralandinu bláa?

Góðar stundir.

Álag bankanna hækkar enn

Athugasemdir

[tatum, 5.8.2008 kl. 17:32]

Löglegt en siðlaust!  Orð Vilmundar Gylfasonar heitins, eiga enn fullan rétt á sér í íslensku þjóðfélagi!!!