Hafið gefur og hafið tekur

Það er ekkert nýtt undir sólinni í þessum efnum, hafið gefur og hafið tekur, einfalt ekki satt? En hvað er raunverulega að? Það skyldi þó ekki vera að eina vandamálið hér sé foráttuheimska þeirra sem í þessu lenda og handónýtir leiðsögumenn ef þeir missa sína hópa í svona dellu?

Ekki ætla ég endilega að dæma um það, en ljóst mætti það vera hverjum hálfhugsandi að náttúruöflin eru eitthvað sem við ráðum ekki við. Til þess erum við einfaldlega of lítil peð í öllu samspilinu þótt margir vilja halda öðru fram.

Góðar stundir.

Reynisfjöru mögulega lokað

Athugasemdir

[Jóhann Elíasson, 25.7.2008 kl. 01:10]

Hvenær ætlar mönnum að lærast að bera virðingu fyrir náttúruöflunum og gera sér grein fyrir því að maðurinn er ekki "æðsta"valdið?

[Víðir Benediktsson, 25.7.2008 kl. 06:39]

Það bara verður að setja upp stór aðvörunarmerki hringinn í kringum landið þar sem stendur. HAFIÐ ER BLAUTT  Á svona tíu tungumálum. Óþolandi fyrir ferðamenn að hafa ekki svona leiðbeiningar og koma sí og æ blautir í fæturna dag eftir dag. Ef ég væri ferðamaður og myndi vaða í ógáti á haf út færi ég umsvifalaust í skaðabótamál við sjávarútvegsráðuneytið.