Allir út að hjóla

spörum olíu og bensín, Það eru efnahagsaðgerðir ríkisstjórnarinnar. Eigum við að klappa fyrir forsætisráðherra eða hringja á læknir fyrir hann? Halda mætti að karlinn hafi verið erlendis undanfarin ár.

Hvernig væri að veiðar á þorski yrðu auknar, mannréttindabrot stjórnvalda á sjómönnum afnumin og smábátunum leyft að veiða frjálst á handfæri? Það myndi blása lífi í hagkerfið strax og ein sú besta aðgerð gagnvart landsbyggðinni sem tekin væri.

Forsætisráðherra bjartsýnn

Athugasemdir

[Sigurjón Þórðarson, 18.6.2008 kl. 11:10]

Geir ætti að hugleiða í tilefni ræðunnar, "Hvað höfðingjarnir hafast að hinir halda þeim leyfist það". 

[Víðir Benediktsson, 18.6.2008 kl. 22:24]

Ætli það taki ekki bílinn minn mannsaldur að eyða því sem einkaþota Geirs fór með á NATO fundinn. Hvernig var aftur sagan um flísina og bjálkann?

[Hafsteinn Viðar Ásgeirsson, 19.6.2008 kl. 07:58]

Honum er nú ekki orðið sjálfrátt drengnum og allt hans vafstur og blaður fer nú að verða komið fram yfir síðasta söludag, held ég.

[Jóhann Elíasson, 19.6.2008 kl. 08:28]

Man nokkur eftir áramótaskaupinu 1984?  En þar var keppni í því að "herða sultarólina" hjá almenningi, þessi ræða Forsætisráðherra minnti mig á það.