Hvernig flokkur er Samfylkingin?

Svarið við þessari spurningu er síðuritara alvarlegt umhugsunarefni. Mér dettur einna helst í hug að Samfylkingin sé flokkur sem skipaður er hópi sem einna helst megi líkja við skítlegar Hænur og Vindhana sem apar allt upp eftir hverjum mannréttindaníðingnum á fætur öðrum í samstarfsflokki sínum. Nú bregður svo við að síðuritara dettur ýmislegt annað í hug en orðatiltækið og nafngiftina stjórnmálaflokkar þegar talað er um Samfylkinguna og Sjálfstæðisflokkinn.

Grétar Mar komst frábærlega að orði á alþingi í gær þegar hann nefndi herlegheitin. Pólitískar druslur og skítlega mannréttindaníðinga. Ég held ég láti duga í bili þessi góðu lýsingarorð Grétars þó mig blóðlangi til að nota smá sýnishorn að mínu annars frábæra tungumáli. Það er aldeilis óvíst að margur sem kæmi til með að lesa þær lýsinga létu það ógert að kvarta til umsjónarmanna bloggsins og krefjast þess að síðunni yrði lokað. En auðvitað gera það bara þeir einir sem eru fylgjandi þessum skítlegu mannréttindaníðingsöflum.

Þau orð sem sögð voru á alþingi í gær af stjórnarliðum um það hvernig bregðast ætti við og svara áliti mannréttindanefndar Sameinuðu Þjóðanna sjá hér, dæma það best hverslags druslur fara með stjórn og á að kallast ríkisstjórn. Vanvirðingin gagnvart alþingi og lýðræðislegum vinnubrögðum er algjör, mannfyrirlitningin og virðingin fyrir mannréttindum á Íslandi er ekkert síðri.

Íslensk stjórnvöld hafa skipað sér á stall með stjórnvöldum eins og til dæmis herforingjastjórninni sem sat í Chile á sínum tíma. Sorgleg staðreynd sem ég er langt því frá sáttur við og ég leyfi mér að halda því fram að svo eigi við um ansi marga þegna þessa lands. Fólkið á landsbyggðinni sem nú situr frammi fyrir því að hafa enga atvinnu og þá sorglegu staðreynd að vera við það að missa allt sitt, hlýtur að vera farið að hugsa sinn gang gagnvart þessari ógnarstjórn sem hefur tekið sér það vald að virða rétt fólksins að engu.

Góðar stundir. 

Athugasemdir

[Víðir Benediktsson, 30.5.2008 kl. 22:59]

Ertu í vondu skapi gamli? Þú hressist þegar Chel$ky kaupir Torres. Hvernig flokkur er Samfylkingin???? Einfalt svar. Samfylkingin er ekki flokkur. Samfylkingin er جيش بدون رأس للأحمقون Svo mörg eru þau orð

[Hallgrímur Guðmundsson, 30.5.2008 kl. 23:11]

Nei félagi ég er bara helvíti góður núna....  Það er að verða tímabært að fara að kalla liði réttum nöfnum, eða er það ekki???? Hvað segirðu nú, er helvítis Rússakvikindið að bera víurnar í Torres???  Ég er alveg slakur, Torres þolir ekki bláan lit, rautt er hans uppáhald eins og eiganda þessara síðu...