Þunnur er þrettándinn í

mótvægisaðgerðunum. Heilar 200 millur fyrir tvö ár. 100 millur á ári, og nú blessar ríkisstjórnin frábær störf sín í eldhúsdagsumræðum á Alþingi. Boðskapurinn er einfaldur, það er allt einhverjum öðrum að kenna, Kaninn er ábyrgur fyrir því að enginn aur var til hvorki í ríkissjóð eða seðlabankanum eftir frábær ár velmegunar og uppgangs að þeirra eigin sögn, almenningur varð eitthvað lítið var við góðærið. Síðan eru það einhverjir bananalýðveldis fábjánar sem létu sér detta það til hugar að kvótakerfið væri ruslahaugamatur.

Heimsmarkaðurinn er ábyrgur fyrir því að Íslenskir fjárglæframenn ætluðu sér að valtra yfir heimsbyggðina með yfirgang og frekju, sveiflandi verðlausum pappír í andlit hinna furðulostna hálfvita  erlendis sem engan skilning hafa á fjármálum og mistókst BIG TIME. Ríkisstjórninni finnst það afreka af sinni hendi að fá það uppáskrifað að mega auðmjúklega taka lán fyrir glæfrastefnunni sem mistókst svo vægt sé til orða tekið GERSAMLEG.  

Það er hægt að taka undir orð forsætisráðherra, það er ekkert grín að vera yfirsvín í svínslega aumri ríkisstjórn á víðsjárverðum tímum þegar umheimurinn er svona skelfilega vondur við litla Ísland. 

Góðar stundir. 

Byggðastofnun veitir styrki

Athugasemdir

[Jóhann Elíasson, 28.5.2008 kl. 13:25]

Óskaplega fannst mér nú þessar eldhúsdagsumræður nú vera "þunnur þrettándi".  Þó ég viti að Framsókn eigi nú ekki upp á pallborðið á þessu bloggi eða mörgum öðrum, verð ég að segja að ræða Guðna Ágústssonar fannst mér vera áberandi best og það kom líka í ljós hjá stjórnarliðum að ýmislegt í þeirri ræðu hitti stjórnina nokkuð illilega fyrir.  Þegar Geir Haarde fór að gorta sig af því að ríkisstjórnin væri búin eða það væri í vinnslu að uppfylla 80% af stjórnarsáttmálanum, svaraði Guðni því til að allir vissu að ekki væri hægt að uppfylla 80% af stjórnarsáttmálanum á einu ári.  Ekki er ég nú Framsóknarmaður en þetta er eina ræðan sem mér fannst standa upp úr í þessum eldhúsdagsumræðum.  Eitthvað vefst nú fyrir ríkisstjórninni að svara áliti Mannréttindanefndarinnar.

[Jóhann Kristjánsson, 29.5.2008 kl. 00:11]

Ríkisstjórnin virðist alltaf reyna að þvo hendur sínar af vandamálunum og kenna öðrum um.. t,d með því að væla um að staðan á heimsmarkaðsverði sé óhagstæð og gengi krónunnar sé svo veikt og blablabla....

NOTA BENE... það er ríkisstjórnin sem á að gæta þess að málin séu í sæmilegu standi hér þó svo aðstæður úti í heimi séu slæmar 

Þessi ríkisstjórn er pappakassaríkisstjórn