Niðurstöður efnahagsreiknings sjávarútvegsfyrirtækja

í árslok 2006 sýnir að staðan í dag er svakaleg. Förum yfir þetta. Heildareignir í árslok 2006 voru 387 milljarðar króna, heildarskuldir 290 milljarðar og eigið fé því 97 milljarðar. Þetta kemur fram í nýju hefti Hagstofu Íslands, Sjávarútvegur. Heildarskuldir í lok ársins 2005 voru 354 milljarðar og höfði því aukist um 33 milljarða milli ára.

Ekki kom til nein aukning á veiðiheimildum sem brúuðu þetta bil, eina aukningin sem átti sér stað voru bókfærðar og upplogin verð á aflaheimildum, við þekkjum stöðuna í dag, eða er það ekki?  Klikka má myndina og fá stærri mynd.

Á árinu 2007 voru skuldir sjávarútvegsins komnar á fjórða hundrað milljarða. Í lok árs 2007 var uppreiknað raunvirði og eignir sjávarútvegsins í aflaheimildum og eru þær um það bil 112 milljarðar sjá í þessu    skjali.

Bókhaldslegar eignir sjávarútvegsins í aflaheimildum eins og þær eru reiknaðar í dag halda engu vatni. Upplogið verð aflaheimilda hefur verið lækkandi og er algjörlega óvíst að þær séu yfir höfuð nokkurs virði. Um það höfum við álit frá mannréttindanefnd Sameinuðu Þjóðanna um kvótakerfið.

Frá lokum ársins 2006 þegar þessar tölur eru fengnar og fréttin fjallar um, hefur meðal annars þetta gerst sjá hér, og ljótt er það.

Eigið fé sjávarútvegsins 97 milljarðar

Athugasemdir

[Jóhann Elíasson, 20.5.2008 kl. 15:37]

Miðað við þróunina á "mörkuðum" er það svolítið einkennilegt, að í frétt frá LÍÚ LÆKKA skuldir sjávarútvegsins og eignirnar AUKAST en þetta verður til þess að eigið fé HÆKKAR.  Ég fæ ekki betur séð en þarna sé um hreina og klára fölsun að ræða, það kæmi mér ekki á óvart að eigið fé sjávarútvegsins reyndist NEIKVÆTT.